იმედი 2022 წლისთვის: პაციენტის ისტორია, რომელსაც ოცნებისკენ მიმავალ გზაზე კიბო დაუდგინდა

2019 წელს მსხვილი ნაწლავის კიბოს დიაგნოზის მიღებისას კარენ ბანკნოლი 51 წლის იყო და ტელერადიოწამყვანობა სურდა. კარენი ამბობს, რომ ამ ოცნების ახდენისა და 2022 წლის საყვარელ ადამიანებთან და ოჯახთან ერთად შეხვედრის შესაძლებლობა მისცა „კიბოს განუწყვეტელმა კვლევებმა და მკურნალობის ვარიანტებმა“. მას სჯერა, რომ ახლა „უფრო გამბედავი, ძლიერი და ჭკვიანია, ვიდრე ოდესმე“.
მას მსხვილი ნაწლავის კიბო და ტვინის ორი კეთილთვისებიანი სიმსივნე დაუდგინდა
ახალ წელს იგი მზად არის სტაჟიორ სპორტულ ჟურნალისტად დაიწყოს მუშაობა Sunset+Vine-ში, რომელიც 2022 Coomonwealth Games Birmingham-ზე მუშაობს. ჟურნალისტიკის სერტიფიკატის მქონე კარენი ამბობს: „მქონდა მსხვილი ნაწლავის, კოლონის, შორსწასული კიბოს სიმპტომები, რომელიც ლიმფურ კვანძებსა და საშოზე გავრცელდა, და ტვინის ორი კეთილთვისებიანი კიბო, რომლებიც ჩემს სმენასა და წონასწორობაზე მოქმედებდა“.
„ჩემს სიცოცხლეს კიბოს სამეცნიერო კვლევებს ვუმადლი და ამიტომ დიდი მონდომებით ვცდილობ ჩემი წვლილი შევიტანო სხვების ცხოვრების შეცვლაში.“
მკურნალობისას აღმავლობისა და დაღმავლობის პერიოდების მიუხედავად, კარენმა ამ პერიოდში Coverntry-ის უნივერსიტეტის სოციოლოგიის ფაკულტეტი დაამთავრა. მან ეროვნული „შესავალი ჟურნალისტიკაში“ ITV-ისა და მედიის ნდობის ჯილდო მოიპოვა და პროფესიული მედიაკვალიფიკაციები მიიღო.
ITV Central-ში გარკვეული სამუშაო გამოცდილების მიღების შემდეგ კარენი ახლა ადამიანების შთაგონებისთვის გაერთიანებული სამეფოს კიბოს კვლევის ასოციაციასთან (Cancer Research UK) თანამშრომლობს.
„ყოველი ორი ადამიანიდან ერთს ცხოვრების რომელიმე ეტაპზე კიბო შეეხება და როდესაც მას ვხვდებით, არ უნდა ვიფიქროთ, რომ ეს ყველაფრის დასასრულია. კვლევების წყალობით, ბოლო 40 წლის განმავლობაში გადარჩენის მაჩვენებლები გაორმაგდა. ჩემი ცხოვრება ისე შეიცვალა, როგორც ვერასოდეს წარმოვიდგენდი. მიუხედავად იმისა, რომ კვლავ კიბოს პაციენტი ვარ და მის გავლენას განვიცდი, თავს უფრო გამბედავად, ძლიერად და ჭკვიანად ვგრძნობ, ვიდრე ოდესმე.“
კარენის მკურნალობის პროცესი
კარენმა სპეციალისტს პირველად 2019 წლის მარტში მიმართა, როდესაც განავალში სისხლი შენიშნა. იმ დღეს ნაწლავის კიბოს დიაგნოზის მიღების შესახებ კარენმა თქვა: „ჩემს ექიმს თავდაპირველად კრონის დაავადებაზე ჰქონდა ეჭვი, ამიტომ შოკში ჩავვარდი, როდესაც გავიგე, რომ ნაწლავის კიბოს მესამე სტადია მქონდა“.
„მითხრეს, რომ ოპერაცია მჭირდებოდა და სიცოცხლის ბოლომდე კოლოსტომიის ტომარა მექნებოდა. სრულიად გაოგნებული ვიყავი, მაგრამ ექიმის სიტყვები ახლაც მახსოვს:
'თქვენი სხეული სიმსივნეების წარმოქმნას გააგრძელებს, ამბობდა ის – შეგვიძლია შევამოწმოთ, სიმსივნე ავთვისებიანია თუ კეთილთვისებიანი, მაგრამ არ ვიცი, შევძლებ თუ არა თქვენთვის სასწაულმოქმედი მკურნალობის მოცემას.'“
2019 წლის ივნისში ბირმინგემის Queen Elizabeth-ის საავადმყოფოში მან სიმსივნის შესამცირებლად 6-კვირიანი რადიაციული თერაპია ჩაიტარა. იმავე წლის ნოემბერში კი Sutton Coldfield-ის Good Hope-ის საავადმყოფოში ჩაუტარდა ქირურგიული ოპერაცია, რომელიც სიმსივნის ამოკვეთასა და კოლოსტომიის ტომრისთვის სტომის შექმნას მოიცავდა. კარენი იხსენებს: „სწორედ მაშინ გავიგე, რომ კიბო ჩემს საშოსა და ლიმფურ კვანძებზე გავრცელდა. სწორედ მაშინ ჩამომენგრა ყველაფერი. არცერთ გოგონას არ უნდა უწევდეს ასეთი ამბის გაგება.“ შემდეგ, 2020 წლის იანვარში, კარენმა Solihull-ის საავადმყოფოში 6-თვიანი FOLFOX ქიმიოთერაპიული მკურნალობა ჩაიტარა.
კარენის ბაბუა 1978 წელს, 61 წლის ასაკში, მსხვილი ნაწლავის კიბოთი გარდაიცვალა. კარენი ნათლად ხედავდა იმ დროიდან მოყოლებული კიბოს კვლევებში გადადგმულ დიდ ნაბიჯებს.
„ბაბუაჩემის ამავე გამოცდილებას რომ ვუყურებ, ვხედავ, რამდენად წინ წავიდა კვლევები. კიბოს დიაგნოზი ათი წლის წინ რომ მიმეღო, დღეს შესაძლოა აქ არ ვყოფილიყავი. გადაწყვეტილი მაქვს, ყურადღება მიზანზე შევინარჩუნო, რადგან კიბო არ განსაზღვრავს, ვინ ვარ; მე კარენობა განმსაზღვრავს.“
წინსვლა კიბოს მკურნალობაში
ონკოლოგიაში მიღწეული წინსვლის წყალობით, გამოთვლების თანახმად, 2034 წლისთვის ვნახავთ, რომ ყოველი ოთხი ადამიანიდან სამმა კიბოს თავი დააღწია.
დასავლეთ მიდლენდსის Cancer Research UK-ის წარმომადგენელმა პაულა იანგმა თქვა: „ძალიან მადლიერი ვართ კარენის მხარდაჭერისთვის. მკურნალობის უკეთესი ვარიანტების ძიებაზე უარს არასოდეს ვიტყვით, თუმცა ამას მარტო ვერ გავაკეთებთ. გასული წელი კვლევების ღირებულებასა და იმას, თუ რისი მიღწევა შეგვიძლია ერთად, უფრო მეტად ამტკიცებს, ვიდრე ოდესმე. როგორც პანდემიიდან გამოსვლის გზა მეცნიერებაა, ასევე მეცნიერებაა კიბოს დამარცხების გზაც.“
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.