რადიოთერაპია — სხივური მკურნალობა Elekta Versa HD-ით

კიბოს მკურნალობის ერთ-ერთი უახლესი ტექნოლოგია, ახალი თაობის სხივური აპარატი Elekta Versa HDმკურნალობისას მიწოდებული დოზების ზუსტი გამოთვლით ჯანსაღი ორგანოების დაზიანებას აფერხებს. ხაზოვან ამაჩქარებლებს შორის 5-ჯერ ნაკლები გაჟონვის დოზის გამტარობის მქონე სტრუქტურა ორგანოებს იცავს და მეორეული კიბოს რისკსაც ამცირებს. ტექნოლოგია სხვა აპარატებთან შედარებით მკურნალობის დროის მნიშვნელოვანი შემცირებითაც გამოირჩევა.

„მაღალი დოზის სიჩქარის“ რეჟიმი მკურნალობას ამოკლებს

Elekta Versa HD ყველა ტრადიციულ რადიოთერაპიულ ტექნიკას ეფექტიანად და უსაფრთხოდ ასრულებს და ხაზოვან ამაჩქარებელზე დაფუძნებული სტერეოტაქსიური მკურნალობით თანამედროვე ონკოლოგიას კიდევ ერთი ნაბიჯით წინ სწევს. მისი „მაღალი დოზის სიჩქარის“ რეჟიმი ძველი თაობის ამაჩქარებლებზე სამჯერ მაღალ მაქსიმალურ დოზის სიჩქარეს იძლევა. ამ არჩევანით Versa HD დროს ამცირებს და წარმატებას ზრდის.

მიზნობრივი დასხივება მაღალი საიმედოობით

Versa HD აღჭურვილია Elekta-ს რევოლუციური მრავალფოთლოვანი კოლიმატორით, AgilityTM-ით. Agility-ის დამცავი ფოთლების სიჩქარე სხვა სისტემებზე ორჯერ მეტზე მაღალია. დაპატენტებული პოზიციონირების ტექნოლოგია რეალურ დროში ამოწმებს მოძრაობას და უკიდურესი სიზუსტით, მაღალი საიმედოობითა და გაუმჯობესებული შესაბამისობით დასხივებას უზრუნველყოფს. აპარატის 160 ველის შემომსაზღვრელი ელემენტი (MLC) სამიზნე სიმსივნის ფორმას უკეთ განსაზღვრავს და ჯანსაღი ორგანოების დაზიანების რისკს ამცირებს.

დაგეგმვისას პაციენტისთვის ყველაზე შესაფერისი დოზის სიჩქარე განისაზღვრება

Versa HD-ში გამოიყენება Monaco, რომელიც ყველაზე ზუსტ დოზას ითვლის და ოქროს სტანდარტად აღიარებული ზუსტი Monte Carlo ალგორითმითაა მხარდაჭერილი. ბიოლოგიური დოზის ოპტიმიზაციის მქონე დაგეგმვის სისტემით შეიძლება პაციენტზე მორგებული დოზის სიჩქარის გამოთვლა, დოზის ეფექტიანობის შემოწმება და ორგანოების რისკისგან დაცვა.

გაუმჯობესებული უსაფრთხოება და კომფორტი

Versa HD ახალი ერგონომიკითა და რბილი, თანამედროვე ფორმებით კომფორტულ და უსაფრთხო გარემოს ქმნის. დაბალი მექანიკური ხმაური და გარემოს განათების ეფექტები კომფორტს მნიშვნელოვნად ზრდის.

