რა გზას მიჰყვება გაერთიანებული სამეფო კიბოს წინააღმდეგ ბრძოლაში?

2016 წელს გამოქვეყნებული ანგარიშით, კიბომ 12 ევროპულ ქვეყანაში გულ-სისხლძარღვთა დაავადებებს გადაასწრო და სიკვდილის პირველი მიზეზი გახდა. მრავალი ქვეყანა ეფექტიან პროგრამებს ახორციელებს და კვლევით ცენტრებს ქმნის. გაერთიანებული სამეფო, კიბოს კვლევისა და საგანმანათლებლო პროგრამების ერთ-ერთი საუკეთესო განმახორციელებელია. ვნახოთ, რას აკეთებენ ცნობადობისთვის.

გაერთიანებული სამეფო ოთხი სახელმწიფოსგან შედგება: უელსი, ინგლისი, შოტლანდია და ჩრდილოეთ ირლანდია. 2014 წელს 357.000 ახალი შემთხვევა იყო. პროცენტულად 50-ზე მეტი ძუძუს, პროსტატის, ფილტვისა და მსხვილი ნაწლავის კიბოა. მოსახლეობის პროცენტულად 50-ზე მეტი 70 წლისა და უფროს ასაკში ავადდება. მატების ორი მთავარი მიზეზია სიცოცხლის საშუალო ხანგრძლივობის ზრდა, რადგან კიბო უმეტესად ხანდაზმულთა დაავადებაა, და მოსახლეობის მატება. შემთხვევების პრევენციისა და ეფექტიანი მკურნალობისთვის მრავალი კვლევითი და დამხმარე ცენტრი მუშაობს. ესენია;

1. მსოფლიოს წამყვანი ონკოლოგიური ორგანიზაცია: Cancer Research UK

2002 წელს Imperial Cancer Research Fund-ისა და Cancer Research Campaign-ის გაერთიანებით შეიქმნა. მსოფლიოს უდიდესი დამოუკიდებელი კვლევითი ფონდია, რომლის მიზანია კიბოთი სიკვდილის შემცირება. თითქმის მთელი ბიუჯეტი საზოგადოების მხარდაჭერით ფინანსდება. ქვეყნის უნივერსიტეტებსა და საავადმყოფოებში კვლევებს ატარებს, სწორ საინფორმაციო კამპანიებს აწყობს და ცნობადობას ზრდის. ფლობს მსოფლიოში უდიდეს ბიომედიკურ ცენტრს, Francis Crick ინსტიტუტს. სხვადასხვა ცენტრში დაახლოებით 4000 ექიმს, ექთანსა და მკვლევარს უჭერს მხარს. ამ დრომდე 200-ზე მეტ კლინიკურ კვლევასდაუჭირა მხარი. პროსტატის კიბოს წამალი Abiraterone (Zytiga), მის ცენტრებში აღმოაჩინეს. ასევე 2015 წელს DNA-ის აღდგენის კვლევისთვის თურქ მეცნიერს აზიზ სანჯარსნობელის პრემიის გამზიარებელი ტომას ლინდალიც Cancer Research UK-ის მკვლევარია.

ფონდს 40.000-ზე მეტი აქტიური მოხალისე ჰყავს. ისინი შემოწირულობების შეგროვების, პაციენტთა დახმარებისა და ინფორმირების კამპანიებში მონაწილეობენ. ბოლო კამპანიებია:

• Time Hero (დროის გმირი): მოხალისეობის კამპანიაა მათი რიცხვის გასაზრდელად. მოხალისეები Cancer Research UK-ის მაღაზიებში მუშაობენ ან ღონისძიებებში მონაწილეობენ.
• The Race For Life (რბოლა სიცოცხლისთვის): სპორტის მხარდაჭერის, სიმსუქნის პრევენციისა და აქტიურობის ღონისძიებაა. გარკვეულ დღეებში სირბილის შეჯიბრებები ადამიანებს ვარჯიშისკენ წაახალისებს.

ბოლო დროს საერთაშორისო გუნდებსაც ეხმარება. მაგალითად, კიბოს უჯრედის 3-განზომილებიანი რუკების პროექტმა 6 წლისთვის 20 მილიონი ფუნტი მიიღო. ასევე აქვს ეფექტიანი, მდიდარი საიტი ყველა ასაკისთვის განკუთვნილი ვიდეოებითა და სტატიებით. . .

2. McMillan Cancer Support

1902 წელს კიბოთი მამის დამკარგავმა დუგლას მაკმილანმა დააარსა. მიზანია სამედიცინო, ფსიქოლოგიური და ფინანსური დახმარება. მთლიანად შემოწირულობებით ფინანსდება. სოციალური ღონისძიებებით პაციენტებს ამხნევებს და ფინანსურ მხარდაჭერასაც აგროვებს.

სიმსუქნეკიბოს რისკს მნიშვნელოვნად ზრდის. გაერთიანებულ სამეფოში ის დიდ პრობლემად იქცევა. ცხიმიანი მზა საკვებისა და ტკბილი სასმელების დიდი მოხმარებით შემთხვევები მატულობს. საპასუხოდ ხმელთაშუაზღვის დიეტა, მნიშვნელობას იძენს. ასევე გაყიდვით ლეგალური ელექტრონული სიგარეტები დიდი პრობლემაა. ბოლო სტატისტიკით განსაკუთრებით ახალგაზრდებში მოხმარება იზრდება. ეროვნული მონაცემებით 2.2 მილიონი ადამიანი იყენებს. მოწევის ჯანსაღ ალტერნატივად წარმოდგენილი ელსიგარეტის კარცინოგენების (კიბოს გამოწვევის მაღალი პოტენციალის ნივთიერებების) შემცველობაზე მნიშვნელოვანი კვლევები არსებობს.

სხვადასხვა ქვეყნის მოდელების შესწავლა ჩვენს ქვეყანაშიც ეფექტიან მიდგომებს განავითარებს და კიბოს შესახებ ინფორმირებულ საზოგადოებას შექმნის.