კოლონის კიბოს განმეორების ალბათობა ცხოვრების მარტივი წესებით შეიძლება შემცირდეს

კოლონის (მსხვილი ნაწლავის) კიბო მამაკაცებშიც და ქალებშიც სიხშირით 3. კიბოა და კიბოთი სიცოცხლის დაკარგვის ერთ-ერთი მნიშვნელოვანი მიზეზია. დიაგნოზისას პაციენტთა %40 3. სტადიაზეა. ამ სტადიაზე ყველაზე მნიშვნელოვანი მკურნალობაა კოლონის კიბოთი დაზიანებული ნაწილის ოპერაციულად ამოღება. ოპერაციის შემდეგ მესამე სტადიის კოლონის კიბოს პაციენტებს 3-6 თვის განმავლობაში ქიმიოთერაპია უტარდებათ. დამცავი, ანუ ადიუვანტური ქიმიოთერაპიის შემდეგ ამ სტადიის პაციენტებში რეციდივის (კიბოს განმეორების) ალბათობა %20-30-მდე მცირდება. მკურნალობადასრულებული პაციენტები 3-4 თვიანი ინტერვალებით შემოწმდებიან. ამ პერიოდში კოლონის კიბოს პაციენტისა და ოჯახის ყველაზე ხშირი კითხვა ექიმის მიმართ არის: ექიმო, არის კიდევ რამე ზომა, რომელიც ჩვენი დაავადების განმეორების თავიდან ასაცილებლად შეგვიძლია მივიღოთ?

არის.

კვლევაში, რომელსაც გაგიზიარებთ, ვნახავთ, რომ მკურნალობის დასრულების შემდეგ მარტივად მისაღები ზომებით კიბოს განმეორების ალბათობის შემცირება შეგვიძლია.

ASCO 2017 ჩიკაგოში წარდგენილ ამ კვლევაში III. სტადიის კოლონის კიბოს მქონე 992 პაციენტი ჩაერთო. კვლევაში ოპერაციის შემდგომი დამცავი ქიმიოთერაპიის დროს და მის შემდეგ ჯანსაღი ცხოვრების წესის მიმდევარ პაციენტთა %42-ში სიკვდილის დაბალი რისკი და კიბოს განმეორების ნაკლები შანსი დაფიქსირდა. კვლევის შედეგები ჩვენთვის ძალიან საყურადღებო იყო!

1999-2001 წლებში ჩარიცხული კოლონის კიბოს გამო დამცავი ქიმიოთერაპიის მიმღები პაციენტების ცხოვრების წესი გამოიკითხეს. მათი ცხოვრების შესაბამისობა ამერიკის კიბოს საზოგადოების (ACS) კიბოსგან გადარჩენილთა გზამკვლევის წესებთან 0-6 ქულით შეფასდა. ნულოვანი ქულა მიენიჭათ მათ, ვინც არცერთ ჯანსაღ ქცევას არ ავლენდა, ექვსი ქულა კი მათ, ვინც ყველა ჯანსაღ ქცევას ავლენდა.

მკვლევრებმა პაციენტები შემდეგ საკითხებზე რეკომენდაციების საფუძველზე შეაფასეს:

• სხეულის ჯანსაღი წონის შენარჩუნება,
• რეგულარული ფიზიკური აქტივობა,
• მთლიანი მარცვლეულით,
• ბოსტნეულითა და ხილით მდიდარი,
• წითელი და დამუშავებული ხორცის დაბალი შემცველობის საკვების მიღება.
• ამასთან ერთად ალკოჰოლის მოხმარებაც შეფასდა.

შვიდწლიანი დაკვირვებისას, ყველაზე ჯანსაღი ცხოვრების ქულის (5-6 ქულა) მქონე 91 პაციენტის ყველაზე დაბალი ცხოვრების ქულის მქონე 262 პაციენტთან შედარებისას, დაფიქსირდა, რომ ცხოვრების მაღალი ქულის მქონე პირებს სიკვდილისა და რეციდივის (კიბოს განმეორების) ალბათობა %42-ით ნაკლები ჰქონდათ. როდესაც ქულაში ალკოჰოლის მიღებაც ჩაითვალა, აღმოჩნდა, რომ ეს მაჩვენებლები ალკოჰოლის არმომხმარებლებში კიდევ უკეთესი იყო.

ჯანსაღი ცხოვრების წესი მარტო ვერ ჩაანაცვლებს სტანდარტულ დამცავ ქიმიოთერაპიას, თუმცა ქიმიოთერაპიის დროს და დასრულების შემდეგ ჯანსაღი ცხოვრების წესების დაცვა დაავადების განმეორების რისკს თითქმის %50-ით ამცირებს და ეს მაჩვენებელი არასოდეს უნდა უგულებელვყოთ.

ერთ-ერთი მკვლევარი, დოქტორი ჰეიზი ამბობს: „კოლონის კიბოს პაციენტები ოპტიმისტურად უნდა იყვნენ განწყობილი, ჯანსაღად იკვებებოდნენ, ერიდებოდნენ ალკოჰოლს და რეგულარულად ვარჯიშობდნენ; ეს მათ არა მხოლოდ უფრო ჯანმრთელად შეინარჩუნებს, არამედ კიბოს დაბრუნების ალბათობასაც შეამცირებს“.

ჩვენც, როგორც Oncotrust-ის გუნდი, გავაგრძელებთ ახსნას, რომ ჯანსაღი ცხოვრების წესები ყოველთვის სასარგებლოა და დაწყება არასოდესაა გვიან.

დაკავშირებული თემა:

- კოლონის კიბოს სიმპტომები