2016 წელი ონკოლოგიაში: ფიქრები წარმატებებსა და ნაკლოვანებებზე

2016 წლის ონკოლოგიის ყველაზე საყურადღებო მოვლენა იყო აშშ-ის ვიცეპრეზიდენტ Joe Biden-ის ვაჟის ტვინის სიმსივნით (GBM IV) გარდაცვალების შემდეგ Obama-ს მიერ 12 იანვარს გამოცხადებული Cancer Moonshot სახელწოდების პროგრამის დაწყება.
პროგრამის მიზნად დასახელდა კვლევის მონაცემების ნაცვლად „რეალური ცხოვრებიდან“ ინფორმაციის შეგროვებითა და კომპიუტერული ანალიზით, ანუ ბიოინფორმატიკით კიბოს უკეთ გაგება. სხვა სიტყვებით, კიბოს არსის გასაგებად წლების ძალისხმევის შედეგის უფრო სწრაფად დანახვა და ამისთვის კიბოთი დაინტერესებული ყველა წრის თანამშრომლობა… 10 წლის პროგრესის 5 წელიწადში მიღწევა…
დასავლურ სამყაროში კიბომ სიკვდილის წამყვან მიზეზად გულ-სისხლძარღვთა დაავადებებს გაუსწრო. თუმცა ნამკურნალები და ჯანმრთელად ცხოვრების გამგრძელებელი ადამიანების რაოდენობა ყოველდღიურად იზრდება. მეცნიერებმა, კლინიცისტებმა, არასამთავრობო ორგანიზაციებმა და პოლიტიკოსებმა, კიბოს მკურნალობაზე ძალისხმევისა და დაფინანსების ძიების მსგავსად, ნამკურნალებ და ცხოვრების გამგრძელებელ ადამიანებზეც უნდა ჩაატარონ კვლევები.
გასულ წელს ახალი წამლების დამტკიცების წამყვანმა ორგანიზაციამ, ამერიკის სურსათისა და წამლების სააგენტო FDA-მ არაწვრილუჯრედოვანი ფილტვის კიბოსთვის ახალი თაობის იმუნოთერაპიულ წამლებზე თანხმობა გასცა. FDA-მ ასევე 40 წლის შემდეგ რბილი ქსოვილების სარკომისთვის ახალი წამალი დაამტკიცა.
თითქმის ყველა ტიპის კიბოს მკურნალობის დადებითი პროგრესის მიუხედავად, მოვლისა და მკურნალობის ღირებულება, ცხოვრების ხარისხი და გეოგრაფიულ რეგიონებს შორის განსხვავებული სამკურნალო შესაძლებლობები მნიშვნელოვან პრობლემებად რჩება.
გენეტიკისა და იმუნური სისტემის შესახებ ცოდნის ზრდით მიზნობრივ და იმუნურ მკურნალობაშიცსერიოზული წინსვლა დავიწყეთ. თუმცა ჯერ ბოლომდე გარკვეული არ არის, რატომ არის იმუნოთერაპია — ახალი თაობის იმედისმომცემი წამლები — დადასტურებულად მგრძნობიარე კიბოს ტიპებში ზოგ პაციენტში მეტად ეფექტური, სხვებში კი სუსტი. ამასთან, ეს პრეპარატები ძალიან ძვირია. ეს თემა არაერთხელ მრავალ სტატიაში გაჟღერდა. პაციენტებისთვის მათ მისაღებად უფრო გონივრული გზები უნდა მოიძებნოს.
პერორალური, აბის სახით მისაღები ქიმიოთერაპიული წამლების რაოდენობისა და სახეობების ყოველწლიურმა მატებამ პაციენტის მკურნალობისადმი ერთგულებისა და პაციენტისა და ახლობლების ონკოლოგიური განათლების მნიშვნელობა გაზარდა და ახალ განზომილებაში გადაიყვანა.
პედიატრიული (ბავშვობის) კიბოები ყველაზე მნიშვნელოვანი სამკურნალო წარმატებების მქონე ტიპებს შორისაა. მრავალ მათგანში სრული განკურნების აღმნიშვნელი საშუალო 5-წლიანი გადარჩენა %84-ს აღწევს. ნამკურნალები და ცხოვრების გამგრძელებელი ბავშვებისთვის ცხოვრების ხარისხი სულ უფრო მზარდი პრობლემაა. განსაკუთრებით ამ ასაკში მკურნალობის გვერდითმა მოვლენებმა მთელი ცხოვრების ჯანმრთელობის პრობლემები შეიძლება გამოიწვიოს; სულ უფრო მეტი კვლევა ეძებს კიბოს მკურნალობის გრძელვადიანი პრობლემების პრევენციის საუკეთესო გზებს.
კიბოს სპეციალისტებმა საუკეთესო მკურნალობისთვის მხოლოდ ახალი ეფექტური წამლების ძიება კი არ უნდა აწარმოონ, არამედ დარწმუნდნენ, რომ კიბოს სფეროში თითქმის მუდმივად განვითარებულ და ცვალებად ცოდნასაც იცნობენ. ამიტომ, როგორც საზოგადოების, ისე ექიმების განათლება, კიბოს მკურნალობის შესაძლებლად ქცევისთვის აუცილებელია.
ახალი წამლების შექმნისა და დამტკიცების პროცესები და კლინიკური კვლევები კიბოსთვის ძალიან მნიშვნელოვანია, თუმცა მკურნალობისკენ წინსვლას პაციენტის მთლიანობაში განხილვა და მისი საჭიროებების შეგრძნება მაინც სჭირდება. ჯანდაცვის პოლიტიკის განმსაზღვრელებმა, ონკოლოგებმა და მეცნიერებმა უნდა ითანამშრომლონ არა მხოლოდ კიბოს კლინიკური მკურნალობისთვის, არამედ კიბოს განვითარების პროცესის (კარცინოგენეზის) უკეთ გასაგებადაც.
წყაროები
A Year in Review: Reflections on Successes and Shortcomings.
cancertherapyadvisor.com
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.