ყოველი 10 სამედიცინო თანამშრომლიდან 4 ავადმყოფობისას მუშაობს

ექიმები პაციენტებს დასვენებისთვის ცნობას აძლევენ და სახლში დასვენებას ურჩევენ, მაგრამ თავად ახერხებენ ამას? ამერიკის ინფექციის კონტროლის ჟურნალში 1 ნოემბერს 2017 წელს გამოქვეყნებული კვლევით, 2014 – 2015 სეზონში ყოველი 10 სამედიცინო თანამშრომლიდან 4 გრიპისა და მსგავსი დაავადების მიუხედავად მუშაობას აგრძელებდა.

კვლევაში 2014 – 2015 წლების სეზონური გრიპის პერიოდში 1914 სამედიცინო თანამშრომელმა ონლაინ კითხვარი შეავსო. გრიპისა და გრიპისმაგვარი დაავადებისთვის კითხვარი ცხელების, ხველის, ყელის ტკივილის არსებობასა და სამუშაო რეჟიმს ამოწმებდა.

წინა კვლევამ აჩვენა, რომ ავადმყოფ სამედიცინო პერსონალთან კონტაქტის მქონე პაციენტებს სამედიცინო მოვლასთან დაკავშირებული ინფექციების 5-ჯერ მეტი რისკი აქვთ.

შენიშვნა: გრიპი ინფლუენცის ვირუსებით გამოწვეული ვირუსული ინფექციაა. ინფლუენცადაც ცნობილი გრიპი გაციების ან სურდოსგან განსხვავებული, უფრო მძიმედ მიმდინარე დაავადებაა. ქვემოთ ცხრილში გრიპისა და გაციების განსხვავებებს ნახავთ.

კვლევის შედეგების თანახმად;

• გამოკითხული 1914 თანამშრომლიდან 414-მა (% 21) გრიპი ან გრიპისმაგვარი დაავადება აღწერა და მათგან 183 (% 41) ავადმყოფობისას მუშაობდა. ამ 414 თანამშრომლის %57-მა ექიმთან შემოწმება აღნიშნა, შემოწმებულთა %25-ს კი გრიპის დიაგნოზი დაესვა.
• კვლევამ თანამშრომლების სამუშაო რეჟიმიც გააანალიზა. აღმოჩნდა, რომ საავადმყოფოს პერსონალი ამბულატორიული კლინიკების თანამშრომლებზე მეტად იყო მიდრეკილი ავადმყოფობისას მუშაობისკენ.
• ავადმყოფობისას ყველაზე ხშირად მომუშავე პროფესიებში ექიმები (% 63) და ფარმაცევტები (% 67) ლიდერობდნენ.
• ასაკი, მუშაობის წლები და სამუშაოს მახასიათებლები ავადმყოფობისას მუშაობის ალბათობაზე არ მოქმედებდა.

მონაწილეებმა ავადმყოფობისას მუშაობის აუცილებლობის შემდეგი მიზეზებიდან სულ მცირე ერთი დაასახელეს:

• „ჯერ კიდევ შემეძლო ჩემი საქმის შესრულება.“
• „იმდენად ცუდად არ ვგრძნობდი თავს, რომ სამსახური გამეცდინა.“
• „არ მიფიქრია, რომ გადამდები ვიყავი ან სხვების დაავადება შემეძლო.“
• „კოლეგების წინაშე პროფესიული პასუხისმგებლობა მქონდა.“
• „ჩემს შემცვლელს ძნელად ვპოულობდი.“

კიდევ ერთი ფაქტორი ავადმყოფობისას არმუშაობით გამოწვეული ფინანსური დანაკარგის შიში იყო.

დასკვნა

შესაძლოა სამედიცინო თანამშრომლებს მხედველობიდან რჩებათ საერთო სურათი, რომ ინფექციის გავრცელების რისკს ქმნიან. დამსაქმებლებმაც უნდა გადახედონ სამუშაო ადგილზე ინფექციის კონტროლის მნიშვნელობას. თანამშრომელთა დარწმუნებამ, რომ ფინანსური დანაკარგი არ ექნებათ, დაავადების პერიოდის უფრო მშვიდად გადატანას შეიძლება შეუწყოს ხელი.