მწეველთა რაოდენობა ასეთი მაღალი არასოდეს ყოფილა — 1 მილიარდს გადააჭარბა

ახალი კვლევით, 2019 წელს სიგარეტის გამო დაახლოებით 8 მილიონი ადამიანი გარდაიცვალა. მსოფლიოში ახალგაზრდების მიერ მოწევის დაწყებამ მწეველთა რაოდენობა მკვეთრად გაზარდა და ამჟამად აქტიური მწეველების რაოდენობა მსოფლიოში, სავარაუდოდ, 1,1 მილიარდს აღწევს.
ახალგაზრდებში მოწევის სიხშირე იზრდება
LANCET-შიგამოქვეყნებული კვლევით, 1990 წლის შემდეგ 9 წლის განმავლობაში მწეველთა 150 მილიონზე მეტით მატება ამ ჩვევის პრევენციის მცდელობების ნაწილობრივ წარუმატებლობას აჩვენებს. კვლევაში ხაზგასმულია, რომ მთავრობებმა, ახალი მწეველების 89%-ის 25 წლამდე დამოკიდებულებად ქცევის გამო, ყურადღება ახალგაზრდებში მოწევის შემცირებაზე უნდა გაამახვილონ.
ჯანმრთელობის მაჩვენებლებისა და შეფასების ინსტიტუტის მკვლევარმა და კვლევის ერთ-ერთმა ავტორმა Marissa Reitsma-მ „ახალგაზრდები დამოკიდებულების მიმართ განსაკუთრებით მოწყვლადები არიან; მსოფლიოში მოწევის შეწყვეტის მაღალი მაჩვენებლის მიღწევა რთულია, ამიტომ, თუ ყოველწლიურად მოწევის დამწყებთა რაოდენობა მნიშვნელოვნად არ შემცირდა, თამბაქოს ეპიდემია კიდევ მრავალი წელი გაგრძელდება“ განაცხადა.
მოწევის სიხშირის მატება
მიუხედავად იმისა, რომ ბოლო ოცდაათ წელიწადში მოწევის გავრცელება მსოფლიოში შემცირდა, 20 ქვეყანაში მამაკაცებში და 12 ქვეყანაში ქალებში მოწევის სიხშირე გაიზარდა.
მსოფლიოს მწეველთა ნახევარზე მეტს (ორ მესამედს) მხოლოდ 10 ქვეყანა მოიცავს:
- ჩინეთი (ყოველი სამი მწეველიდან ერთი ჩინეთში ცხოვრობს — 341 მილიონი)
- ინდოეთი
- ინდონეზია
- აშშ
- რუსეთი
- ბანგლადეში
- იაპონია
- თურქეთი
- ვიეტნამი
- ფილიპინები
2019 წელს მრავალი დაავადებით სიკვდილი სიგარეტს დაუკავშირდა:
- გულის იშემიური დაავადება — 1,7 მილიონი სიკვდილი
- ფილტვის ქრონიკული ობსტრუქციული დაავადება — 1,6 მილიონი სიკვდილი
- ფილტვის კიბო — 1,3 მილიონი სიკვდილი
- ინსულტი — დაახლოებით 1 მილიონი სიკვდილი
წინა კვლევებმა აჩვენა, რომ
- ხანგრძლივი მწეველების სულ მცირე ნახევარი უშუალოდ მოწევასთან დაკავშირებული მიზეზებით გარდაიცვლება და
- მათი სიცოცხლის საშუალო ხანგრძლივობა არასოდეს მწეველებთან შედარებით 10 წლით ნაკლებია.
კვლევა გლობალური დაავადებათა ტვირთის კვლევების ნაწილია, რომლებიც სიკვდილისა და შეზღუდული შესაძლებლობის გამომწვევ ჯანმრთელობის პრობლემებს შეისწავლის; გაანალიზდა 204 ქვეყნის ტენდენციები. შედეგებით, შესწავლილი ქვეყნების ნახევარში 15 – 24 წლის ახალგაზრდებში მოწევის შეწყვეტის კუთხით წინსვლა არ ყოფილა, ხოლო ქვეყნების უმეტესობაში, სადაც მოწევა კანონიერია, დაწყების საშუალო ასაკი 19 წელი იყო . Reitsma-ს თქმით, მტკიცებულებები აჩვენებს, რომ ახალგაზრდებში ჩვევის დაწყების გადადება მომავალში მოწევის ნაკლებ ალბათობას უკავშირდება.
დაკავშირებული თემები
- ახალგაზრდებში თამბაქოს პროდუქტებისა და ელექტრონული სიგარეტის მზარდი გამოყენების შესახებ
- Pod Mod: ახალი ეპოქის ყველაზე მიმზიდველი ნიკოტინდამოკიდებულების საშუალება — ფარული სამიზნე ახალგაზრდებია!
- პირველად ქალებში ფილტვის კიბოს სიხშირემ მამაკაცებს გადააჭარბა
„იმის უზრუნველყოფა, რომ ახალგაზრდები 20-იანი წლების შუახანებში სიგარეტს არ მოწევენ, მომავალ თაობებში მოწევის მაჩვენებლების რადიკალურ შემცირებას გამოიწვევს“ — ამბობს Reitsma.
თამბაქოს მოხმარების კონტროლის სირთულეები
მიუხედავად იმისა, რომ 182 ქვეყანამ 2005 წელს თამბაქოს მოხმარების კონტროლის რეგულაციას ხელი მოაწერა, მოწევის შემცირების პოლიტიკის შესრულება განსხვავდებოდა. მკვლევართა თქმით, გადასახადები ყველაზე ეფექტიანი პოლიტიკაა, თუმცა განვითარებულ ქვეყნებში კოლოფის მაღალ ფასსა და დაბალ თუ საშუალო შემოსავლის ქვეყნებში დაბალ ფასს შორის მნიშვნელოვანი სხვაობაა.
კვლევის სხვა ავტორმა Vin Gupta-მ თქვა, რომ ახალგაზრდების მიმზიდველი არომატიზებული სიგარეტებისა და ელექტრონული სიგარეტების მსგავს პროდუქტებთან ერთად მოწევის წინააღმდეგ ბრძოლასაც უფრო ძლიერი ერთგულება სჭირდება. „ზოგ ქვეყანაში წინსვლის მიუხედავად, თამბაქოს ინდუსტრიის ჩარევამ და შემცირებულმა პოლიტიკურმა ერთგულებამ თამბაქოს გლობალურ კონტროლში ცოდნასა და ქმედებას შორის დიდი, ხანგრძლივი უფსკრული შექმნა. რეკლამის, პოპულარიზაციისა და სპონსორობის აკრძალვები ინტერნეტმედიასაც უნდა მოიცავდეს, თუმცა სამწუხაროდ მხოლოდ ყოველ მეოთხე ქვეყანას აქვს ყველა სახის პირდაპირი თუ არაპირდაპირი თამბაქოს რეკლამა სრულად აკრძალული.“
კიდევ ერთი საკითხია თამბაქოს პროდუქტების რეკლამის აკრძალვის უხეში დარღვევა. ყველაზე ცნობილი მაგალითია სიგარეტის რეკლამით შეფუთული Netflix-ის პროდუქცია.
*
დაკავშირებული თემები
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.