რა არის იბრუტინიბი? როგორია მისი მოქმედების მექანიზმი?

მცირე მოლეკულების კლასის ონკოლოგიური წამალი იბრუტინიბი (სავაჭრო სახელი Imbruvica) შექმნილია ბრუტონის ტიროზინკინაზის (BTK) ფერმენტის სამიზნედ და მისი მუშაობის დასაბლოკად (ინჰიბირებისთვის).

ფერმენტის აქტიურ უბანზე შეკავშირებით იბრუტინიბი იმუნიტეტში მნიშვნელოვან B უჯრედებს ფუნქციის შესრულებაში უშლის ხელს. ბრუტონის ტიროზინკინაზა B უჯრედის რეცეპტორს უკავშირდება და ერთდროულად მიმდინარე მინიმუმ სამ კრიტიკულ მექანიზმში მონაწილეობს: უჯრედის გადაადგილება, კონკრეტულ უბანზე მიმაგრება (ადჰეზია) და დაპროგრამებული სიკვდილის (აპოპტოზის) რეგულაცია. იმუნური B ლიმფოციტების ამ მექანიზმების დაბლოკვით იბრუტინიბი გამოიყენება როგორც სისხლისა და ძვლის ტვინის ზოგი ლეიკემიისა და ლიმფომისას, ისე იმუნიტეტის დათრგუნვის საჭიროებისას (მაგალითად, ტრანსპლანტატი მასპინძლის წინააღმდეგ დაავადება).