Xərçəngin həyəcan siqnalı əlamətləri nələrdir?

Xərçəngə işarə edə biləcək bəzi xəstəlik əlamətləri vardır ki, bunlara xərçəngin həyəcan siqnalı əlamətləri deyilir.

Bu əlamətlər xüsusilə yeni yaranıbsa və ya 2 həftədən çox davam edirsə əlavə araşdırma lazımdır.

Xərçəngin həyəcan siqnalı əlamətləri bunlardır

• Ağrı olmadan sidikdə qan görülməsi sidik yollarında (sidik kisəsi və ureterlər) bədxassəli şişin xəbərçisi ola bilər.

Əlaqəli mövzu: Qadınların bilməli olduğu 10 xərçəng əlaməti

• Yeni yaranan və ya irəliləyən udqunma çətinliyi, qida borusu xərçəngi ilə əlaqəli ola bilər.
• Bəlğəmdə qan görülməsi (hemoptizi), xüsusilə tənəffüs çətinliyi, çəki itkisi və iştahsızlıqla birlikdə olduqda ağciyər xərçəngini ciddi düşündürməlidir.
• Anusdan qanaxma Qərb cəmiyyətlərində tez-tez görülən şikayətdir və çox vaxt babasil (hemorroy) və iltihabi bağırsaq xəstəlikləri kimi bədxassəli olmayan hallarla əlaqəlidir. Lakin xüsusilə 50 yaşdan sonra yaranan anusdan qanaxma şikayəti varsa, əlavə müayinə üçün mütəxəssis rəyi almaq faydalıdır.

Əlaqəli mövzu: Kolonoskopiyadan əvvəl bilinməli olanlar – Hazırlıq mərhələsi

• Dəridə yeni ləkə və ya köhnə ləkənin ölçüsü, forması və ya rəngində dəyişiklik olması. Qeyri-adi və sağalmayan yaralar, şişkinliklər, ləkələr, cızıqlar və ya dərinin görünüşündə dəyişiklik, xalın səthinin dəyişməsi (qabarma, qanama və ya düyün, yaxud kütlə şəklində görünüş), qaşınma, həssaslıq və ağrı melanoma və ya başqa dəri xərçəngi növünün əlaməti, yaxud xərçəng yarana biləcəyinə dair xəbərdarlıq ola bilər. Aşağıda xal və melanoma arasındakı fərqlər sadə izah edilir.

• Xayada kütlə və ya şişkinlik xaya xərçəngi hallarının çoxunda yaranır. Bəzən bu kütlə ağrıya səbəb olur, lakin çox vaxt ağrı vermir. Xaya xərçəngi nadir görülsə də, 15-35 yaş qrupu kişilərdə ən çox rast gəlinən xərçəng növlərindəndir. Xayada kütlə aşkarlanması sürətli əlavə müayinə tələb edən vəziyyətdir.

Xərçənglərin əlamətlərini bilmək xəstəliyin erkən diaqnozu üçün vacibdir, lakin bu əlamətlərin birinin və ya bir neçəsinin olması şəxsin mütləq xərçəng olduğu demək deyil. Bədəninizdə yaranan dəyişikliklərə laqeyd qalmayın və onları nəzərə almamazlıq etməyin. Unutmayın! Həkimə nə qədər tez çatsanız, həll axtarışları da o qədər tez nəticələnəcəkdir.

*

Əlaqəli mövzu: Aktual xərçəng skrininq proqramları: Hansı testlərlə hansı xərçənglərdə erkən diaqnoz mümkündür?