პრობიოტიკურმა დანამატმა შეიძლება იმუნოთერაპიის ეფექტიანობა შეამციროს
ამ სტატიაში
ამცირებს თუ არა პრობიოტიკები იმუნოთერაპიის ეფექტს?
კიბოს იმუნოთერაპია, ქიმიოთერაპიისა და რადიოთერაპიისადმი რეზისტენტული კიბოს ტიპებისთვის საკმაოდ ეფექტიანი მკურნალობაა. იმუნოთერაპიები ცდილობს გამოიყენოს იმუნური სისტემის კიბოს უჯრედების წინააღმდეგ გააქტიურების მექანიზმები და დაბალ გვერდით მოვლენებთან ერთად პაციენტების სიცოცხლის გახანგრძლივებას უზრუნველყოფს. ბოლო ხანებში კიბოს იმუნოთერაპიის ეფექტიანობის გამზრდელი ან შემამცირებელი ფაქტორები შეისწავლება. ატლანტაში მიმდინარე ამერიკის კიბოს კვლევის ასოციაციის (AARC) 2019 წლის კონგრესზე აღინიშნა, რომ პრობიოტიკული დანამატების გამოყენება იმუნოთერაპიაზე პასუხს 70 პროცენტით ამცირებდა.
კიბოს 10 ძირითადი მახასიათებლიდან ერთ-ერთია იმუნური სისტემისგან თავის დაღწევის სწავლა. იმუნური სისტემის საკონტროლო წერტილების ინჰიბიტორები, იმუნური სისტემის უჯრედებს კიბოს უჯრედებზე თავდასხმის საშუალებას აძლევს. თუმცა ეს წამლები პაციენტების 20-30 პროცენტშია ეფექტიანი.
აშშ-ის მკვლევრებმა კიბოს იმუნოთერაპიაში პრობიოტიკების როლი შეისწავლეს. კვლევაში მეტასტაზური მელანომის (კანის კიბოს) მქონე 113 პაციენტი ჩაერთო. მონაწილეებმა შეავსეს კითხვარი კვების, წამლებისა და დანამატების გამოყენების შესახებ. ამავე დროს მათგან განავლის ნიმუშები აიღეს და ნაწლავის ბაქტერიების სიმჭიდროვე გააანალიზეს. გარდა ამისა, მონაწილეებს მკურნალობის განმავლობაში აკვირდებოდნენ.
კვლევის შედეგების მიხედვით
- აღინიშნა, რომ პრობიოტიკური დანამატები იმუნოთერაპიაზე პასუხს 70 პროცენტით ამცირებდა.
- აღმოჩნდა, რომ მონაწილეთა 42 პროცენტი პრობიოტიკურ დანამატს იღებდა.
- დადგინდა, რომ პრობიოტიკები ნაწლავის ბაქტერიების მრავალფეროვნებას ამცირებდა.
- ბოჭკოთი მდიდარი კვება იმუნოთერაპიაზე პასუხს 5-ჯერ ზრდიდა. ასეთი, ძირითადად ბოსტნეულზე დაფუძნებული კვება ნაწლავში სასარგებლო ბაქტერიების რაოდენობას ზრდის.
რას ნიშნავს ეს კვლევა ჩვენთვის?
- აღმოჩნდა, რომ პრობიოტიკები იმუნოთერაპიის ეფექტიანობას ამცირებს.
- პრობიოტიკების შესახებ გავრცელებული მოსაზრებაა, რომ ისინი ნაწლავის მიკრობიომის ჯანმრთელობას აუმჯობესებს. შესაძლოა ეს კიბოს მქონე პაციენტებისთვის არ იყოს მართებული.
- ამ თემაზე კლინიკური კვლევები იგეგმება.
- ვიტამინებისა და მინერალების დანამატები — ეს ექიმებმაც და მომხმარებლებმაც უნდა იცოდნენ
წყაროები
The gut microbiome (GM) and immunotherapy response are influenced by host lifestyle factors.
AARC 2019, Abstract 2838 / 24.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.