Xərçəngin müalicəsi prosesində sənət terapiyaları həyatlara rəng qatır

Zaman keçdikcə xərçəng xəstələrinin və yaxınlarının daxilən yaşadıqları duyğuların fərqində olmaq əvvəlkindən daha vacib olmağa başlayıb. Mədəniyyətimizdə emosional yıpranma və ya məyusluq insanlar tərəfindən zəiflik kimi qiymətləndirilə bilir. Duyğuları basdırmaq, ünsiyyətdən qaçmaq, özünü saxlamaq kimi maneələr xüsusilə xəstə və yaxınlarını xəstəliyin diaqnozunu öyrəndikləri ilk andan daha da çətin, təşviş və qorxu dolu düşüncələrə sürükləyir. Bəzən isə həqiqətən nə hiss etdiklərini, necə ifadə edəcəklərini bilmirlər və həmin nöqtədə sözlər yetərsiz qalır. Sözlərin yetərsiz qaldığı bu nöqtədə sənət köməyə gəlir və müalicəvi tərəfləri ilə güclü ifadə forması kimi xərçəng xəstələrinin həyatına rəng qatır!
Xərçəng xəstəliyinin emosional təsirlərini, bu duyğuların basdırılmasını, ünsiyyət problemlərini, psixoloji ehtiyacları və tibbi müalicələr zamanı stressli prosesi sənət terapiyaları ilə daha rahat idarə edib həyat keyfiyyətini artırmaq mümkün olur. Duyğu ani hisslər deyil, zaman ərzində yaşantılardır. Bədən dəyişiklikləri ilə duyğu və həyəcan birlikdə yaranır. Şəxslərin həyəcan, qorxu, stress və təşviş kimi duyğulara reaksiyaları nəticəsində ürək döyüntüləri sürətlənir, skelet əzələlərinin və ürəyin arteriyaları genişlənir, dərinin və həzm orqanlarının arteriyalarının daralması tərləməyə səbəb olur, qan təzyiqinin dəyişməsi baş ağrısı kimi ağrılar yaradır və şəxsin stressə reaksiyasında mühüm rol oynayan hormonların ifrazı ilə fizioloji tarazsızlıqlar meydana çıxa bilər.
Sənətin və sənət terapiyasının faydaları

Sənət terapiyası iki alt başlıqda araşdırılır;
Vəziyyətə görə ikisi birlikdə də istifadə edilə bilər:
- Terapiya kimi sənət: Müalicənin bir hissəsi olaraq zehni rahatladan, özünü ifadə etməyə kömək edən sənət fəaliyyətləridir.
- Sənət psixoterapiyası: Sənət sahələrinin yaradıcı və ifadəçi üslubla simvolik ünsiyyət vasitəsi kimi istifadəsidir.
Sənət psixoterapiyası və yaradıcılıq
Sənət əslində əsas ehtiyacdır və bu baxımdan daxili dünyanın xaricə ifadəsi sayəsində şəxs özünü daha yaxşı anlayır. Qalıcı vizuallıqla müəyyən simvollar yaradan xəstələrin emosional rahatlaması və anlaşılması baxımından olduqca faydalı üsuldur.
Vizual sənət terapiyası
Yaradıcı prosesin vizual sənət (rəsm, heykəltaraşlıq, keramika) sahələri ilə dəstəklənməsinə və sənət terapevti ilə müəyyən qaydalarla irəliləməyə əsaslanan, sözsüz ünsiyyətə kömək edən üsuldur.
Musiqi terapiyası
Musiqinin sağaldıcı təsirinin kəşfi çox qədim dövrlərə gedib çıxır. Şamanlar və sufilərdən sonra II. Dünya müharibəsindən etibarən musiqi terapiyası sistematik tətbiq edilməyə davam edib. Səs, ritm, melodiya və harmoniya müalicəvi təsirləri ilə istifadə edilir.
Ən çox istifadə edilən bu üç sahə ilə yanaşı rəqs və hərəkət terapiyası, şeir terapiyası, oyun terapiyası kimi fərqindəliyi artıran, müstəqil olmaq, özünü yetərincə ifadə etmək və özünəinamı artırmaq kimi duyğu, düşüncə və hərəkət sahələri ilə əlaqə quraraq irəliləyən terapiya növləri xərçəng xəstələrində tamamlayıcı müalicələr kimi tətbiq edilməyə və araşdırılmağa davam edir.
Nəticə olaraq; istədiyimizi xəyal etmək, onları vizual canlandırmaq, istədiyimiz kimi rəngləmək, böyütmək, forma vermək öz əlimizdədir. Xüsusilə bu gün sənət mümkün qədər azad ikən, nə çəkib boyasaq mühakimə edilməyəcəyimiz halda, uşaq sadəliyi ilə yaratmağın və canlandırmağın zövqü bir başqa deyilmi? Sənət xərçəng xəstələrinin də həyatına rəng qatan, ürəkdən keçənləri ifadə etməyə kömək edən ən azad və səssiz hayqırış formasıdır.
Mənbələr
2- Something Understood, Art Therapy in Cancer Care, Camilla Connel, 1998
3- Psikolojiye Giriş I, Rita L. Atkinson, Richard C. Atkinson, Ernest R. Hilgard, Sosyal Yay. 1995
Bu məqalə sizə faydalı oldu?
Rəyiniz məzmunumuzu yaxşılaşdırmağa kömək edir.





Oxucu şərhləri
Şərhinizi paylaşın
Adınız və şərhiniz yalnız administrator təsdiqindən sonra dərc olunur. E-poçt ünvanınız ziyarətçilərə heç vaxt göstərilmir.
İlk şərhi siz yazın.