Diareya (ishal)

Diareya (ishal) nazik və ya yoğun bağırsaqdakı funksiya pozuntusu nəticəsində qida maddələrinin sorulmasının azalmasıdır. Başqa sözlə, nəcisin gündə ikidən çox dəfə adi haldan sulu şəkildə xaric olmasıdır.

Aldığınız xərçəng müalicəsi ishalla nəticələnə bilər. Xüsusilə qarın nahiyənizdən radioterapiya alırsınızsa, diareya (ishal) daha ağır ola bilər.

Bu sulu nəcis müalicəyə başladıqdan bir-iki gün sonra yarana bilər. Diareya müalicə edilməzsə, halsızlığa, çəki və maye itkisinə səbəb olur.

Diareya ilə necə mübarizə aparılır?

• Az-az və tez-tez yeyin.
• Lif miqdarı az qidalar qəbul edin. Ağ çörək, ağ düyü, əriştə, banan, qabıqsız bişmiş və ya soyulmuş meyvə, yoqurt, yumurta, kartof püresi və ya sobada qabıqsız bişmiş kartof, tərəvəz püresi, dərisi çıxarılmış balıq və toyuq.
• Diareyaya bağlı maye itkisini qarşılamaq üçün bol maye qəbul edin (orta hesabla 2 litr qədər). Su, alma şirəsi və şorba kimi təmiz və şəffaf mayelər ən yaxşı nümunələrdir. Yavaş-yavaş için. İçdiyiniz mayenin otaq temperaturunda olmasına diqqət edin.
• İshalı artıracaq və spazm yaradacaq çox lifli qidalardan uzaq durun. Taxıl çörəyi, qarğıdalı lopaları, çiy tərəvəzlər, lobya, qoz, təzə və quru meyvələr yeməyin.
• Diareyanı artırırsa, süd və süd məhsulları qəbul etməyin.
• Qızardılmış və mövsümü olmayan qidalar yeməyin.
• Spirtdən və çay, qəhvə kimi kofeinli içkilərdən uzaq durun.

Tanınmış diareya (ishal) dərmanları

• Loperamide hydrochloride(Lopermid):
  Diareya başlayarsa, gündə 1 və ya 2 kapsul, maksimum 8 kapsul istifadə edə bilərsiniz. Loperamide mədə spazmlarına, qastritə, ağız quruluğuna, dəridə qızartıya, qəbizliyə və başağrısına səbəb ola bilər.
• Atropine sulphate et diphenoxylate hydrochloride(Lomotil):
  Gündə 3-4 dəfə 1 və ya 2 kapsul, maksimum 8 kapsul qəbul edə bilərsiniz. Bu dərman yuxululuq, başgicəllənmə, ağız quruluğu, dəridə qızartı, sidiyə çıxma çətinliyi, bulanıq görmə və depressiya yarada bilər.

Həkiminizlə danışmadan bu dərmanları istifadə etməyin!

Həkiminizə müraciət edin

• Bərk və ya qanlı nəcis
• 38°C və ya daha yüksək qızdırma
• Davam edən maye itkisi
• Başgicəllənmə
• Tünd sarı sidik

Yuxarıda göstərilən əlamət və şikayətləriniz olduqda vaxt itirmədən həkiminizə müraciət etməlisiniz. Həkiminizdən xəbərsiz heç vaxt özbaşına eşitdiyiniz tövsiyələri tətbiq etməyin. Həkiminiz lazımi müayinələri apararaq tədbir görəcəkdir.