რადიოთერაპია — სხივური მკურნალობა CyberKnife რადიოქირურგიით

CyberKnife კიბოს მილიმეტრული სიზუსტით მკურნალობის შესაძლებლობის მქონე რობოტული რადიოქირურგიის სისტემაა. ტრადიციული რადიოქირურგიისგან განსხვავებით, ის მკურნალობისას გამოსახულებით სამიზნის მდებარეობისა და მიმართულების განმსაზღვრელ სისტემას კომპიუტერით მართვად რობოტს აერთიანებს და სიმსივნეს მაღალი სიზუსტით ასხივებს. ნორმალური ქსოვილების რადიაციის გავლენისგან მაღალი ხარისხით დაცვა შესაძლებელია.

CyberKnife განსაკუთრებით ქალასშიდა სიმსივნეების მკურნალობითაა ცნობილი. ეს შეიძლება იყოს ტვინის მეტასტაზები ან ტვინის პირველადი კეთილთვისებიანი და ავთვისებიანი სიმსივნეები. ქალას გარეთ ის გამოიყენება თავისა და კისრის, ფილტვის, ღვიძლის, პანკრეასის, პროსტატის კიბოს, რბილი ქსოვილისა და ხერხემლის სიმსივნეების, მეტასტაზური და განმეორებული კიბოების დროს.

CyberKnife რადიოქირურგიის სისტემის უპირატესობები

• უმტკივნეულო გამოყენება
• არაინვაზიურობა (ჩარევის გარეშე)
• ანესთეზიის საჭიროების არარსებობა
• ამბულატორიული მკურნალობის მეთოდი
• მაღალი სიზუსტით სიმსივნის გარშემო ჯანსაღი ქსოვილებისა და ორგანოების დაცვა და შესაბამისად გვერდითი მოვლენების ძალიან დაბალი რისკი
• მკურნალობისას სუნთქვის შეკავების საჭიროების არარსებობა 

ძირითადად CyberKnife ინდუსტრიულ რობოტებზე დამონტაჟებული მოწინავე ხაზოვანი ამაჩქარებელია. სტერეოტაქსიური რადიოქირურგია (SRC), რაც კოორდინატებით სამიზნის მკურნალობას ნიშნავს, სამგანზომილებიანი კოორდინატების განსაზღვრის შემდეგ მაღალი დოზითრადიაციის გამოყენებით სიმსივნის ერთ სეანსში სრულ განადგურებას გულისხმობს. რამდენიმე, ჩვეულებრივ 3-5 სეანსის შემთხვევაში მეთოდს სტერეოტაქსიური რადიოთერაპია (SRT) ეწოდება.

განმეორებითი გამოყენების საშუალებას იძლევა

CyberKnife გამოიყენება იმ პაციენტებშიც, რომლებმაც ადრე რადიოთერაპია მიიღეს, მაგრამ იმავე ადგილას დაავადება გაუმეორდათ. ასეთ სიმსივნეებში მეორედ გამოყენებაც შესაძლებელია.