Kakao və şokolad beyinə və yaddaşa yaxşı təsir edir

Kakao və şokoladın beynin idrak funksiyalarınayaxşı təsir etdiyi tapılmışdır. Bəs necə?
İdrak beynin düşünmə, problem həlli, dil, öyrənmə, məlumat saxlama və emal kimi qabiliyyətləri və zehni prosesləri üçün elmi termindir. Şokoladın bol ehtiva etdiyi flavonoidlər sayəsində neyroprotektiv, yəni beyin zədələrindən təbii qoruyucu təsirli olduğu düşünülür. Şokoladda, əslində kakaoda olan flavanol adlı bu maddə ürək, beyin və damar sağlamlığı üçün mühüm sayılır.
Frontiers in Nutritionjurnalında dərc edilmiş son tədqiqat kakaodakı flavanolun idrak funksiyalarına müsbət təsirlərindən danışır. Buna görə flavanol yaşa bağlı idrak funksiyalarını qoruyur, demensiya riskini azaldır, beynin 10 ildə idrak baxımından daha müsbət inkişafını təmin edə, yaşa görə daha yaxşı zehni fəaliyyətə imkan verə bilər. Kakao və şokoladın dolayı faydalarına ürək-damar sağlamlığını qorumaq da daxildir. Beləliklə beyin funksiyası və quruluşuna müsbət töhfə verir. Xüsusilə yaddaş və istiqamət tapmada mühüm hipokampı inkişaf etdirir. Tədqiqatçılar yaş artdıqca yaddaş, düşünmə və istiqamət tapma kimi idrak zəifləməsinə də yaxşı təsir etdiyini müdafiə edirlər.
Şokolada başqa tərəfdən baxdıqda xüsusilə südlü və ağ növlərdə yüksək yağ, kofein və şəkər sağlamlıq üçün diqqət tələb edir. Yağ və şəkər piylənmə riskini artırır, kofein isə stimullaşdırır. Buna görə flavanolla daha zəngin bitter, yəni tünd şokoladı gündəlik hərəkət və qidalanmanı nəzərə alaraq ölçülü yemək faydalıdır. Başqa seçim kakao tozundan şəkərsiz, az yağlı içkilərdir. Məsələn, evdə kakaolu süd daha sağlam alternativ ola bilər.
Nəticədə kakao və şokoladın idrak funksiyalarına faydaları araşdırılarkən sağlam və faydalı qida kimi düşünmə sürəti, yaddaş və diqqəti inkişaf etdirdiyi göstərilir. Cənubi Amerikanın qədim Maya və Aztek sivilizasiyalarından miras kakao dənələrindən alınan tozun və şokoladın gündəlik qidalanmada sağlam yerinin olması sevindirici xəbərdir.
Mənbələr
Enhancing Human Cognition with Cocoa Flavonoids.
Frontiers in Nutrition, 2017
Bu məqalə sizə faydalı oldu?
Rəyiniz məzmunumuzu yaxşılaşdırmağa kömək edir.





Oxucu şərhləri
Şərhinizi paylaşın
Adınız və şərhiniz yalnız administrator təsdiqindən sonra dərc olunur. E-poçt ünvanınız ziyarətçilərə heç vaxt göstərilmir.
İlk şərhi siz yazın.