ოსტეოპათიური მედიცინა 1892 – მანიპულაციური მკურნალობა
ოსტეოპათია, ჯანდაცვის სფეროა, რომელიც ჯანმრთელობის პრობლემების პრევენციასა და მკურნალობაში საყრდენ-მამოძრავებელი სისტემის როლს უსვამს ხაზს.
სამოქალაქო ომის შემდეგ არმიის ქირურგმა Andrew Taylor Still-მა შვილების უმეტესობა ინფექციური დაავადებებით დაკარგა. ამის შემდეგ, 1892 წელს, მისურის ქალაქ კირკსვილში პირველი ოსტეოპათიის სკოლა დააარსა.
Still-ის ფილოსოფიის თანახმად, დაავადებათა უმეტესობა ნერვებისა და სისხლის ნაკადის დაბრკოლებით იყო გამოწვეული. “არაწონასწორული, გადაადგილებული ძვლების, ნერვებისა და კუნთების მანიპულაციით – ანუ ყველა დაბრკოლების მოხსნით – ადამიანის სიცოცხლის მექანიზმის ამოქმედება და ჯანმრთელობის აღდგენა შეიძლებოდა.
თავის ავტობიოგრაფიაში Still ამტკიცებდა, რომ ბავშვის შენჯღრევით ქუნთრუშას ან დიფთერიის შეჩერება შეეძლო. ასევე აცხადებდა, რომ კისრის მოტრიალებით ხველის შეტევას სამ დღეში კურნავდა. დღევანდელი სტანდარტებით ასეთი მტკიცებები გადაჭარბებულად ჩანს, თუმცა, რადგან თავისი მეთოდებით სხვა ექიმებთან შედარებით მეტი პაციენტის გადარჩენას ახერხებდა, კონვენციური მედიცინის წარმატებასთან შედარებით უფრო წარმატებულად შეიძლებოდა მიჩნეულიყო. იმდროინდელი ქირურგია და წამლები ხშირად საზიანო იყო, ამიტომ ბევრი ადამიანი ეჭვქვეშ აყენებდა გავრცელებული მეთოდების ეფექტიანობას, რომლებიც დარიშხანისა და ვერცხლისწყლის მსგავსი ნივთიერებების ტოქსიკურ რაოდენობებს შეიცავდა.
დღეს ამერიკის შეერთებულ შტატებში, ამერიკაში განათლებამიღებული D.O. (ოსტეოპათიური მედიცინის ექიმი) ტრადიციული მედიცინის ექიმის მსგავსად სწავლობს. არსებითად ის მედიცინის ექიმის (MD) სამართლებრივი ეკვივალენტიცაა. თუმცა ევროპა და ერთა თანამეგობრობა ოსტეოპათებს ექიმებად არ აღიარებს.
აშშ-ში თანამედროვე ოსტეოპათი ტრადიციულ სამედიცინო მიდგომებსა და წამლებთან ერთად პრაქტიკაში დიეტას, პოზასა და თერაპიულ მკურნალობასაც იყენებს. თუმცა დღეს მწვავე დებატებია კრანიალური ოსტეოპათიის გადაჭარბებულ მტკიცებებზე ტკივილის შემსუბუქებისა თუ სხვა დაავადებების მკურნალობის შესახებ. კრანიალური ოსტეოპათია თავის ქალის ძვლების მანიპულაციას მოიცავს და მას ძალიან ცოტა ოსტეოპათი იყენებს.
სტატიაში ნახსენები ისტორიული პირები: Andrew Taylor Still (1828–1917)
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.