ანტიოქსიდანტების ჭარბმა გამოყენებამ ფილტვის კიბოს გავრცელება შეიძლება გაამარტივოს
ამ სტატიაში
ანტიოქსიდანტების ჭარბმა გამოყენებამ კიბოს ზრდა რომ შეიძლება დააჩქაროს, 2014 წელს გამოქვეყნებულმა კვლევებმა აჩვენა. 2019 წლის ივნისში სამეცნიერო სამყაროს ერთ-ერთ უმთავრეს გამოცემაში, Cell ჟურნალში, გამოქვეყნებულ ორ კვლევაში აღმოაჩინეს, რომ ფილტვის კიბოს უჯრედებს ანტიოქსიდანტური ნივთიერებების გამოყენებით ადვილად მეტასტაზირება შეუძლია. ისინი ამას BACH1 ცილის გააქტიურებითა და შაქრის მიღების გაზრდით ახერხებს. ამ კვლევამ ფილტვის კიბოს ახალი მკურნალობების შექმნის შესაძლებლობა შეიძლება მოგვცეს.
კიბოს უჯრედები თავიანთი განსაკუთრებული მეტაბოლიზმის — ჭარბი მოხმარებისა და ნარჩენების ჭარბი წარმოების — გამო თავისუფალი ჟანგბადის რადიკალების ზემოქმედებას განიცდის. მათგან გამოწვეული ოქსიდაციური სტრესის შესამცირებლად კიბოს უჯრედები გარკვეულ სტრატეგიებს იყენებს: A, C და E ვიტამინებს საკვებიდან იღებს ან ასინთეზებს. ყოველი 3 ფილტვის კიბოდან ერთში NRF2 და KEAP1 გენების მუტაცია გვხვდება. ისინი უჯრედებს საკუთარი ანტიოქსიდანტების წარმოების საშუალებას აძლევს.
ორ გამოქვეყნებულ კვლევაში აღმოაჩინეს, რა მექანიზმს იყენებს კიბოს უჯრედები ოქსიდაციური სტრესის შესამცირებლად.
კიბოს უჯრედებში BACH1 ცილა გააქტიურდა და დაგროვდა. BACH1 ცილა როგორც გლუკოზიდან ენერგიის წარმოქმნას ზრდის, ისე სისხლიდან გლუკოზის კიბოს უჯრედში შეტანაში მონაწილეობს. გლუკოზის მაღალი მიღება კიბოს უჯრედების გავრცელებას ამარტივებს,
რას ნიშნავს ეს კვლევა ჩვენთვის?
- აღმოჩნდა, რომ საკვებ დანამატად მიღებული ანტიოქსიდანტები, მაგალითად, E ვიტამინი, სიმსივნის ზრდას აჩქარებს და მეტასტაზირებას ხელს უწყობს. 2014 წელს პირველი კვლევების გამოქვეყნებამმედიასა და საზოგადოებაში დიდი გამოხმაურება გამოიწვია. ეს კვლევა ბიოლოგიურ საფუძველთან ერთად ხსნის, როგორ ეხმარება ანტიოქსიდანტები კიბოს.
- კვლევა ასევე ხსნის, კიბოში ვარბურგის ეფექტიროგორ აქტიურდება. ეს არის კიბოს უჯრედების მიერ ჟანგბადიან გარემოში შაქრის ენერგიად და რძემჟავად გარდაქმნა. კიბოს 10 ძირითადი მახასიათებლის ერთ-ერთია.
- ფილტვის კიბოს უჯრედებმა ანტიოქსიდანტების გამოყენებით სწრაფი გაყოფა და გავრცელება გამოავლინა..
- შეიძლება შეიქმნას სტრატეგიები, როგორიცაა BACH1 ცილის წარმოქმნის შეზღუდვა, ანტიოქსიდანტების დაბლოკვა ან კიბოს უჯრედის გლუკოზის მეტაბოლიზმის ფერმენტებზე დამიზნება.
- აუცილებლად უნდა აღინიშნოს, რომ კვლევა ჯერ ლაბორატორიულ ეტაპზეა.
- B6 და B12 ვიტამინების მაღალი დოზა ფილტვის კიბოს რისკს ზრდის
- ვიტამინებისა და მინერალების დანამატები — ექიმებმა და მომხმარებლებმა ეს უნდა იცოდნენ
წყაროები
BACH1 Stabilization by Antioxidants Stimulates Lung Cancer Metastasis.
Cell, 27 June 2019.
Luca Lignitto, Sarah E. Le Boeuf, Harrison Homer ve ark.
Nrf2 Activation Promotes Lung Cancer Metastasis by Inhibiting the Degradation of Bach1.
Cell, 27 June 2019.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.