კურდღელი მოკვდა 1928 — ორსულობის ტესტები წარსულიდან დღემდე

„ორსულად ვარ?“ ამ კითხვაზე პასუხი მრავალი წელია ქალებს, მათ ოჯახებსა და ექიმებს აღელვებს. შარდით შესრულებული მრავალი შეცდომაში შემყვანი, თუმცა შემოქმედებითი ტესტი გამოიყენებოდა. 

ძველ ეგვიპტეში ქალები ხორბლისა და ქერის ტომრებზე შარდავდნენ. გადმოცემის თანახმად, თუ ქერი ამოიზრდებოდა, ბიჭის დაბადებას ელოდნენ, ხოლო თუ ხორბალი — გოგოსას. თუ არაფერი ამოიზრდებოდა, ქალი ორსულად არ ითვლებოდა. 

უფრო თანამედროვე პერიოდში ორსულობის შესამოწმებლად ქალის შარდს კურდღლებს უკეთებდნენ. ამის გამო „კურდღელი მოკვდა“ გამოთქმა ორსულობის დადებითი ტესტის პოპულარულ ევფემიზმად იქცა.

დღეს ორსულობის მრავალი ტესტი გამოიყენება ადამიანის ქორიონული გონადოტროპინის (HCG) ჰორმონის გამოსავლენად, რომელსაც ემბრიონი განაყოფიერებული კვერცხუჯრედის საშვილოსნოში ჩანერგვიდან დაახლოებით 6 - 12 დღის შემდეგ წარმოქმნის. ამ ჰორმონს შემდგომ პლაცენტაც გამოყოფს. 

1928 წელს გერმანელმა გინეკოლოგებმა Selmar Aschheim-მა და Bernhard Zondek-მა შეიმუშავეს ორსულობის ტესტი, რომლის დროსაც ქალის შარდს მოზარდ მდედრ თაგვს უკეთებდნენ. როდესაც შარდში HCG იყო, თაგვს ოვულაციის ნიშნები უვლინდებოდა და ქალს, რომლის შარდიც აიღეს, ეუბნებოდნენ, რომ ორსულად იყო. 

რადგან შარდის შეყვანიდან რამდენიმე დღის შემდეგ საკვერცხეების შესამოწმებლად ყველა კურდღელს კლავდნენ, „კურდღელი მოკვდა“ გამოთქმა საკმაოდ შეცდომაში შემყვანია. მოგვიანებით შეიმუშავეს ტესტები, რომლებშიც HCG-ის საპასუხოდ მდედრი ბაყაყები ერთ დღეში კვერცხებს წარმოქმნიდნენ. 1970-იან წლებში შეიქმნა უფრო ზუსტი, სახლის პირობებში გამოსაყენებელი ტესტები, რომლებიც ორსულობის გამოსავლენად HCG-ის საწინააღმდეგო ანტისხეულებს იყენებდა. ტესტის სახეობის მიხედვით ორსულობას ფერადი ზოლი ან (+) სიმბოლო აჩვენებდა.

სტატიის გამოსახულების აღწერა: ნიდერლანდელი მხატვრის Jon Steen-ის (1626-1679) ზეთის საღებავებით შესრულებული ტილო (1660), რომელზეც ქალი ორსულობის შედეგებს ელოდება

სტატიაში მოხსენიებული ისტორიული პირები: Selmar Aschheim (1878–1965), Bernhard Zondek (1891–1966)

• წინა თემა: Carrie Buck-ის სტერილიზაცია 1927 — ევგენიკა
• შემდეგი თემა: რკინის ფილტვი 1928 — პირველი სუნთქვის აპარატი