Covid-19-ზე აცრილი მშობლები შვილებს კორონავირუსისგან უკეთ იცავენ

ახალმა კვლევამ აჩვენა, რომ დედებისა და მამების Covid-19-ზე ვაქცინაციის დასრულებამ შეიძლება ამ პერიოდში აუცრელი შვილების დაცვაში დახმარება გაუწიოს.
კვლევის თანახმად, სრულად აცრილი ერთი მშობელი შვილის SARS-CoV-2-ის Alfa ვარიანტით ინფიცირების რისკს 26%-მდე ოდენობით ამცირებს, ხოლო ორივე, 2 მშობლის სრული ვაქცინაცია რისკს თითქმის 72%-მდე ოდენობით ამცირებს. ვირუსის Delta ვარიანტის წინააღმდეგ სრულად აცრილი ერთი მშობელი — დამატებითი დოზის ჩათვლით — ბავშვებში ინფიცირების რისკის 20,8%-ით შემცირებას უკავშირდებოდა, ორივე მშობლის სრული ვაქცინაცია კი 58,1%-ით შემცირებას.
ცხრილი: ბავშვების Covid-19-ით დაავადების რისკის შემცირება მშობლების აცრის სტატუსის მიხედვით
|
მშობლების აცრის სტატუსი |
ბავშვებში SARS-CoV-2-ის Alfa ვარიანტით ინფიცირების რისკის შემცირების მაჩვენებელი |
ბავშვებში SARS-CoV-2-ის Delta ვარიანტით ინფიცირების რისკის შემცირების მაჩვენებელი |
|
თუ სრულად აცრილია მხოლოდ ერთი მშობელი |
26% |
20,8% |
|
თუ ორივე მშობელი სრულად აცრილია |
72% |
58,1% |
ისრაელის რამატ-განის Clalit-ის კვლევითი ინსტიტუტის ეპიდემიოლოგი Samah Hayek „ვაქცინაცია მხოლოდ პირდაპირ არ გვიცავს, არამედ ერთ ჭერქვეშ მცხოვრებ აუცრელ პირებსაც ირიბად იცავს“ ამბობს.
„კვლევა ხაზს უსვამს, რომ ოჯახის ზომისა თუ ბავშვების ასაკის მიუხედავად, აუცრელი ბავშვები აცრილი მშობლების მეშვეობით Alfa-სა და Delta-სგან ირიბად არიან დაცული.“
Hayek-ისა და მისი გუნდის კვლევა ონლაინ 2022 წლის 27 იანვარს Science-ში გამოქვეყნდა.
მკვლევრები ყურადღებას ამახვილებდნენ ორმშობლიან ოჯახებზე აუცრელი ბავშვებით, სადაც მანამდე ინფექცია არ დაფიქსირებულა, პანდემიის ორი მნიშვნელოვანი პერიოდის განმავლობაში: Alfa ტალღა — 2021 წლის 17 იანვარი – 2021 წლის 28 მარტი და Delta-ს დომინირება — 2021 წლის 11 ივნისი – 2021 წლის 30 სექტემბერი.
კვლევაში ყველა მშობელს სულ მცირე 2 დოზა BioNTech ვაქცინა ჰქონდა მიღებული. აცრილ მშობლებში რეგისტრირებული ინფექციის ალბათობა ნაკლები იყო. მნიშვნელოვანი აღმოჩენის სახით კვლევამ აჩვენა, რომ ინფიცირების შემთხვევაში ოჯახის წევრისთვის ინფექციის გადაცემის ალბათობაც ნაკლები ჰქონდათ.
პირველი პერიოდისთვის მკვლევრებს 155305 სხვადასხვა ოჯახის 400733 აუცრელი ბავშვისა და მოზარდის მონაცემები ჰქონდათ. მეორე პერიოდისთვის 76621 ოჯახის 181307 აუცრელი ბავშვის მონაცემები გააანალიზეს.
მკვლევრების ცნობით, შედეგები ზოგადად თანმიმდევრული იყო ოჯახის ზომის მიუხედავად და სხვადასხვა ასაკობრივ ჯგუფში, მათ შორის Covid-19-ის აცრისთვის ზედმეტად პატარა ბავშვებშიც.
კვლევაში Omicron ვარიანტის წინააღმდეგ ვაქცინის ეფექტიანობა არ შეფასებულა. ვაქცინების ეფექტიანობაზე მომუშავე ნებრასკის უნივერსიტეტის სამედიცინო ცენტრის მკვლევარმა Yi Du-მ თქვა, რომ Omicron-ის დინამიკა, სავარაუდოდ, განსხვავებული იქნებოდა.
Du-მ თქვა, რომ Omicron-ის დროს შემთხვევების ზრდის მიუხედავად, „კვლავ დავინახეთ ვაქცინის ეფექტიანობა ჰოსპიტალიზაციისა და სიკვდილიანობის შემცირებაში“. აცრილი მშობლები, ბებიები და ბაბუები ინფიცირებისას შეიძლება უსიმპტომო იყვნენ, აუცრელი ბავშვები კი კვლავ რისკის ქვეშ დარჩნენ. აცრილი მშობლების იმუნიტეტის შესუსტება კიდევ ერთი შეშფოთების მიზეზია. Du „დამატებითი დოზები ნამდვილად რეკომენდებულია“ ამბობს.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.