რა სიმპტომები ახასიათებს წიაღების კიბოს?

რა არის წიაღების კიბო?

წიაღების კიბო, რომელსაც მედიცინაში „პარანაზალური წიაღების კიბოს“ უწოდებენ, ცხვირის ირგვლივ ძვლებში არსებულ მცირე ღრუებში წარმოქმნილი კიბოა. პარანაზალური წიაღებისა და ცხვირის ღრუს კიბოს ყველაზე გავრცელებული ტიპი ბრტყელუჯრედოვანი კარცინომაა (ამ ქსოვილებისა და ღრუების ამომფენ ბრტყელ უჯრედებში დაწყებული კიბო). წიაღების კიბო განსხვავდება ნაზოფარინქსის კიბოსგან — იმ უბნის კიბოსგან, სადაც ცხვირი და ყელი ერთდება. იშვიათი სიმსივნეებიდან ერთ-ერთი, წიაღების კიბო, ყველა თავისა და კისრის კიბოს მხოლოდ 3 – 5%-ს შეადგენს.

ქვემოთ ნაჩვენებია ის პარანაზალური წიაღების ანატომია, რომლებშიც წიაღების კიბო შეიძლება განვითარდეს:

რა სიმპტომები ახასიათებს წიაღების კიბოს?

წიაღების კიბოს სიმპტომები, ჩვეულებრივ, სახის ერთ მხარეს მოქმედებს და ჰგავს უფრო გავრცელებულ მდგომარეობებს, მაგალითად, ალერგიულ რინიტს.

აქვს წიაღების კიბოს ადრეული სიმპტომი?

2021 წელს გამოქვეყნებული სტატიის თანახმად, წიაღების კიბოს ადრეულ სტადიებზე, სამწუხაროდ, სიმპტომები არ არსებობს. ნიშნები და ჩივილები სიმსივნის ზრდასთან ერთად იწყებს გამოვლენას.

წიაღების კიბოს სიმპტომები ინფექციისა თუ გაციების ნიშნებს ჰგავს, რაც ნიშნავს, რომ ადამიანებმა მდგომარეობა შეიძლება ვერ შეამჩნიონ.

წიაღების კიბოს ყველაზე გავრცელებული სიმპტომები

• ცხვირის გაჭედვა, რომელიც კვირების განმავლობაში გრძელდება
• ცხვირიდან სისხლდენა
• ყნოსვის დაქვეითება
• ცხვირიდან ლორწო, რომელიც შეიძლება სისხლიანი იყოს
• უკანა ჩამონადენი — ლორწოს დენა ცხვირისა და ყელის უკანა მხარეს

თუ ეს სიმპტომები გაშფოთებთ, სპეციალისტს უნდა მიმართოთ.

თუ წიაღების კიბოს სიმპტომებს უფრო დეტალურად განვიხილავთ:

წიაღების კიბომ შეიძლება ცხვირსა და თვალებზე მოქმედი სიმპტომები გამოიწვიოს.

• ცხვირის სიმპტომები:

• • ხანგრძლივი ცალმხრივი ცხვირის გაჭედვა (ყველაზე ხშირი სიმპტომი)
  • ცხვირიდან სისხლდენა
  • ყნოსვის დაქვეითება
  • ცხვირის ლორწო, რომელიც შეიძლება სისხლიანი იყოს
  • უკანა ცხვირის ჩამონადენი
  • ცხვირიდან ჩირქის დენა

• თვალის სიმპტომები:

• • მხედველობის სრული ან ნაწილობრივი დაკარგვა
  • ერთი თვალის შეშუპება
  • ორმაგი მხედველობა
  • ტკივილი თვალის ზემოთ ან ქვემოთ
  • მუდმივი ცრემლდენა
  • კონიუნქტივის შეშუპება — ქსოვილის, რომელიც თვალის თეთრ ნაწილს ფარავს

• სხვა სიმპტომები:

• • თავის ტკივილი
  • კბილების ცვენა
  • ერთ ყურში ტკივილი ან ზეწოლა
  • პირის გაღების სირთულე
  • სახის ნებისმიერ ადგილას კვანძი ან წარმონაქმნი
  • სახის მუდმივი ტკივილი ან დაბუჟება
  • კისრის გადიდებული ლიმფური კვანძები
  • სმენის დაკარგვა

როგორ ისმება წიაღების კიბოს დიაგნოზი?

