რა არის ალფა-ლიპოის მჟავა, რომელ დაავადებებში ცდიან ALA-ს და რა გვერდითი მოვლენებია?
ამ სტატიაში
სხვა ცნობილი სახელები
- ALA
- თიოქტის მჟავა
- ლიპოატი
- თიოქტანი
ალფა-ლიპოის მჟავა ორგანიზმის ბუნებრივად წარმოებული ანტიოქსიდანტური ნაერთია. დანამატს კიბოს მკურნალობისა და პრევენციის, დიაბეტის, დიაბეტური ნეიროპათიის, HIV / AIDS-ისა და ღვიძლის დაავადებისთვის იღებენ. ენერგიის წარმოებაში მნიშვნელოვანი ეს ძლიერი ანტიოქსიდანტი, მტკიცების მიხედვით, სიმსივნეზე აპოპტოზურ (პროგრამირებულ უჯრედულ სიკვდილს) ეფექტს ახდენს.
სად გვხვდება ალფა-ლიპოის მჟავა?
- ხორცი
- ისპანახი
- ბროკოლი
- პომიდორი
- ბარდა
- ბრიუსელის კომბოსტო
- ბრინჯის ქატო
დანამატის გამოყენების მიზნები
როგორც ანტიოქსიდანტი
ლაბორატორიული კვლევები ანტიოქსიდანტურ ეფექტს ადასტურებს. უჯრედული ქიმიური პროცესები ჟანგბადის რადიკალების ნარჩენებს ქმნის. ორგანიზმისა და საკვების ანტიოქსიდანტები მათ აშორებს, ანეიტრალებს და გარდაქმნის. სიცოცხლისთვის ამ სისტემების საჭიროება უდავოა. მაგრამ ანტიოქსიდანტებს მხოლოდ ჯანსაღი უჯრედები არ იყენებს; მეტაბოლურად აქტიური კიბოს უჯრედები მეტ ნარჩენს ქმნის და მეტ ანტიოქსიდანტს საჭიროებს. ამიტომ ანტიოქსიდანტური დანამატები კიბოსთვის სარისკოა.
კიბოს პრევენციისა და მკურნალობისთვის
ალფა-ლიპოის მჟავა ანტიოქსიდანტია და კიბოს სამკურნალოდ გამოყენების მტკიცებულება არ არსებობს.
დიაბეტის ჩივილების / გართულებების სამკურნალოდ
მას დიაბეტური ნეიროპათიის — ხელ-ფეხის ბოლოებში მგრძნობელობის დარღვევისა და ნერვის დაზიანების — შესამსუბუქებლად ცდიან. ზოგი კვლევა შესაძლო ეფექტიანობაზე მიუთითებს.
წამლით გამოწვეული სმენის ნერვის დაზიანებისთვის
ამ მიზნის შესაფასებელი კლინიკური კვლევა არ ჩატარებულა.
HIV-ისა და AIDS-ის სამკურნალოდ
გამოყენებას არცერთი სამეცნიერო კვლევა არ უჭერს მხარს.
ჰეპატიტის / ღვიძლის დაავადებისას
რამდენიმე კვლევა არაალკოჰოლური ღვიძლის დაავადებისგან შესაძლო დაცვას ვარაუდობს. მკაფიო დასკვნისთვის მეტი კვლევაა საჭირო.
რა გვერდითი მოვლენებია?
შეიძლება შაქარი დაწიოს. ძლიერი ანტიოქსიდანტები კიბოს მკურნალობის ეფექტიანობასაც შეიძლება ამცირებდეს, ამიტომ განსაკუთრებით მკურნალობისას დანამატებს უნდა მოერიდოთ.
შედეგი
ზოგადად უსაფრთხო ჩანს, მაგრამ არცერთი შეთავაზებული მიზნისთვის სარგებელი დამტკიცებული არ არის. დიაბეტიანებმა გამოყენებამდე ექიმს ჰკითხონ. დიაბეტის, HIV-ის ან ღვიძლის დაავადების სამკურნალო გამოყენების მტკიცებულება არ არსებობს. კიბოსას დანამატად მიღება ძლიერი ანტიოქსიდანტურობის გამო სარისკოა. რისკი სწორედ „დანამატს“ ეხება; ალფა-ლიპოის მჟავა შემცველი საკვები ჩვეულებრივი რაოდენობით თავისუფლად შეგიძლიათ მიიღოთ.
წყაროები
mskcc.org
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.