Venetoclax

11 aprel 2016 tarixində FDA-dan təsdiq alan Venetoclax (Venclexta®) əvvəllər müalicə almış xroniki limfositar leykemiyalı bəzi xəstələrdə (17p delesiyalı – 17.xromosomda qüsurlu) istifadə olunur. Xroniki limfositar leykemiya (KLL) bədənimizin müdafiə hüceyrələri olan ağ qan hüceyrələrinin alt növü limfositlərdən qaynaqlanan qan və sümük iliyi xərçəngi növüdür. Ən çox rast gəlinən xroniki leykemiya tipidir. Venetoclax təsirini Bcl-2 adlı zülal vasitəsilə göstərir. Bcl-2 hüceyrə ölümünün (apoptoz) tənzimlənməsində təsirli olan mühüm zülaldır. Venetoclax Bcl-2-nin işləməsinin qarşısını alaraq xərçəng hüceyrələrinin ölməsini, məhv edilməsini təmin edir. Ən çox görülən yan təsirləri ağ qan hüceyrələrinin sayının azalması (neytropeniya), ishal, ürəkbulanma, qanazlığı, yuxarı tənəffüs yolu infeksiyası və yorğunluq kimi sadalana bilər.