შორსწასული მელანომის (კანის კიბოს) სამკურნალოდ კვლევის პროცესში მყოფი პრეპარატი სიმსივნეს ამცირებს

კვლევის პროცესში მყოფი პრეპარატი T-VEC შორსწასული კანის კიბოს მკურნალობისას ხანგრძლივ პასუხს იწვევს.

მსოფლიო მასშტაბით კანის კიბოს დიაგნოზი 3 მილიონზე მეტ ადამიანს უსვამენ, ხოლო ეს მაჩვენებელი ჩვენს ქვეყანაში 100 ათასზე 16.67-ს შეადგენს. მრავალი მიზეზის, მათ შორის გარუჯული კანის სურვილისა და სოლარიუმის ხშირი გამოყენების, მზეზე დაუფიქრებლად ყოფნისა და საშუალო ასაკის ზრდის გამო, ჩვენს ქვეყანაში კანის კიბოთი დაავადებულთა რაოდენობა ყოველწლიურად იზრდება. კანზე ნებისმიერი სახის ჭრილობა, რომელიც არ ხორცდება ან თითქოს ხორცდება და შემდეგ კვლავ იხსნება, ასევე ნებისმიერი მზარდი ლაქა ან ხალი ექიმმა უნდა შეამოწმოს და საჭიროების შემთხვევაში მცირე ქირურგიული ჩარევით უნდა მოიხსნას. ეს მეთოდი მომავალში კანის შესაძლო კიბოსგან დაგიცავთ.

ბიოლოგიური განსხვავებებისა და გავრცელების სიხშირის გათვალისწინებით, კანის კიბო იყოფა ავთვისებიან მელანომად (ავთვისებიან სიმსივნედ) და არამელანომურ კანის კიბოებად. მამაკაცებში ყველაზე ხშირად გავრცელებულ, ფილტვის კიბოს შემდეგ მეორე ადგილზე მყოფ, არამელანომურ კანის კიბოს სიცოცხლისთვის საფრთხის შემცველი არ ეწოდება. ავთვისებიანი მელანომა კი, რომელიც კანზე თანდაყოლილ ან მოგვიანებით გაჩენილ ხალებზე ვითარდება, ადრეული დიაგნოზის არარსებობის შემთხვევაში სიცოცხლისთვის საშიშ რისკს ქმნის. კანზე არსებულ ან მოგვიანებით გაჩენილ ლაქაზე ან ხალზე გაფართოება, ზრდა, სისხლდენა, ასევე არსებულ ჭრილობაში გაღრმავება და ფერის ცვლილება შეიძლება ავთვისებიანი მელანომისა და არამელანომური კანის კიბოების ნიშნები იყოს.

კანის კიბოს შემთხვევების ყოველწლიურად ზრდასთან ერთად, მის შესასწავლად ჩატარებული კვლევების რაოდენობაც გაიზარდა. კიბოს მრავალ სახეობაში, სადაც ადრეული დიაგნოზი და ეფექტური მკურნალობა სიცოცხლეს იხსნის, ნებისმიერი ისეთი პრაქტიკის წინ წამოწევა, რომელიც პაციენტს სარგებელს მოუტანს და ექიმის სამუშაოს გაამარტივებს, მნიშვნელოვანია.

მელანომა საკმაოდ საშიშია, რადგან კანის კიბოს სხვა სახეობებთან შედარებით სხეულის სხვა უბნებზე უფრო მეტად ვრცელდება. ამიტომ, პრობლემის გადაჭრის გზების ძიების შედეგად, ბოლო წლებში ჩატარებულ წინასწარ კვლევებში მიღებული მონაცემების მიხედვით, პრეპარატმა T-VEC-მა იმედისმომცემი შედეგები აჩვენა.

T-VEC იმუნოთერაპიის ერთ-ერთი სახეობაა, რომლის დროსაც კიბოს უჯრედების გასანადგურებლად სპეციალურად შექმნილი ვირუსი გამოიყენება. ის უშუალოდ სიმსივნეში შეჰყავთ. სიმსივნეში ადგილობრივად გააქტიურების შემდეგ პრეპარატი ააქტიურებს იმუნურ სისტემას სხეულის სხვა უბნებში არსებული კიბოს უჯრედების წინააღმდეგ.

შორსწასული კანის კიბოს შემთხვევაში გამოსავლის ძიების მიზნით ჩატარებული T-VEC-ის კვლევის შედეგები, რომლის სარგებელიც სავარაუდოდ არსებობს, რამდენიმე დღის წინ ამერიკის კლინიკური ონკოლოგიის საზოგადოების 2013 ყოველწლიურ შეხვედრაზე საზოგადოებას წარუდგინეს. კვლევაში მონაწილეობდა III ან IV სტადიის (ქირურგიული ჩარევა შეუძლებელი) მელანომის მქონე 400-ზე მეტი პაციენტი. 18 თვის განმავლობაში პაციენტების ერთ ჯგუფს T-VEC-ით მკურნალობდნენ, ხოლო მეორე ჯგუფს GM-CSF-ს (იმუნური სისტემის მასტიმულირებელ პრეპარატს) აძლევდნენ.

მიღებული პირველადი შედეგები მიუთითებდა, რომ პრეპარატი დაავადებაზე ხანგრძლივ პასუხს იწვევდა (კიბოს ნაწილობრივ ან სრულ გაქრობას სულ მცირე 6 თვე დასჭირდა).

-T-VEC-ის მიმღები პაციენტების %16-მა, ხოლო GM-CSF-ის მიმღები პაციენტების %2-მა დაავადებაზე ხანგრძლივი დადებითი პასუხი აჩვენა. T-VEC-ის მიმღებ ჯგუფში მკურნალობაზე ხანგრძლივი პასუხი ყველაზე ხშირად III სტადიის მელანომის მქონე პაციენტებში აღინიშნებოდა.

-საერთო ჯამში, T-VEC-ის მიმღები პაციენტების %26-მა, ხოლო GM-CSF-ის მიმღები პაციენტების %6-მა მკურნალობაზე პასუხი აჩვენა.

-მკურნალობისას სერიოზული გვერდითი მოვლენები არ გამოვლენილა.

ეს შედეგები აჩვენებს, რომ პრეპარატი T-VEC ეფექტურია შორსწასული მელანომის მქონე პაციენტებში. მიუხედავად იმისა, რომ პირველადი შეფასებებისას T-VEC-მა სიცოცხლის ხანგრძლივობის გაზრდის დამადასტურებელი ნიშნები აჩვენა, საბოლოო დასკვნისთვის დაკვირვების უფრო ხანგრძლივი პერიოდი არის საჭირო. მიუხედავად ამისა, ჩატარებული კვლევის პირველადი შედეგები შორსწასული მელანომის, ანუ კანის კიბოს, წინააღმდეგ გადადგმულ მნიშვნელოვან ნაბიჯად შეფასდა.