დადგინდა, რამდენად ამცირებს მენოპაუზის შემდეგ წონის კლება ძუძუს კიბოს რისკს

• რა არის მენოპაუზა? პერიოდის სიმპტომები, გავლენა და მართვის სტრატეგიები

ცნობილია, რომ ძუძუს კიბოს რისკის მნიშვნელოვანი ფაქტორია სიმსუქნე , თუმცა პოსტმენოპაუზურ პერიოდში წონის კლების რისკზე გავლენის ზომა დიდ ინტერესს იწვევდა. საკითხის გამაშუქებელი მნიშვნელოვანი კვლევა ოქტომბერში 2018 წელს Cancer ჟურნალში გამოქვეყნდა და მისი მიხედვით წონის კლება პოსტმენოპაუზურ ქალებში ძუძუს კიბოს რისკს მკაფიოდ ამცირებს.

ჩაერთო ძუძუს კიბოს დიაგნოზის არმქონე, ნორმალური მამოგრაფიის 61.335 ქალი. წონის, სიმაღლისა და სხეულის მასის ინდექსის მონაცემები დასაწყისსა და 3 წლის შემდეგ შეაფასეს. 5 პროცენტზე ნაკლები ცვლილება „სტაბილურად“, 5 პროცენტზე მეტი კი „მომატებად“ ან „დაკლებად“ განისაზღვრა.

საშუალოდ 11.4 წლის დაკვირვებაში 3.061 ახალი ძუძუს კიბო გამოვლინდა. 5 პროცენტზე მეტი კლების მქონე ქალებში ძუძუს კიბოს რისკი % 12-ით ნაკლები აღმოჩნდა. 5 პროცენტზე მეტი მომატებისას საერთო რისკი არ გაზრდილა, თუმცა სამმაგად უარყოფითი კიბოს რისკი 54 პროცენტით გაიზარდა.

რას ნიშნავს ჩვენთვის ეს კვლევა?

• კვლევა აჩვენებს, რომ პოსტმენოპაუზურ ქალებში ზომიერი კლება ძუძუს კიბოს რისკს მნიშვნელოვნად ამცირებს.
• შედეგები დაკვირვებითია და წინა კვლევებს ეთანხმება. მანამდე ქალთა ჯანმრთელობის მსოფლიო ინიციატივის რანდომიზებულ კლინიკურ კვლევაშიცაღმოჩნდა, რომ დაბალცხიმიანი დიეტის დაცვა ძუძუს კიბოში სიცოცხლეს ახანგრძლივებდა.
• ხაზგასასმელია, რომ წონის კონტროლი ძუძუს კიბოს რისკზე დიდ გავლენას ახდენს.