Rapidarc ilə 3 ölçülü konformal radioterapiya

RapidArc, Həcmli intensivliyi tənzimlənən Arc müalicəsi (VMAT) deməkdir və görüntüləmə üsullarının rəhbərliyi ilə çox sürətli intensivliyi tənzimlənən radioterapiya aparan şüalandırma üsuludur. Cihaz ilk dəfə yanvar 2008-də ABŞ-da FDA təsdiqi aldıqdan sonra dünyada yaxşı onkoloji mərkəzlərdə geniş seçilməyə başlamışdır. RapidArc-da müalicə müddəti eyni işi görən cihazlardan nisbətən azdır. 2 dəqiqədən az görüntüalma müddətinə 2-3 dəqiqəlik şüalandırma əlavə edildikdə bütün gündəlik müalicə təxminən 4 dəqiqədə bitir. Cihazın xəstə ətrafında bir və ya daha çox dairəvi dövrü ilə şişin daha dəqiq və yüksək dozada şüalandırılması, qonşu normal toxumaların isə yüksək dərəcədə qorunması təmin edilir. Rapidarc-ın intensivliyi tənzimlənən radioterapiya aparan digər cihazlardan başqa üstünlüyü daha az monitor vahidi verməklə radioterapiyaya bağlı nadir ikincili xərçəng ehtimalını minimuma endirməsidir.

Rapidarc-ın seçilən xüsusiyyətləri

Özü də xətti sürətləndirici (LINAC) olan Rapidarc-ın xüsusiyyətlərini anlatmaq üçün son texnologiyalı digər xətti sürətləndiriciləri qısaca tanımaq lazımdır. Son illərdə radioterapiyada standart istifadə edilən xətti sürətləndiricilərin yaratdığı rentgen şüaları müəyyən müalicə planı ilə xəstə nahiyəyə tətbiq olunur.

Klassik radioterapiya cihazlarında xəstələr bu qədər uzun hərəkətsiz yatmaqda çətinlik çəkirlər. Xüsusilə müalicə yan təsirləri artdıqca hərəkətsiz yatmaq çətinləşir, seansda ağrı və öskürəyə görə orqan hərəkətləri tətbiqi çətinləşdirə bilər. Uşaqlarda da belədir. Bu hallarda Rapidarc qısa müalicə müddəti ilə xəstənin rahatlığını artıra bilir.

Tətbiq necə aparılır?

Xəstə cihazın yataq hissəsinə uzanır. Cihazın hərəkətli hissəsi xəstə ətrafında dönərkən şüalandırma aparılır. Xəstənin hərəkət etməsinə fürsət vermədən şüalandırma tamamlanır.

Hansı xərçəng növlərində istifadə edilir?

Bu texnologiya bütün xərçəng növlərində və radioterapiya alan bütün xəstələrdə istifadə edilə bilər.