ელექტრონული სიგარეტი და ნიკოტინის პლასტირი ორსულობისას და ჩვილის უეცარი სიკვდილის რისკი
18 ივლისს, 2018 წელს, Journal of Physiology-შიგამოქვეყნებული კვლევის მიხედვით, ორსულობისას ან ძუძუთი კვებისას დედის მიერ თამბაქოს ნებისმიერი პროდუქტის გამოყენებამ შეიძლება ჩვილის უეცარი სიკვდილის სინდრომის რისკი გაზარდოს.
კვლევის კიდევ ერთი შედეგია, რომ ელექტრონული სიგარეტის და ნიკოტინის პლასტირების გამოყენება ორსულებისთვის ჩვეულებრივი სიგარეტის უფრო უსაფრთხო ალტერნატივა არ არის. ანუ პრობლემა ნიკოტინში ჩანს; ითვლება, რომ საშვილოსნოში ნაყოფის ან ახალშობილის ჭარბ ნიკოტინთან კონტაქტი ჯანმრთელობის სერიოზულ რისკს შეიცავს. თამბაქოს პროდუქტების სიამოვნებისა და დამოკიდებულების გამომწვევ ნიკოტინს ასეთი ჯანმრთელობის რისკი რომ აქვს, აქამდე დაზუსტებული არ იყო.
-დაკავშირებული თემა: უახლესი საზოგადოებრივი ჯანმრთელობის კრიზისი: ელექტრონული სიგარეტი
ჩვილის უეცარი სიკვდილის სინდრომი, აკვნის სიკვდილის სახელითაც ცნობილია. ეს 1 წლამდე ჩვილის აუხსნელ სიკვდილს ნიშნავს. ჩვეულებრივ 3 თვემდე ბავშვებში ხდება. მიუხედავად აუხსნელობისა, გარკვეული გარემოებები რისკს ზრდის. ერთ-ერთი მიზეზი მოწევაა და მისი თავიდან აცილება დამცავ ზომებს შორის გამოირჩევა.
ორსულობისას მოწევის შეწყვეტის მსურველი ზოგი ქალი ელექტრონულ სიგარეტს ან ნიკოტინის პლასტირის მსგავს თამბაქოს პროდუქტებს მიმართავს. ამ მეთოდებზე გადასვლის გავლენა ჩვილის უეცარი სიკვდილის სინდრომზე ბოლომდე ნათელი არ არის.
Journal of Physiology-ის მიგნებების მიხედვით, ვირთხებზე ცდებში მკვლევრებმა ნახეს, რომ დედების ორსულობისა და შემდგომი ძუძუთი კვებისას ნიკოტინის ზემოქმედება ნაშიერებში ავტორესუსციტაციად წოდებულ ავტომატურ პასუხს არღვევდა. ავტორესუსციტაცია ჟანგბადის ნაკლებობით გამოწვეული სუნთქვის გაძნელების კომპენსაციის უნარია და ჟანგბადის ნაკლებობისას გულისცემასა და სუნთქვას არეგულირებს.
ადამიანებში ძილისას ჩვილის საწოლის ნივთებში გახვევის, მცირე დაავადებებისა და სასუნთქი გზების დახშობის მსგავსი პრობლემები ავტორესუსციტაციის მექანიზმს შეიძლება ააქტიურებდეს. ჩვილის უეცარი სიკვდილის სინდრომისას ეს გადარჩენის მექანიზმი არ მუშაობს.
რადგან ნიკოტინი ავტორესუსციტაციის მექანიზმს არღვევს, დედებმა არც ელექტრონული სიგარეტისა და ნიკოტინის პლასტირის მსგავსი ალტერნატიული თამბაქოს პროდუქტები უნდა გამოიყენონ.
ჩვილის უეცარი სიკვდილის სინდრომი ოჯახებისთვის უაღრესად მტკივნეული ტრაგედიაა. ცხოველებზე კვლევების ადამიანებზე პირდაპირ გადატანა სრულად სწორი არ არის, თუმცა ასეთი კვლევები შესაძლო რისკების დასადგენად მნიშვნელოვანია და შედეგები არ უნდა უგულებელვყოთ.
წყაროები
Pre- and early postnatal nicotine exposure exacerbates autoresuscitation failure in serotonin-deficient rat neonates.
The Journal of Physiology, 2018
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.