კიბოს უჯრედის ცხიმოვან უჯრედად გარდაქმნის მეთოდით კიბოს გავრცელება შეაჩერეს
ამ სტატიაში
კიბოთი სიკვდილის უმეტესობა მეტასტაზითარის გამოწვეული. მეტასტაზირებისთვის კიბოს უჯრედებმა ეპითელურ-მეზენქიმური გადასვლის (EMT) სახელით ცნობილი პროცესი უნდა გაიარონ. 2019 წლის იანვარში Cancer Cell-ში გამოქვეყნებულ კვლევაში EMT-გავლილი ძუძუს კიბოს უჯრედები წარმატებით გადააქციეს ცხიმოვან უჯრედებად. ამ მიღწევამ შესაძლოა მეტასტაზის პრევენციის ეფექტიან მკურნალობებს გაუხსნას გზა.
კვლევა შვეიცარიაში, ბაზელის უნივერსიტეტში ჩატარდა. როგორც ცნობილია, კიბოს უჯრედებს ცვალებად სიმსივნის მიკროგარემოზესწრაფი რეაგირებისა და ადაპტაციის უნარი აქვს. ამას ეპითელური უჯრედის თვისებებიდან მეზენქიმური უჯრედის თვისებებზე გადასვლით ახერხებს. ასე სხვადასხვა ტიპის უჯრედებად გარდაქმნა შეუძლიათ. კიბოს უჯრედები ეპითელურ-მეზენქიმურ გადასვლას (EMT) სხვადასხვა ქსოვილსა და ორგანოში გადასაადგილებლადაც იყენებს. EMT-გავლილი სიმსივნეები ხშირად ქიმიოთერაპიისა და მიზნობრივი მკურნალობისადმი რეზისტენტობას ავითარებს. კვლევაში შეისწავლეს, როგორ შეიძლებოდა EMT-გავლილი კიბოს უჯრედების შეცვლა ადამიანის ძუძუს კიბოს უჯრედებგადანერგილ თაგვის მოდელებში.
თაგვებისთვის დიაბეტის პრეპარატ როზიგლიტაზონისა და MEK ინჰიბიტორის კლასის კიბოს წამლის მიცემისას კიბოს უჯრედების ცხიმოვან უჯრედებად გარდაქმნა დაფიქსირდა. ამავდროულად პირველადი სიმსივნის ზრდა და მეტასტაზირება შეიზღუდა.
კვლევის გრაფიკული შეჯამება:
რას გვეუბნება ეს კვლევა?
- აღმოაჩინეს კიბოს უჯრედის მეტასტაზირების შემაფერხებელი ეფექტიანი მეთოდი. ის FDA -ს მიერ დამტკიცებული ორი პრეპარატით განხორციელდა. მეტასტაზის დათრგუნვასთან ერთად ძუძუს კიბოს უჯრედების გამრავლებაც შეჩერდა. კიბოს უჯრედები წარმატებით გარდაიქმნა ცხიმოვან უჯრედებად.
- FDA-ს მიერ დამტკიცებული ორი წამლის გამოყენება ზრდის იმედს, რომ მეთოდი კლინიკებში სწრაფად დაინერგება.
- აუცილებლად უნდა აღინიშნოს, რომ კვლევა თაგვის მოდელებში ჩატარდა. ადამიანებში კლინიკურ კვლევებშიეფექტიანობის დადასტურების შემდეგ იქნება შესაძლებელი გამოყენება.
- შემდეგ ეტაპზე მკვლევრები მეთოდის სხვადასხვა კიბოს ტიპსა და ქიმიოთერაპიის კომბინაციებთან გამოცდას გეგმავენ.
ზემოთ, მასალის სურათზე, ნაჩვენებია კიბოს უჯრედების ფოტოები მკურნალობამდე და შემდეგ. მარცხენა ფოტოზე კიბოს უჯრედები მწვანედ, ცხიმოვანი უჯრედი კი წითლად ჩანს. მკურნალობის შემდეგ კიბოს უჯრედების ცხიმოვან უჯრედებად გარდაქმნა დაფიქსირდა. მუქი ყვითელი წარმონაქმნები ცხიმოვან უჯრედებად გარდაქმნილი კიბოს უჯრედებია.
წყაროები
Gain Fat—Lose Metastasis: Converting Invasive Breast Cancer Cells into Adipocytes Inhibits Cancer Metastasis.
Cancer Cell, 14 January 2019
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.