დადასტურდა იმუნოთერაპიის ეფექტიანობა ტვინის მეტასტაზების მქონე პაციენტებშიც

ახალმა მასშტაბურმა კვლევამ ტვინის მეტასტაზებისმქონე პაციენტებში იმუნოთერაპიითსხვა სამკურნალო მეთოდებისგან დამოუკიდებლად საერთო გადარჩენის 7,5 თვით ზრდა დაადგინა. ამ ანალიზის მიგნებები პასუხობს შეშფოთებას: „შეიძლება იმუნოთერაპია ტვინის მეტასტაზების მქონე პაციენტებში არ მოქმედებდეს?“
თირკმლის კიბოს, არაწვრილუჯრედოვანი ფილტვის კიბოს, ძუძუს კიბოს, კოლორექტალური (მსხვილი ნაწლავის) კიბოსა და კანის კიბოს მქონე 3112 პაციენტისმომცველ კვლევაში იმუნოთერაპიამ სიკვდილის რისკი %38 -ით შეამცირა. მკვლევრებმა დაადგინეს, რომ ეს მაჩვენებელი რადიოთერაპიის დამატებით კიდევ უფრო იზრდებოდა: იმუნოთერაპიისა და რადიოთერაპიის ერთად გამოყენებისას სიკვდილის რისკი მხოლოდ რადიოთერაპიის მიმღებ პაციენტებთან შედარებით %41 -ით მცირდებოდა. ამ კვლევით საერთო გადარჩენის მედიანა იმუნოთერაპიასა და რადიოთერაპიას ერთად მიმღებ პაციენტებში 10,4 თვე იყო, ხოლო მხოლოდ რადიოთერაპიით ნამკურნალებ პაციენტებში 10 თვე აღმოჩნდა (P =.003).
კვლევის მონაწილე Dr. Amin საკითხს ასე აჯამებს: „ჩვენს კვლევას უნიკალურს ხდის ტვინის მეტასტაზების მქონე პაციენტებში პირველადი კიბოს უბნის ოპერაციის შემდეგ იმუნოთერაპიით გადარჩენის მატება. ეს კავშირი მანამდე არ შესწავლილა. ვფიქრობთ, იმუნოთერაპიასთან ერთად ტვინის მეტასტაზებზე რადიოთერაპიის მიმღებ პაციენტებში საერთო გადარჩენის ზრდა რადიოთერაპიის მოქმედების მექანიზმითაა განპირობებული. რადიოთერაპიით სიმსივნური უჯრედების სტიმულაციისას უჯრედები ზიანდება და სიმსივნესთან დაკავშირებული ანტიგენების გამოყოფა იზრდება. ეს ჩვენი იმუნური სისტემისმიერ სიმსივნური უჯრედების ამოცნობისა და მათ წინააღმდეგ პასუხის შესაქმნელად უაღრესად მნიშვნელოვანია. ჩატარებული იმუნოთერაპია შესაძლოა იმუნური სისტემის სიმსივნურ უჯრედებზე პასუხს აძლიერებდეს და მკურნალობის ეფექტიანობას ზრდიდეს. აქ პირველადი სიმსივნის უბანში ქირურგიული ჩარევაც მნიშვნელოვანია. ამ გზით იმუნური სისტემის სამიზნე არე მცირდება და უფრო ეფექტიანი პასუხი იქმნება. ბოლოდროინდელ კვლევებამდე მიიჩნეოდა, რომ იმუნოთერაპია ტვინის მეტასტაზებზე არაეფექტიანი იქნებოდა. ამის მიზეზი ტვინის მთლიანობისა და დაცვისთვის მნიშვნელოვანი ჰემატოენცეფალური ბარიერის მიერ მეტასტაზის უბნამდე მიღწევის შეფერხება და მკურნალობის სასურველი ეფექტის შეუძლებლობა იყო. თუმცა პრეკლინიკური და კლინიკური კვლევები აჩვენებს, რომ მონოკლონური ანტისხეულები ჰემატოენცეფალურ ბარიერს კვეთს და სამიზნე უბანს აღწევს. ეს ტვინის მეტასტაზების მქონე პაციენტებისთვის შესანიშნავი სამკურნალო ვარიანტია.”
შეჯამება
კვლევის შედეგები იმედისმომცემია ტვინის მეტასტაზებისთვის, რომლებიც სიკვდილის სერიოზულ რისკს ქმნის. პირველადი სიმსივნის უბანში ქირურგიული ჩარევის შემდეგ ტვინის მეტასტაზების მქონე პაციენტებში რადიოთერაპიაზე იმუნოთერაპიის დამატება საერთო გადარჩენას ზრდის. ეს შედეგები შემდგომ კლინიკურ კვლევებს უხსნის გზას და ამავდროულად მეცნიერებს იმუნოთერაპიის ქიმიოთერაპიასა და ქიმიორადიოთერაპიასთან კომბინაციის ეფექტიანობის დასადგენად მიმართულებას აძლევს.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.