Xərçəng artıq zəngin ölkələrdə əsas ölüm səbəbidir

Ürək-damar xəstəlikləri, uzun illər ərzində ölüm səbəbləri arasında birinci yerdə olub. Bununla yanaşı, yeni qlobal tədqiqat ən yüksək gəlirli ölkələrdə xərçəngin ölümə səbəb olma ehtimalının ürək-damar xəstəlikləri ilə müqayisədə 2 dəfə çox olduğunu göstərdi.
Amerikada ürək-damar xəstəlikləri ənənəvi olaraq həm qadınlarda, həm də kişilərdə əsas ölüm səbəbidir. Bu gün də hər 4 ölümdən 1-inə səbəb olur. Nəticələri The Lancet adlı nüfuzlu tibb jurnalında dərc olunan tədqiqata görə isə xərçəng zəngin cəmiyyətlərdə birinci yerə çıxıb.
Bunun əsas səbəbi kimi ürək-damar xəstəlikləri amillərinin daha yaxşı nəzarət altına alına bilməsi göstərilir. Tədqiqata görə, yüksək gəlirli ölkələrdə orta yaşlı insanlar arasında ölümlərin %55-inə xərçəngin, %23-ünə isə ürək xəstəliklərinin səbəb olduğu müəyyən edilib.
Tədqiqatçılar araşdırmalarını beş qitədə 21 ölkədə aparıblar. 9 il yarım ərzində 35-70 yaş aralığında olan 162,534 yetkin insan izlənilib.
Araşdırılan ölkələr bunlardır;
- Yüksək gəlirli ölkələr: Kanada, Səudiyyə Ərəbistanı, İsveç və Birləşmiş Ərəb Əmirlikləri
- Orta gəlirli ölkələr: Argentina, Braziliya, Çili, Çin, Kolumbiya, İran, Malayziya, Fələstin, Filippin, Polşa, Türkiyə və Cənubi Afrika
- Aşağı gəlirli ölkələr: Banqladeş, Hindistan, Pakistan, Tanzaniya və Zimbabve
Təzyiqə, xolesterinə və ürək-damar xəstəliklərinə daha çox diqqət yetirilməsi, yəni ürək xəstəliklərinin qarşısını almaq və müalicə etmək səylərinin bu qədər artması nəticəsində yüksək gəlirli ölkələrdə ölüm səbəbi kimi xərçəng ürək xəstəliklərinin 2 qatına çatıb. Ürək xəstəliyi yüksək gəlirli ölkələrdə artıq ən böyük ölüm səbəbi olmasa da, bütün dünyada ən geniş yayılmış ölüm səbəbi olaraq qalır.
Nəticədə; yüksək gəlirli ölkələrdə ölümlərin %55-inə xərçəngin, %23-ünə isə ürək xəstəliklərinin səbəb olduğu görüldüyü halda, xərçəng orta gəlirli ölkələrdə ölümlərin %30-una, aşağı gəlirli ölkələrdə isə %15-inə səbəb olur.
Bundan əlavə, bu tədqiqat dünyadakı müxtəlif cəmiyyətləri eyni standartlarla müqayisə etməyə imkan verməsi baxımından da dəyərli məlumat təqdim edir.
Bəs yüksək gəlirli ölkələrdə ürək xəstəlikləri azalarkən xərçəng göstəriciləri necədir?
2018-ci il ABŞ Xərçəng Statistikası İcmalının (SEER) rəqəmlərinə görə, 1991 və 2015-ci illər arasındakı dövrdə Amerikada xərçəngə bağlı ölümlər %26 azalıb.
Bu azalmaya baxmayaraq, görüləsi çox iş var. Siqaret çəkənlərin sayı azalarkən piylənmənin artması və əhalinin yaşlanması xərçəng statistikasını yenidən formalaşdıracaq və tədbir görülməli məsələlərdir.
Mənbələr
Bu məqalə sizə faydalı oldu?
Rəyiniz məzmunumuzu yaxşılaşdırmağa kömək edir.





Oxucu şərhləri
Şərhinizi paylaşın
Adınız və şərhiniz yalnız administrator təsdiqindən sonra dərc olunur. E-poçt ünvanınız ziyarətçilərə heç vaxt göstərilmir.
İlk şərhi siz yazın.