უცნობი წარმოშობის სიმსივნეებისთვის კიბოს ახალი ნიშანი: პერიკარდიტი — გულის გარსის ანთება

ბოლო კვლევებით პერიკარდიტი (გულის გარსის ანთება) კიბოს ადრეული ნიშანი შეიძლება იყოს. დანიის კვლევაში პერიკარდიტის განვითარებიდან 3 თვის შემდეგ კიბოს რისკის მატება აღინიშნა, განსაკუთრებით არაჰოჯკინის ლიმფომის, ფილტვის კიბოსა და მიელოიდური ლეიკემიისა.
პერიკარდიტი გულის გარშემო გარსების ანთებაა. გარსებს შორის პათოლოგიური სითხის (პერიკარდიული გამონაჟონის) არსებობის მიხედვით იყოფა ფიბრინულ (მშრალ) და გამონაჟონიან (სველ) პერიკარდიტად. გამონაჟონი სხეულის ღრუებში სითხის დაგროვებაა. პერიკარდიული გამონაჟონი გულის გარშემო პერიკარდის ორ ფურცელს შორის ჭარბი სითხის დაგროვებაა. საეჭვო პაციენტებში დიაგნოზი სისხლის ტესტითა და გულის ულტრაბგერითი კვლევით, ექოკარდიოგრამით (EKO), ან სხვა გამოსახულებითი მეთოდებით ისმება.

შედეგებით, გამონაჟონიანი პერიკარდიტი კიბოს უფრო ხშირად უკავშირდება. უნდა აღინიშნოს, რომ პერიკარდიტის უმთავრესი ნიშნები პერიკარდიული გამონაჟონით ვლინდება, თუმცა გამონაჟონიანთან ერთად ფიბრინული პერიკარდიტიც რისკფაქტორია. კვლევის ხელმძღვანელი დოქტორი Erik Botker ამბობს, რომ პერიკარდიტგადატანილ პაციენტებში ექიმებმა კიბოს განვითარების რისკიც უნდა გაითვალისწინონ.
კვლევაში 1994-2013 წლებში აკვირდებოდნენ ადრე კიბოს დიაგნოზის არმქონე, მწვავე (უეცრად დაწყებული) პერიკარდიტგადატანილ 13.759 პაციენტს; მათგან 1550-ს შემდგომ წლებში კიბო დაუდგინდა. მათი ჩვეულებრივ დიაგნოსტირებულ 1070 კიბოს პაციენტთან შედარებისას პერიკარდიტგადატანილებში კიბო 1.5-ჯერ უფრო ხშირად ვითარდებოდა. მატება ძირითადად ფილტვის, თირკმლისა და შარდის ბუშტის კიბოში, ლიმფომაში, ლეიკემიასა და მეტასტაზურ კიბოებში აღინიშნებოდა. პერიკარდიტის შემდეგ კიბოგანვითარებული 1550 პაციენტიდან 376-ს კიბო პირველ 3 თვეში განუვითარდა; მათ ნახევარზე მეტს (210) ფილტვის კიბო ჰქონდა. ასევე პირველ 3 თვეში კიბოს რისკი პერიკარდიტის პაციენტებში საერთო მოსახლეობასთან შედარებით 12-ჯერ მეტი იყო.
პირველ 3 თვეში განსაკუთრებით ჰემატოლოგიური (სისხლისა და ძვლის ტვინის) კიბოების რისკის მატება აღინიშნა: არაჰოჯკინის ლიმფომისთვის 30-ჯერ, მიელოიდური ლეიკემიისთვის კი 49-ჯერ.
როდესაც მკვლევრებმა 1550 პაციენტი ადრე პერიკარდიტის არმქონე 7664 კიბოს პაციენტს შეადარეს, პერიკარდიტგადატანილებში 3-თვიანი გადარჩენა %80, ხოლო არგადატანილებში %86 აღმოჩნდა.
კვლევის მთავარი დასკვნაა, რომ ახლად დიაგნოსტირებული გულ-სისხლძარღვთა დაავადებები, განსაკუთრებით პერიკარდიტი, ზოგი კიბოს ადრეული ნიშანი შეიძლება იყოს. სხვა კითხვაა: პერიკარდიტი კიბოს სიმპტომია თუ ძირითადი მიზეზის ძიებისკენ მიმანიშნებელი? ამ კითხვაზე პასუხი ჯერ არ გვაქვს.
JAMA კარდიოლოგიაში გამოქვეყნებულ წინა კვლევაშიც აღნიშნული იყო, რომ გულის რიტმის გავრცელებულ დარღვევას, წინაგულების ფიბრილაციასა და კიბოს შორის კავშირი შეიძლება არსებობდეს . ამ მონაცემებით ფიქრობენ, რომ გულ-სისხლძარღვთა დაავადებებსა და მომავალ კიბოს დიაგნოზს შორის კავშირი შეიძლება იყოს.
ამ კავშირის ზუსტი მიზეზი უცნობია, თუმცა ანთების მონაწილეობა პერიკარდიტისა და კიბოს განვითარებაში შესაძლო მიზეზად მიიჩნევა. მათ შორის ძლიერი კავშირი ჩანს. შემდგომი საკვლევი საკითხია, პერიკარდიტი ორგანიზმში დარღვევის მაჩვენებელია თუ მარკერი, რომლის დროსაც კიბოზე უფრო გულდასმით გამოკვლევაა საჭირო?
ამ მონაცემებით პერიკარდიტი უცნობი წარმოშობის კიბოს პირველი ნიშანი შეიძლება იყოს; მიუხედავად ფიბრინულ პერიკარდიტშიც არსებობისა, ძირითადი რისკფაქტორი გამონაჟონიანი პერიკარდიტია. ვფიქრობთ, მომავალში პერიკარდიტის დიაგნოზის მქონე პაციენტებში კიბოს ეჭვის მიმართ ცნობიერება გაიზრდება.
წყაროები
Pericarditis as a Marker of Occult Cancer and a Prognostic Factor for Cancer Mortality.
Circulation. 2017
2. Eva B. Ostenfeld, Rune Erichsen, Lars Pedersen et. al.
Atrial Fibrillation as a Marker of Occult Cancer.
PLoS One. 2014
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.