CyberKnife radiocərrahiyyə ilə radioterapiya — şüa müalicəsi

CyberKnife millimetrik dəqiqliklə xərçəng müalicəsinə imkan verən robotik radiocərrahiyyə sistemidir. Klassik radiocərrahiyyə üsullarından fərqli olaraq CyberKnife müalicə boyunca görüntüləmə ilə hədəfi müəyyənləşdirən və bələdçilik edən sistemi kompüterlə idarə olunan robotla birləşdirərək şişlərin yüksək dəqiqliklə şüalandırılmasını təmin edir. Normal toxumalar radiasiya təsirlərindən yüksək dərəcədə qoruna bilir.

CyberKnife xüsusilə kəllədaxili (intrakranial) şişlərin müalicəsi ilə tanınır. Bunlar beyin metastazları və ya beynin birincili xoşxassəli və bədxassəli şişləri ola bilər. CyberKnife istifadə olunan ekstrakranial patologiyalar isə baş-boyun, ağciyər, qaraciyər, mədəaltı vəzi xərçəngləri, yumşaq toxuma şişləri, onurğa şişləri, prostat xərçəngi, metastatik və təkrarlayan xərçənglərdir.

CyberKnife radiocərrahiyyə sisteminin üstünlükləri

• Ağrısız tətbiq edilə bilməsi
• İnvaziv (müdaxiləli) olmaması
• Anesteziyaya ehtiyac olmaması
• Ambulator müalicə olması
• Yüksək dəqiqliklə şiş ətrafındakı sağlam toxuma və orqanları qoruması, buna görə yan təsir riskinin çox az olması
• Müalicə zamanı heç bir şəkildə nəfəsi saxlamaq lazım olmaması 

Əsasən CyberKnife sənaye robotları üzərinə yerləşdirilmiş qabaqcıl xətti sürətləndiricidir. Koordinatlarla hədəfin müalicəsi demək olan Stereotaktik Radiocərrahiyyə (SRC) üçölçülü koordinatlar müəyyən edildikdən sonra, yüksək dozada radiasiya ilə şişin tək seansda tam məhv edilməsidir. Bu müalicə birdən çox seansda, adətən 3-5 seansda tətbiq olunanda Stereotaktik Radioterapiya (SRT) adlanır.

Təkrar tətbiqə imkan verir

CyberKnife əvvəllər radioterapiya almış, lakin eyni nahiyədə xəstəliyi təkrarlamış xəstələrdə də istifadə olunur. Belə şişlərdə ikinci dəfə tətbiq edilə bilər.