კორონავირუსის კანდიდატი ვაქცინის წარმოება 2 მილიარდი დოზის მიზნით დაიწყო
ოქსფორდის უნივერსიტეტის მკვლევრების მიერ კორონავირუსისწინააღმდეგ შემუშავებული კანდიდატი ვაქცინის წარმოება AstraZeneca ფარმაცევტული კომპანიის სპონსორობით დაიწყო. ამბის დეტალებამდე გავიხსენოთ მეცნიერების მიერ შექმნილი იმედისმომცემი ვაქცინა:
ადრე ChAdOx1 nCoV-19 სახელით ცნობილი, ამჟამად კი AZD1222-ად წოდებული კორონავირუსის კანდიდატი ვაქცინა იყენებს ზედა სასუნთქი გზების ინფექციების გამომწვევი ადენოვირუსის (ChAdOx1) დასუსტებულ ფორმას. გენეტიკური თვისებების შეცვლით იგი შიმპანზეებში ინფექციას იწვევს, მაგრამ ადამიანის ორგანიზმში ზრდის უნარს არ ავლენს. ვაქცინის ამ ვირუსს დაემატა ასევე SARS-CoV-2 კორონავირუსის ზედაპირზე გამოხატული, ინფიცირებაში მნიშვნელოვანი როლის მქონე S ცილისწარმოქმნისთვის აუცილებელი გენეტიკური კოდები. მიზანია იმუნურმა უჯრედებმა S ცილა ამოიცნოს და პასუხი წარმოქმნას , რათა უჯრედებში ვირუსის შეღწევა და ინფექცია თავიდან აიცილოს.
AstraZeneca-ს CEO Pascal Soriot-მა BBC-სთან ინტერვიუში, კორონავირუსის წინააღმდეგ შემუშავებული, ჯერ კიდევ კვლევაში მყოფი კანდიდატი ვაქცინის შესახებ განაცხადა: „ჩვენი გადაწყვეტილება მრავალ რისკს შეიცავს. თუ ვაქცინა მოსალოდნელ შედეგებს არ გამოიღებს, მთელი წარმოება და ინვესტიცია დაიკარგება. თუმცა ეს რისკი უნდა გავწიოთ. გვინდა მაქსიმალურად სწრაფები ვიყოთ. ჩვენი მიზანია, როცა კვლევის შედეგები მოვა, 2 მილიარდი ვაქცინა მზად იყოს გამოსაყენებლად“.
AstraZeneca-მ ინდოეთის შრატის ინსტიტუტთან შეთანხმებით საშუალო შემოსავლის ქვეყნებისთვის 1 მილიარდი დოზის უზრუნველყოფის პირობაც დადო. თავდაპირველი მიზანია ქვეყნებისთვის 2020 წლის დასრულებამდე 400 მილიონი დოზის მიწოდება. Soriot-მა აღნიშნა, რომ მსოფლიოში მომარაგების მრავალი ჯაჭვი იქმნება: „ჩვენი მთავარი მიზანია აღმოჩენილი ვაქცინა მთელმა მსოფლიომ გამოიყენოს. საშუალო შემოსავლის ქვეყნების გარდა, 300 მილიონ დოზა ვაქცინას აშშ-სმივაწვდით, 100 მილიონ დოზა ვაქცინას კი გაერთიანებულ სამეფოსმივაწვდით. პირველი მიწოდების დაწყებას სექტემბრიდან ველით “ — თქვა მან სასიხარულო ამბების გაზიარებისას.
გლობალურ პრობლემად ქცეული და ცხოვრების მრავალი სფეროს შეფერხების გამომწვევი კორონავირუსის მკურნალობის იმედად მიჩნეული კანდიდატი ვაქცინის მთელი კაცობრიობისთვის ხელმისაწვდომობა მეტად ამაღელვებელი სიახლეა. ვაქცინის კვლევებს ახლოდან დავაკვირდებით და ინფორმაციას კვლავ მოგაწვდით.
*
ქვემოთ მოცემულ ინფოგრაფიკულ პოსტერში თავდაპირველად ნაჩვენებია, როგორ გვიყალიბდება იმუნიტეტი კორონავირუსის წინააღმდეგ ვაქცინის გარეშე (აქტიური იმუნიზაცია), შემდეგ — ვაქცინის საშუალებით (პასიური იმუნიზაცია), და შეჯამებულია კორონავირუსის ვაქცინის შემუშავებისთვის გამოცდილი მეთოდები:
*
- ყველა ჩვენი სტატია კორონავირუსის შესახებ -
*
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.