როგორ აღაგზნებს კორონავირუსი ჩვენს იმუნურ სისტემას ჩვენს წინააღმდეგ?

ახალი მეცნიერული მტკიცებულებები ვარაუდობს, რომ ასაკობრივი მაკულარული დეგენერაციის (ყვითელი ლაქის დაავადება, თვალის დარღვევა), თრომბოციტოპენიის (სისხლის ფირფიტების შემცირება), თრომბოზის (შედედების პრობლემა) ან სისხლდენის ისტორია, COVID-19 დაავადებისა და მისგან სიკვდილის უფრო მაღალ რისკს უკავშირდება.
მიგნებები, COVID-19-ის დამძიმებისა და „იმუნური სისტემისდარღვევის“ გამომწვევი კონკრეტული უჯრედული გზების გამოვლენის მცდელ კვლევებიდან მოდის. უარეს კლინიკურ შედეგებს მიღმა მექანიზმების ღრმა შესწავლა იმუნური სისტემის კომპლემენტისა და შედედების კომპონენტთა განსხვავებებზე მიუთითებს. ორივე კომპონენტი ანთებას / ინფლამაციას უკავშირდება.
კომპლემენტის (შემავსებელი) სისტემაბიოქიმიური გზაა, რომელიც ცოცხალ ორგანიზმს პათოგენების მოცილებაში ეხმარება და იმუნური სისტემის ნაწილად ითვლება. ის სისხლში არააქტიური ცილების მცირე რაოდენობას მოიცავს. გარკვეული სტიმულებისას ისინი აქტიურდება და იმუნური სისტემის მაცნე მოლეკულების, ციტოკინების, გამოყოფას იწვევს. აქტივაციის შედეგად უჯრედის მკვლელი ზედაპირული შემტევი კომპლექსი აქტიურდება. ვარაუდობენ, რომ ახალი კორონავირუსი (SARS-CoV-2) კომპლემენტის გააქტიურებით ჩვენს იმუნურ სისტემას საკუთარი უჯრედების წინააღმდეგ აღაგზნებს.
სტატიის ავტორმა Sagi Shapira-მ, ნიუ-იორკის Columbia უნივერსიტეტის სისტემური ბიოლოგიის მკვლევარმა მიკრობიოლოგიასა და იმუნოლოგიაში, განაცხადა: „ამ შემთხვევაში ჩანს, რომ SARS-CoV-2 იყენებს კომპლემენტისა და შედედების სისტემებს, რომელთა მოლეკულური დეტალების შესახებ მცირე მინიშნებები მაინც გვაქვს და აქტიურად ვსწავლობთ, და ამით ჩვენს იმუნურ სისტემას ჩვენს წინააღმდეგ აღაგზნებს."
ეს ღირებული კვლევა 3 აგვისტოს Nature Medicine-ში გამოქვეყნდა.
რეტროსპექტიულ, დაკვირვებით კვლევაში SARS-CoV-2 ინფექციაზე საეჭვო 11.116 პაციენტი შეაფასეს. ისინი 1 თებერვლიდან 25 აპრილამდე NewYork-Presbyterian / Columbia უნივერსიტეტის Irving სამედიცინო ცენტრში მივიდნენ. სულ 6398 (%58) პაციენტის კორონავირუსის ტესტი დადებითი იყო.
მონაწილეთა საშუალო ასაკი 52 იყო, %45 მამაკაცი. დაახლოებით %27-ს კორონარული არტერიების დაავადება, %13-ს ტიპი 2 დიაბეტი ჰქონდა და %12 სიმსუქნის მქონე იყო. სულ 88 პაციენტს მაკულარული დეგენერაციის ისტორია, 4-ს კომპლემენტის დეფიციტი და 1179-ს შედედების დარღვევა ჰქონდა. მკვლევრებმა მაკულარული დეგენერაციის ისტორია კომპლემენტის აქტივაციის დარღვევის ბიომარკერად შეაფასეს.
მნიშვნელოვანი მიგნებები
- მაკულარულ დეგენერაციასა და შედედების დარღვევებთან დაკავშირებული რისკები, მექანიკური ვენტილაციისა და სიკვდილის ჩათვლით, ასაკის, სქესისა და მოწევის ისტორიისგან დამოუკიდებელი იყო.
- მკვლევრებმა განაცხადეს: „კერძოდ, ვერ ვიპოვეთ მტკიცებულება, რომ მოწევის მდგომარეობა (წარსული ან მიმდინარე) მექანიკური სუნთქვის ან სიკვდილის მნიშვნელოვანი რისკფაქტორია“.
- მაკულარული დეგენერაციის ისტორიის მქონე მონაწილეებიდან 14 პაციენტი ინტუბირებული იყო, 22 კი გარდაიცვალა.
- Shapira-მ და კოლეგებმა ტრანსკრიფციული გენეტიკური პროფილირებაც ჩაატარეს. ანალიზმა კომპლემენტისა და შედედების გზებში ტიპი-1 ინტერფერონითა და ინტერლეიკინ-6-ით მედიირებული ანთებითი პასუხები გამოავლინა.
- მკვლევრებმა ამ გზებში უფრო მძიმე COVID-19 ინფექციასთან დაკავშირებული კანდიდატი გენეტიკური ვარიანტებიც (ცვლილებები) განსაზღვრეს.
