მარტივი სისხლის ტესტით ძუძუს კიბოს ადრეული დიაგნოსტიკა

3 ნოემბერს 2019 წელს გაერთიანებული სამეფოს კიბოს კვლევის ეროვნული ინსტიტუტის (NCRI) კონფერენციაზეწარდგენილი საყურადღებო კვლევის თანახმად, სისხლის ტესტი ადრეული ძუძუს კიბოს დიაგნოსტიკაში ეფექტურად შეიძლება გამოიყენებოდეს.
კვლევის იდეის საფუძველია სიმსივნესთან დაკავშირებული ანტიგენების(tumor-associated antigens, TAAs) იმუნური უჯრედებით ამოცნობის შემდეგ სპეციალურად ამ ანტიგენებზე მიმართული ავტოანტისხეულების წარმოება.
ანტიგენიარის უჯრედის ზედაპირზე არსებული, მისთვის სპეციფიკური განსაკუთრებული სტრუქტურა, რომელიც ამ უჯრედის იმუნური სისტემის მიერ ამოცნობას უზრუნველყოფს. ანტისხეულიიმუნური სისტემის B ლიმფოციტების მიერ წარმოებული ანტიგენებთან დამაკავშირებელი მოლეკულაა. დღეს ანტისხეულებს ლაბორატორიულადაც აწარმოებენ და მრავალი ახალი თაობის წამალს ანტისხეულის სტრუქტურა აქვს.

კვლევის ადრეული შედეგებით „ვარაუდობენ“, რომ სისხლის ტესტით გამოსავლენი ეს ანტისხეულები დაავადების კლინიკური ნიშნების გამოჩენამდე დაახლოებით 5 წლით ადრე შეიძლება გამოვლინდეს. თუმცა მკვლევრები ამბობენ, რომ ამ სისხლის ტესტის სრულად გამოსაყენებლად ჯერ ძალიან ადრეა და იგი კიდევ უნდა გაუმჯობესდეს.
ამბობენ, რომ გაუმჯობესების შემდეგ მარტივი სისხლის ტესტით ძუძუს კიბოს ადრეული დიაგნოსტიკა შესაძლებელი გახდება. კვლევაში სისხლის ნიმუშები აიღეს ძუძუს კიბოს მქონე 90 და 90 ჯანმრთელი ქალისგან. ცილების მიკროარეის ტექნიკით ნიმუშებში სიმსივნესთან დაკავშირებული ანტიგენების ავტოანტისხეულები შეამოწმეს. აღმოჩნდა, რომ 9 TAA-ს შემცველი პანელი უფრო საიმედო შედეგებს იძლეოდა. 9 TAA-ს პანელმა დაავადებული ქალების ნიმუშთა %37 დაავადებულად, ჯანმრთელთა ნიმუშების %79 კი ჯანმრთელად ამოიცნო. ამ შედეგების მიხედვით, მამოგრაფიის მსგავსი მაღალი სანდოობის დიაგნოსტიკური მეთოდების ჩასანაცვლებლად ამ სისხლის ტესტზე ჯერ ბევრი მუშაობაა საჭირო.
მკვლევრები ამბობენ, რომ ასეთი ტესტის შექმნა ფართოდ გამოყენებულ ტექნიკებზე ნაკლებად ძვირი იქნება. ძუძუს კიბოს აღმოსაჩენი სისხლის ტესტის ამ მეთოდის განვითარებას პანკრეასის, კოლორექტული (მსხვილი ნაწლავის) და ღვიძლის კიბოს ადრეული დიაგნოსტიკისთვისაც ცდილობენ.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.