Xərçəng Məktəbi Beynəlxalq Platformada Fəaliyyətini Davam etdirir..

Memorial Sağlamlıq Qrupunun Antalya Onkologiya Mərkəzinin rəhbəri, tibbi onkoloq Prof. Dr. Mustafa Özdoğan və həmkarlarının Türkiyədə bir ilkə imza ataraq xərçəng xəstəliyi ilə bağlı ictimai maarifləndirməni artırmaq məqsədilə təşkil etdikləri xərçəng məktəblərinin yenisi 13 may 2014 tarixində Tatarıstanın paytaxtı Kazanda keçirildi.

Xərçəng məktəbi inkişaf edən texnologiya və son illərdə aparılmış saysız-hesabsız tədqiqatların nəticəsində bir çox xərçəng növünün erkən diaqnozla müalicə edilə bildiyini izah edir. Erkən diaqnoz üçün cəmiyyətdə xərçənglə bağlı məlumatlılığı artırmağı qarşısına məqsəd qoyan xərçəng məktəbi, bu xəstəliyin sağlam qidalanma, idmanla məşğul olmaq vərdişi və müntəzəm həkim müayinələri ilə qarşısının alına biləcəyini aşılamağı hədəfləyir.

Bu məqsədlə maarifləndirmə fəaliyyətini davam etdirən Memorial Sağlamlıq Qrupunun Antalya Onkologiya Mərkəzinin rəhbəri, tibbi onkoloq Prof. Dr. Mustafa Özdoğan və Hematologiya və Kök Hüceyrə Müalicəsi Bölümünün rəhbəri, hematoloq Prof. Dr. İhsan Karadoğan Tatarıstanın paytaxtı Kazanda Memorial Sağlamlıq Qrupunun Kazan ofisinin təşkil etdiyi “Kazan Xərçəng Məktəbi”ndə məruzəçi kimi iştirak etdilər.

Konfransda xərçəng və qan xərçəngləri haqqında məlumat verən hematoloq Prof. Dr. İhsan Karadoğan əsas xərçəng müalicələri və sümük iliyi transplantasiyası haqqında iştirakçıları məlumatlandırdı. Digər tərəfdən, xərçəngin Tatarıstanda və dünyada yayılmasına toxunan tibbi onkoloq Prof. Dr. Mustafa Özdoğan siqaretlə xərçəng arasındakı yaxın əlaqəyə diqqət çəkdi. Xərçəngin erkən mərhələdə diaqnoz edilməsi üçün bilinməsi vacib olanlar barədə məlumat verən Prof. Dr. Özdoğan xərçəngin erkən mərhələdə aşkar edildikdə qarşısı alına bilən xəstəlik olduğunu vurğuladı.

Mümkün qədər çox insana çataraq xərçəngin artıq qorxulacaq bir xəstəlik olmadığını izah etməyi qarşısına məqsəd qoyan və bu məqsədinə çatan xərçəng məktəbinin növbəti tədbiri Antalya Böyükşəhər Bələdiyyəsi və Medstar Xərçəng Mərkəzinin əməkdaşlığı ilə 25 may 2014, bazar günü “Xərçəngdə innovativ müalicələr” mövzusunda keçiriləcək toplantı ilə davam edəcək. Xərçəng müalicəsindəki inkişafların və yeni müalicə üsullarının izah ediləcəyi bu mühüm toplantımızda iştirakınızla sizi də aramızda görməkdən məmnun olacağımızı bilməyinizi istərdik.

Unutmayın! Məlumat paylaşdıqca çoxalır..