იმუნური უჯრედი მაკროფაგი კიბოს გავრცელებას ეხმარება
ამ სტატიაში
კიბოს 10 ძირითადი მახასიათებლიდან ერთ-ერთია იმუნური სისტემისთვის უხილავად ყოფნის სწავლა. ამავე დროს კიბოს უჯრედი თავისებურ მიკროგარემოს ქმნის და იმუნურ უჯრედებზეც მოქმედებს.
ბოლო დროს მატულობდა მოსაზრება, რომ იმუნური სისტემის უჯრედები, მაკროფაგები, კიბოს მეტასტაზირებას აადვილებს. 2018 წლის იანვარში Nature-ში გამოქვეყნებული კვლევის მიხედვით, მაკროფაგები ძუძუს კიბოს უჯრედების მეტასტაზირებასაადვილებს.
მაკროფაგები იმუნური სისტემის უმნიშვნელოვანესი უჯრედებია და ინფექციის პირველ იმუნურ პასუხს ქმნის. ეს დიდი, სპეციალიზებული უჯრედები შემოჭრილ მიკრობებსა და ინფიცირებულ უჯრედებს ამოიცნობს და ანადგურებს.
ამასთან მაკროფაგები ძუძუს ქსოვილის განვითარებაშიც მონაწილეობს; ისინი სარძევე ჯირკვლების ქსოვილში განაწილებას არეგულირებს. წინა მრავალი კვლევით მათი მეტასტაზირებაში როლი შორსწასული კიბოს მოდელებში აჩვენეს. ამ კვლევის თავისებურებაა, რომ სარძევე ჯირკვლის მაკროფაგების მიერ ადრეული ძუძუს კიბოს მეტასტაზირების დახმარება აჩვენა.
კვლევაში ადამიანის ქსოვილის ნიმუშები, თაგვის მოდელები და ძუძუს ორგანოს რეალისტური მოდელები გამოიყენეს. შედეგების მიხედვით;
მაკროფაგები ადრეული კიბოს უჯრედებში ბიოლოგიურ ცვლილებებს იწვევს და ძუძუს ქსოვილიდან სხვა ქსოვილებში მიგრაციას აადვილებს.
რას ნიშნავს ეს კვლევა კიბოსთვის?
- დადგინდა, რომ მაკროფაგები ძუძუს კიბოს უჯრედების გავრცელებას აადვილებს. კიდევ ერთხელ გამოიკვეთა იმუნური სისტემის განსხვავებული სახე და მნიშვნელობა კიბოში.
- კვლევებში გენეტიკისა და ბიოტექნოლოგიის მიღწევების გავლენა გამოჩნდა. რეალისტური ორგანოს მოდელებით (ორგანოიდებით) კიბოს უჯრედის განსხვავებების გამოვლენა შეიძლება.
- კიბოს მკურნალობაში გენეტიკასა და იმუნოლოგიაზე დაფუძნებული წამლების ეფექტს დავინახავთ. მაკროფაგების ინჰიბიტორების (დამთრგუნველების) სხვა მკურნალობასთან კომბინაციამ ადრეული მეტასტაზები შეიძლება აიცილოს.
- სიმსივნის მიკროგარემოში იმუნურ უჯრედებზე მიმართული ახალი წამლების შექმნას შეიძლება ნათელი მოჰფინოს მოჰფინოს.
- მეტასტაზირების დამხმარე მაკროფაგების ტიპების დადგენამ ახალი თაობის მიზნობრივი მკურნალობა შეიძლება შექმნას. ამგვარად მაღალი რისკის პაციენტებში ასეთი მკურნალობით მეტასტაზური დაავადების პრევენცია შეიძლება.
ხაზგასასმელია, რომ კიბოს მკურნალობა მხოლოდ თანამედროვე მედიცინის მიდგომებით შეიძლება.
წყაროები
Macrophages orchestrate breast cancer early dissemination and metastasis.
Nature Communications, 2018.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.