ტრანსპლანტაციისთვის შესაფერისი მრავლობითი მიელომის მკურნალობაში დარატუმუმაბმა FDA-ს დამტკიცება მიიღო

26 სექტემბერს 2019 წელს აშშ-ის სურსათისა და მედიკამენტების ადმინისტრაციამ (FDA) აუტოლოგიური ღეროვანი უჯრედების ტრანსპლანტაციისთვის შესაფერისი, ახლად დიაგნოსტირებული მრავლობითი მიელომისმქონე ზრდასრულებისთვის ბორტეზომიბთან, თალიდომიდსა და დექსამეტაზონთან კომბინაციაში დარატუმუმაბის (Darzalex) სახელწოდების მონოკლონური ანტისხეულოვანი პრეპარატი დაამტკიცა.
Darzalex პირველად 2015 წელს, მანამდე პროტეასომის ინჰიბიტორებითა და იმუნომოდულატორული პრეპარატებით ნამკურნალები მრავლობითი მიელომის პაციენტებისთვის დამტკიცდა და ამ დაავადებისას დამტკიცებული პირველი მონოკლონური ანტისხეულოვანი პრეპარატია. მიელომის მრავალი უჯრედი ზედაპირზე უხვად შეიცავს CD38 მოლეკულას და CD38-ს სიგნალის წარმოქმნისა და ქსოვილზე მიმაგრების მსგავსი მრავალი ფუნქცია აქვს. დარატუმუმაბი CD38-ს უკავშირდება, მის მოქმედებას აფერხებს და სიმსივნური უჯრედის დაშლასა და განადგურებას უზრუნველყოფს.
CASSIOPEIA კვლევა
ღია, რანდომიზებულ, აქტიურად კონტროლირებულ ფაზა 3 კლინიკურ კვლევაში CASSIOPEIA-ში, აუტოლოგიური ღეროვანი უჯრედების ტრანსპლანტაციისთვის შესაფერისი, ახლად დიაგნოსტირებული მრავლობითი მიელომის პაციენტები ორ ჯგუფად განაწილდნენ და ერთმანეთს შეადარეს:
- ინდუქციის ჯგუფში დარატუმუმაბი ბორტეზომიბთან, თალიდომიდსა და დექსამეტაზონთან კომბინაციაში (DVTd),
- კონსოლიდაციის ჯგუფში ბორტეზომიბი, თალიდომიდი და დექსამეტაზონი (VTd).
დამტკიცება ეფუძნება CASSIOPEIA-ს მონაცემებს, მათ შორის პროგრესირების გარეშე გადარჩენას (PFS), ღეროვანი უჯრედების ტრანსპლანტაციიდან მე-100 დღეს მკაცრ (stringent) სრულ პასუხს (sCR) და ტრანსპლანტაციიდან მე-100 დღეს სრული პასუხის (CR) სიხშირეს.
შედეგები
- დარატუმუმაბის ჯგუფში PFS VTd ჯგუფთან შედარებით უკეთესი იყო.
- დაკვირვების ხანგრძლივობის მედიანა 18.8 თვე იყო, PFS-ის მედიანა არცერთ ჯგუფში არ იყო მიღწეული.
- DVTd-ით მკურნალობამ მხოლოდ VTd-სთან შედარებით პროგრესირების ან სიკვდილის რისკი % 53-ით შეამცირა.
- ღეროვანი უჯრედების ტრანსპლანტაციიდან მე-100 დღეს sCR-ის სიხშირე DVTd ჯგუფში % 28.9 იყო, ხოლო VTd ჯგუფში — % 20.3.
ახლად დიაგნოსტირებული მრავლობითი მიელომის პაციენტებში, რომლებიც დარატუმუმაბს ბორტეზომიბთან, თალიდომიდსა და დექსამეტაზონთან ერთად იღებდნენ, ყველაზე ხშირი (% 20) გვერდითი ეფექტები იყო ინფუზიური რეაქციები, პერიფერიული სენსორული ნეიროპათია, შეკრულობა, ასთენია, გულისრევა, პერიფერიული ნეიროპათია, პერიფერიული შეშუპება, ცხელება და პარესთეზია. DVTd ჯგუფში სულ მცირე % 5 სიხშირის გვერდითი ეფექტები იყო ინფუზიური რეაქციები, გულისრევა, ნეიტროპენია, თრომბოციტოპენია, ლიმფოპენია და ხველა. ორ ჯგუფს შორის მძიმე გვერდითი ეფექტების რაოდენობით ან სახეობით მნიშვნელოვანი განსხვავება არ ყოფილა.
დარატუმუმაბის რეკომენდებული დოზა 16 mg / kg-ია.
წყაროები
fda.gov - 26 September 2019
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.