მოწინავე ტექნოლოგიური თვისებები

• ერთი აპარატით იძლევა მრავალი მკურნალობის შესაძლებლობას: ინტენსივობამოდულირებული, გამოსახულებით კონტროლირებული და სტერეოტაქსიური, ანუ წერტილოვანი დასხივება.
• Conebeam CT (დაბალდოზიანი მოცულობითი კომპიუტერული ტომოგრაფია)
• Elekta Agility® MLC-თან სრულად ინტეგრირებულია; 40 cm x 40 cm მთლიან ველზე 160 x 5 mm დამცავი ფოთლებით სამიზნე სიმსივნის ფორმა მაქსიმალური სიმკვეთრით განისაზღვრება.
• ფოთლების მაღალი სიჩქარით მკურნალობა უფრო სწრაფად მიეწოდება.
• არათერაპიულ დოზას მნიშვნელოვნად ამცირებს.
• Versa HD კომფორტს ზრდის თანამედროვე ერგონომიკით, პაციენტზე მორგებული რბილი და პრიალა გარე იერით, დაბალი მექანიკური ხმაურით, ახალი მართვის საშუალებებითა და განათების ეფექტებით, რომლებიც უფრო დამაჯერებელ და მშვიდ გარემოს ქმნის.
• Versa HD უახლესი თაობის სხივური ტექნოლოგიაა, რომელიც კიბოს მკურნალობის სტანდარტებს ცვლის და ზოგი სიმსივნის მკურნალობაში გარღვევას ახდენს.

ხაზოვან ამაჩქარებელზე დაფუძნებული რადიოქირურგიის (სხივით ოპერაციის) უნარის მქონე მოწინავე აპარატია; ამავდროულად მაღალი სიზუსტით მკურნალობს ნებისმიერ პაციენტს, რომელსაც რადიოთერაპიის ჩვენება აქვს.

უახლოეს კონკურენტზე 5-ჯერ ნაკლები გაჟონვის დოზის გამტარობის მქონე კოლიმატორით ჯანსაღ ორგანოებს იცავს და მეორეული კიბოს რისკის ყველაზე დაბალი პროცენტი აქვს.

თავის სფეროში ყველაზე მეტი, 160 ველის შემომსაზღვრელი ელემენტით (MLC) სამიზნე მოცულობის ფორმას უკეთ ერგება და ჯანსაღი ორგანოების დოზას ამცირებს.

სფეროში MLC-ის ყველაზე მაღალი სიჩქარით კონკურენტებთან შედარებით მკურნალობის დროს ამცირებს.

მსოფლიოში აღიარებული ზუსტი Monte Carlo ალგორითმის მქონე დაგეგმვის სისტემით პაციენტისთვის მიწოდებული დოზები მაქსიმალურად ზუსტად ითვლება.

უფილტრო მკურნალობის (FFF) ენერგიებით გაფილტრულ ენერგიებზე 4-ჯერ მაღალ დოზის სიჩქარეს აღწევს. რადიოქირურგიის (სხივით ოპერაციის) პაციენტებს სწრაფად და ზუსტად მკურნალობს.

4-განზომილებიანი მკურნალობისშესაძლებლობის მქონე სუნთქვის მონიტორინგით სამიზნე მოცულობაში დოზის მიწოდებისას ჯანსაღ ორგანოებს მაქსიმალურად იცავს. სისტემა მხოლოდ განსაზღვრულ სუნთქვით ფაზაში ასხივებს და სხვა ფაზებში ავტომატურად წყვეტს. სუნთქვის მონიტორინგი განსაკუთრებით ღვიძლის, ფილტვისა და მარცხენა ძუძუს კიბოს პაციენტებისთვისაა მნიშვნელოვანი. სისტემა პაციენტის მოძრაობასაც ავტომატურად ამოიცნობს და ჯანსაღ ორგანოებში ჭარბ დოზას თავიდან იცილებს.

მაგიდის 6-განზომილებიანი მოძრაობით პაციენტის სწრაფი და ზუსტი პოზიციონირება შესაძლებელია.

პროსტატის კიბოს მკურნალობისას ინვაზიური ფიდუციური მარკერების მოთავსების გარეშე, პროსტატის მონიტორინგი ულტრაბგერითი გამოსახულებით შეიძლება ჩატარდეს.