უფრო ფართო სურათს შევხედოთ
ეს პირველი კვლევა არაა, რომელიც კომპლემენტისა და შედედების გზების დარღვევასა და გენეტიკურ მრავალფეროვნებას ვირუსულ ინფექციას უკავშირებს. მაგალითად, დენგეს ვირუსის მსგავს მიგნებებსაც უფრო მძიმე დაავადება ახლავს. ავტორები ვარაუდობენ, რომ „კომპლემენტისა და შედედების დარღვევები პათოგენების ფართო სპექტრის რისკფაქტორებს შეიძლება წარმოადგენდეს“.
Shapira-მ განაცხადა: „ზოგადად ვფიქრობ, მზად ვართ გამოვიყენოთ ჩარჩო, რომელიც სტრუქტურული ბიოლოგიის, ელექტრონულ სამედიცინო ჩანაწერებზე ანალიტიკური მიდგომებისა და გენომიკის გაერთიანებით შევქმენით, რათა გამოვავლინოთ ფუნდამენტური ბიოლოგია და სხვა ინფექციებთან დაკავშირებული ავადობისა და სიკვდილიანობის ხელშემწყობი ძირითადი პათოფიზიოლოგია“.
Shapira-მ გააფრთხილა, რომ წინსვლის მიუხედავად კლინიკური პრაქტიკის შეცვლა ჯერ ნაადრევია. „მიუხედავად მინიშნებებისა, რომ კომპლემენტსა და შედედებაზე მიმართული არსებული მკურნალობა COVID-19 პაციენტებისთვის იმედისმომცემი შეიძლება იყოს, კვლევები ადრეულ ეტაპზეა. სამწუხაროდ, ჯერ არ ვართ იმ წერტილში, სადაც ამ შედეგებმა მიმდინარე სტანდარტული დამხმარე მკურნალობა უნდა შეცვალოს."
COVID-19-ის წინააღმდეგ კვლავ ჩვენი უდიდესი ძალა პრევენციაარის. ნიღაბი, ხელების დაბანა, ავადმყოფებისა და საეჭვო შემთხვევების სწრაფად გამოვლენა და იზოლაცია... ასევე გაითვალისწინეთ პაციენტთა თანმხლები დაავადებები, ცხოვრების წესი და სიმსუქნის არსებობა, ესაუბრეთ და მნიშვნელოვან რისკფაქტორთა, მათ შორის შედედებისა და კომპლემენტის დისფუნქციის მქონეებს განსაკუთრებული სიფრთხილისკენ მოუწოდეთ.
Shapira-მ თქვა: „SARS-CoV-2-ით ინფიცირების შემდეგ კომპლემენტისა და შედედების დარღვევის ისტორიის მქონე პაციენტები იმუნოთერაპიის კარგი კანდიდატები შეიძლება იყვნენ.“.
Shapira-მ აღნიშნა, რომ კლინიკური კვლევები ამ გზებზე მიმართული არსებული პრეპარატების თერაპიულ პოტენციალს სწავლობს და განაცხადა: „მოუთმენლად ველით, შევძლებთ თუ არა ნასწავლის ღირებულ მკურნალობად ქცევას.“.
დამატებითი მიგნებები
ნიუ-იორკის Mount Sinai-ის Icahn სამედიცინო სკოლის მიკრობიოლოგიის პროფესორმა Benjamin tenOever-მა კომენტარის თხოვნისას განაცხადა: „შედედებისა და კომპლემენტის სისტემის სამიზნედ არჩევას განსაკუთრებით ეფექტიანად არ მივიჩნევ“.
28 მაისს Cell ჟურნალში გამოქვეყნებული და COVID-19-ის განვითარებასთან დაკავშირებული დაუბალანსებელი მასპინძლის (ორგანიზმი, რომელიც სხვა ორგანიზმს პარაზიტად ატარებს; ცხოველი ან ადამიანი, რომელშიც ან რომელზეც გამომწვევი იკვებება) პასუხების შემსწავლელი კვლევის უფროსმა ავტორმა tenOever-მა განაცხადა: „ყველა ეს მიგნება ამ პუბლიკაციამდე ბევრად ადრე იყო ცნობილი. SARS-CoV-2-ზე პასუხისას კომპლემენტისა და შედედების სისტემის შესახებ მაისიდან ვიცით.“, — დაამატა მან.
Shapira-მ თქვა, რომ ეს რეცენზირებული Nature Medicine სტატია 3 აგვისტოს გამოქვეყნდა, თუმცა პრეპრინტი მაისის დასაწყისში იყო გამოშვებული. ასევე აღნიშნა, რომ მცირე ცხოველურ კვლევებსა და SARS-1 და MERS ინფექციის ადამიანურ კვლევებში კომპლემენტისა და შედედების ფუნქციების როლი კორონავირუსში „ამ პანდემიის დაწყებამდე ბევრად ადრე“ იყო გაგებული.
წყაროები
Immune complement and coagulation dysfunction in adverse outcomes of SARS-CoV-2 infection.
Nature Medicine, 03 August 2020.
1. More Clues on How COVID-19 Can Turn Immune System Against Us - Medscape - Aug 25, 2020.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.