წიაღების კიბოს დიაგნოსტიკისას სპეციალისტები ადამიანის სამედიცინო ისტორიას განიხილავენ და ფიზიკურ გამოკვლევას ატარებენ. ფიზიკური გამოკვლევისას ამოწმებენ:

• თავსა და კისერს, ცხვირის ჩათვლით
• სახის დაბუჟებას, შეშუპებას, ტკივილსა და გამკვრივებას
• გადიდებულია თუ არა ლიმფური კვანძები
• თვალებს, მხედველობის პრობლემების შესამოწმებლად
• სახის სიმეტრიას

კიბოზე ეჭვის შემთხვევაში ადამიანს ყელ-ყურ-ცხვირის სპეციალისტთან აგზავნიან. სპეციალისტი ცხვირის, ყელის, პირისა და ენის დასათვალიერებლად განათებისა და მცირე სარკეების გამოყენებით ენდოსკოპიურ პროცედურას ჩაატარებს. ასევე შეიძლება გამოიყენოს შემდეგი ვიზუალიზაციის ტესტებიდან ერთი ან რამდენიმე:

• BT (კომპიუტერული ტომოგრაფიის) სკანირება
• სახის რენტგენი
• მაგნიტურ-რეზონანსული გამოსახულება (MRG)
• ძვლის სკანირება
• PET სკანირება

ვიზუალიზაციის გარდა, კიბოს არსებობის შესამოწმებლად შეიძლება დაინიშნოს ქსოვილის მცირე ნაჭრის აღების პროცედურა, ბიოფსია. ამ შემთხვევაში შეიძლება შემდეგი სახის ბიოფსიები ან ბიოფსიის სხვა ტიპები გამოიყენონ:

• წვრილი ნემსით ასპირაციული ბიოფსია
• ღია ბიოფსია
• ინციზიური და ექსციზიური ბიოფსიები (მცირე ოპერაციები სიმსივნის ნაწილის ან მთლიანად მოსაცილებლად)

სიმსივნის ადამიანზე გავლენის შესაფასებლად დამატებითი ტესტებიც შეიძლება მოითხოვონ:

• მეტყველების ტესტები
• სისხლის ტესტები
• გულის ტესტები
• სმენის ტესტები
• სტომატოლოგიური გამოკვლევა

ზოგადად წიაღების კიბოსა და გადარჩენის მაჩვენებლების შესახებ

გადარჩენის მაჩვენებელი პაციენტისთვის განსაზღვრული სიცოცხლის ვადა არ არის. კიბოში ხშირად იყენებენ ტერმინს „ფარდობითი გადარჩენის მაჩვენებელი“, რომელიც დიაგნოზის შემდეგ ამ მდგომარეობის არმქონე ადამიანებთან შედარებით სიცოცხლის ხანგრძლივობის ალბათობაზე წარმოდგენას გვაძლევს.

მაგალითად, თუ 5-წლიანი ფარდობითი გადარჩენის მაჩვენებელი 70%-ია, ეს ნიშნავს, რომ დაავადების მქონე ადამიანს არმქონე ადამიანებთან შედარებით 5 წლის სიცოცხლის 70% ალბათობა აქვს. მნიშვნელოვანია გვახსოვდეს, რომ ეს რიცხვები მიახლოებითია. მდგომარეობები ადამიანებზე სხვადასხვაგვარად მოქმედებს, ამიტომ მნიშვნელოვანია, კონკრეტული მდგომარეობის შესაძლო გავლენა ექიმთან განიხილონ.

მდგომარეობაზე შეიძლება მოქმედებდეს შემდეგი ფაქტორები:

• სიმსივნის ზომა
• კიბოს სტადია
• ადამიანის ასაკი
• ჯანმრთელობის საერთო მდგომარეობა
• მკურნალობაზე პასუხი

ცხრილი: ამერიკის კიბოს საზოგადოების მიხედვით, წიაღების კიბოს 5-წლიანი გადარჩენის მაჩვენებლები