Gray's Anatomy 1858 – საუკუნეების სამედიცინო წიგნი
1925 წელს ამერიკელმა მწერალმა Sinclair Lewis-მა რომან Arrowsmith-ში დაწერა, რომ ექიმის განათლებისთვის სამი ტექსტი იყო მნიშვნელოვანი:
- ბიბლია
- Shakespeare-ის ნაწარმოებები
- Gray's Anatomy
მართლაც, ვერცერთი სამედიცინო წიგნი ვერ გაუტოლდა Henry Gray-ის ანატომიის სახელმძღვანელოს ცნობადობასა და ხანგრძლივ სიცოცხლეს. პირველად 1858 წელს "Anatomy: Descriptive and Surgical" სახელით გამოცემულ წიგნს 1938 წელს ოფიციალურად Gray's Anatomy ეწოდა.
როცა Henry Gray-მ გზამკვლევი თანამედროვე ანატომიის წიგნის შექმნა გადაწყვიტა, St. George-ის საავადმყოფოში ახალგაზრდა პრაქტიკული ანატომიის მასწავლებლად მუშაობდა. 1855 წელს წიგნზე მუშაობის დაწყებისას ჯერ კიდევ ოციოდე წლის იყო. Gray's Anatomy, გამოიცა მხოლოდ სამი წლის შემდეგ, რაც Henry Gray-მ St. George-ში მყოფ ძალიან ნიჭიერ სამედიცინო სტუდენტსა და მხატვარ Henry Vandayke Carter-ს ილუსტრაციების შექმნა შესთავაზა. პირველი ფერადი სურათები 1887 წლის გამოცემაში გამოჩნდა. წიგნი მყისიერად ბესტსელერი გახდა. მიუხედავად იმისა, რომ Gray's Anatomy-ის ცნობადობა დიდწილად ნახატებს უკავშირდებოდა, Carter-ს წიგნიდან შემოსავალი არ მიუღია.
სამწუხაროდ, Gray ყვავილით დაავადდა და მეორე გამოცემის გამოსვლამდე ცოტა ხნით ადრე, 34 წლის ასაკში გარდაიცვალა. Carter კი წიგნის გამოცემის წელს ინდოეთში წავიდა, სადაც Grant-ის სამედიცინო სკოლაში ანატომიისა და ფიზიოლოგიის მასწავლებელი, შემდეგ კი დეპარტამენტის ხელმძღვანელი იყო. ინდოეთში ოცდაათი წლის გატარების შემდეგ პენსიაზე გავიდა და 1897 წელს ტუბერკულოზით გარდაიცვალა.
დღევანდელ მკითხველს უნდა ახსოვდეს, რომ Gray's Anatomy დაიწერა მაშინ, როცა ანესთეზია და ანტიბიოტიკები ჯერ არ არსებობდა და ნიმუშის აღებისა თუ გაკვეთისას გასანათებლად ელექტრული შუქი ვერ გამოიყენებოდა.
ასევე არ უნდა დაგვავიწყდეს, რომ ამ წიგნის ილუსტრაციებისთვის გამოყენებული ღარიბი კაცების, ქალებისა თუ ბავშვების სახელები ვერასოდეს გახდება ცნობილი; მედიცინის ისტორიაში ერთ-ერთი ყველაზე გამოყენებული ეს წიგნი გამოცემის დღიდან ბეჭდვიდან არასოდეს გამქრალა.
სტატიის ილუსტრაციის აღწერა: მარცხნიდან პირველი Henry Gray-ია, მეორე – "Anatomy of the Human Body" (1918 წლის გამოცემა) წიგნიდან ხერხემლის არტერიის გამოსახულება, მესამე – Harry Sinclair Lewis
სტატიაში ნახსენები ისტორიული პირები: Henry Gray (1827–1861), Henry Vandyke Carter (1831–1897), Harry Sinclair Lewis (1885–1951)
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.