რა არის B უჯრედი — ლიმფოციტი? ფუნქციები და ანტისხეულების წარმოება
ამ სტატიაში
ადამიანი მუდმივად სხვადასხვა პათოგენს ხვდება. დასაცავად სხეულმა იმუნური (თავდაცვითი) სისტემა განავითარა. მას სხვადასხვა კომპონენტი აქვს და ძირითადად თანდაყოლილ იმუნურ სისტემად და შეძენილ იმუნურ სისტემად იყოფა. დაცვის სისტემებიდან ყველაზე ეფექტიანი შეძენილი სისტემა სხვადასხვა უჯრედისგან შედგება. ერთ-ერთი მათგანი, B უჯრედები (B ლიმფოციტები), ანტისხეულების წარმოქმნით სხეულის ჰუმორულ (სითხისმიერ) დაცვას ახორციელებს. ჰუმორული დაცვით ორგანიზმი თავისუფალი ბაქტერიების, ვირუსების მოლეკულებისა და სხვადასხვა ანტიგენისგან იცავს თავს. მას B უჯრედების დიფერენცირებული ფორმა, პლაზმური უჯრედების ანტისხეულები უზრუნველყოფს. ისინი ანტიგენს უკავშირდება და მის უარყოფით მოქმედებას თრგუნავს (კიბოს უჯრედებიც საკუთარ ანტიგენებს წარმოქმნის).
ქვემოთ ვირუსული ინფექციის შემდეგ B უჯრედების გააქტიურება არის ნაჩვენები.
B უჯრედები ბუნებრივად არსებობს და სხვადასხვა ანტისხეული აქვს. ენერგიისა და რესურსის დასაცავად საჭიროების გარეშე არ მრავლდება. პირველად შემოსული პათოგენი მოქმედების მიხედვით ხშირად თანდაყოლილ სისტემას გადალახავს. შემდეგ ანტიგენი უკვე არსებულ B უჯრედს, მისი შემავსებელი ანტისხეულით, უკავშირდება და გამრავლებას იწვევს. ამ სპეციფიკურ (პათოგენისთვის დამახასიათებელ) გამრავლებას კლონური ეწოდება. საკმარისად გამრავლების შემდეგ პლაზმურ უჯრედებად და მეხსიერების B უჯრედებად ორ ქვეჯგუფად იყოფა.
პლაზმური უჯრედები თავისუფალ ანტიგენთან საბრძოლველ ანტისხეულებს სისხლში უშვებს. მეხსიერების უჯრედები აქტიურ ბრძოლაში არ მონაწილეობს და იმავე ანტიგენთან შემდგომი შეხვედრისთვის მზადაა. ხელახალი შესვლისას უფრო სწრაფ და ეფექტიან პასუხს უზრუნველყოფს. მათი სიცოცხლეც პლაზმურზე ბევრად ხანგრძლივია.
- დაკავშირებული თემა: იმუნურ სისტემაში მეხსიერების B უჯრედების ახალი მიკროორგანო აღმოაჩინეს
B უჯრედების მნიშვნელობა კიბოში
B ლიმფოციტის სწორ მუშაობას შემაფერხებელი ნებისმიერი პრობლემა იმუნიტეტს აზიანებს. მაგალითად B-ALL (წინამორბედი B უჯრედის მწვავე ლიმფობლასტური ლეიკემია) B ლიმფოციტის კიბოა. მუტირებული B უჯრედები CD19 ანტიგენით ამოიცნობა. ბოლო დროს შეძენილი იმუნიტეტის სხვა მნიშვნელოვანი კომპონენტის, T ლიმფოციტების გამოყენებით მომზადებულ CAR-T უჯრედულ თერაპიაში პაციენტს CD19-ზე სპეციალურად შეცვლილი რეცეპტორების მქონე T ლიმფოციტებს აძლევენ დაზიანებულ B ლიმფოციტებთან საბრძოლველად. ამ მეთოდით ALL-ის მკურნალობაში დიდი წინსვლაა.
ქვემოთ სისხლისა და იმუნური სისტემის ძირითადი უჯრედებია:
წყაროები
Immunobiology, 5th edition
The Immune System in Health and Disease
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.