Diş əti (periodontal) xəstəlikləri süd vəzi xərçəngi riskini artırırmı?

Amerika Xərçəng Araşdırma Cəmiyyətinin dərc etdiyi tədqiqat periodontal xəstəlikli postmenopauzal qadınlarda süd vəzi xərçəngi riskinin yüksək olduğunu və siqaretin bu riskə nəzərəçarpan təsir etdiyini göstərdi.

Əvvəllər süd vəzi xərçəngi olmayan 73,737 postmenopauzal (menopauzadan sonrakı dövr) qadın izlənmiş və siqaret vərdişinə görə təsnif edilmişdir.

İzlənən qadınların %26-sında periodontal xəstəlik tapılmışdır. Təxminən 7 il izləmədə 2124 qadın süd vəzi xərçənginə tutulmuşdur.

Araşdırmaçılara görə periodontal (diş əti) xəstəlikli qadınların süd vəzi xərçənginə tutulma riski %14 çoxdur.

Həm siqaret çəkən, həm periodontal xəstəliyi olanlarda risk %36-ya qədər artmışdır. Heç çəkməyən və ya 20 ildən əvvəl tərgidən qadınlarda isə risk artımı %6 və %8 olmuşdur.

Risk artımı ilə periodontal xəstəlik əlaqəsinin bir neçə mümkün izahı var. Biri periodontal xəstəliyin sistemik iltihab yaratmasıdır. Digəri bakteriyaların davamlı qan dövranına keçərək süd vəzi toxumasına təsir etməsidir. Lakin əlaqəni izah edən daha çox iş lazımdır.