Nivolumab - Opdivo

17 may 2016 tarixində FDA təsdiqi alan Nivolumab (Opdivo®) təkrarlamış və ya autoloji hematopoetik kök hüceyrə transplantasiyasından (şəxsin öz qan yaradan hüceyrələrinin yenidən özünə köçürülməsi) sonra irəliləmiş klassik Hodgkin limfomalı xəstələrdə istifadə olunmağa başlanmışdır.

Hodgkin limfoması limfa düyünlərində başlayan immun sistemi xərçəngidir. PD 1 molekulu immun sisteminin elementi olan T hüceyrəsindəki PD 1 reseptoruna bağlandıqda həm T hüceyrəsinin çoxalmasının, həm də sitokin adlı xərçənglə mübarizə aparan molekulların istehsalının qarşısını alır. Bu yolla xərçəng hüceyrəsi uzun müddət sayını artırır və xəstəlik irəliləmiş mərhələlərə keçə bilir.

Nivolumab da PD L1 molekuluna bağlanaraq onun T hüceyrəsi üzərində yerləşən reseptoruna bağlanmasının qarşısını alır. Beləliklə, müdafiə sistemimiz daha fəal işləyə və xərçəng hüceyrələrini məhv edə bilir. Ən çox görülən yan təsirləri gücsüzlük, öskürək, ürəkbulanma, istilik səpgisi, nəfəs almaqda çətinlik, ishal və qəbizlik kimi sadalana bilər.