Xərçəng müalicəsi zamanı kömək edə biləcək 10 əşya

Xərçəng müalicəsi alarkən bəzi tibbi ləvazimat və əşyalar həyatınızı asanlaşdıra bilər.

1- Hamam kətili

Müalicələrin yan təsirlərindən biri halsızlıq və yorğunluqdur. Çimərkən 10 dəqiqə ayaq üstə dayanıb enerji sərf etmək çox çətin gələ bilər. Hamam kətili və ya stulu çox az enerjiniz olduğunu hiss etdikdə çimməyinizi asanlaşdırır.

2- Ədyal

Radioterapiya və ya digər xərçəng müalicələri dərini həssaslaşdırır. Onsuz da həssas olan dərini sərt və ya batan ədyallar pis qıcıqlandıra bilər. Buna görə kifayət qədər isti saxlayacaq təmiz və yumşaq ədyal çox işinizə yaraya bilər.

3- Şişmə saç yuma hovuzu

Xüsusilə yataqda müalicə alan xəstələrin işini asanlaşdıra bilən məhsuldur. Şişirdilə bilən kiçik vanna kimi, xəstə uzanarkən başını söykəyərək saç yuma işi xəstənin yaxını tərəfindən asanlıqla həyata keçirilə bilər.

4- Birdəfəlik bezlər

Kağız dəsmal, nəm salfet kimi materiallar xəstənin yeməkdən əvvəl və sonra, qusduqda və tualet ehtiyacları kimi yuyuna bilməyəcəyi hallarda olduqca lazımlı məhsullardır. Toplu alıb uzun müddət istifadə edə bilərsiniz.

5- Həb əzən

Dərmanların asanlıqla əzilib mayeyə qarışdırılaraq qəbul edilməsini asanlaşdırır. Udma çətinliyi və ağız quruluğu kimi yan təsirlər yaşayan xəstələr üçün faydalı ola bilər. Lakin həblərin əzilməsi bəzən təsirini dəyişə bilər; ehtiyat üçün hansı həbləri əzərək istifadə edə biləcəyinizi həkiminizdən və ya onkologiya əczaçısından soruşmalısınız.

6- Su qabları

Borucuğu və ya asan içilən ağızlığı ilə su içmək üçün dik dayanmağınız və ya yataqdan qalxmağınız lazım gəlmir. Bunu adi su şüşəsinə borucuq qoyaraq özünüz də hazırlaya bilərsiniz.

7- Yataq sinisi

Yataq siniləri yataqda olan xəstələr üçün həyatı asanlaşdıran məhsullardır. Yemək yeyərkən, içərkən, qəzet, kitab oxuyarkən, hətta oyun oynamaq üçün olduqca faydalıdır.

8- Susuz təmizləyici

Bəzən çox yorğun və ya əməliyyat olunmuş halda ağrı çəkə bilərsiniz. Bu hallarda əlüzyuyana getmək çətin gələ bilər. Durulama tələb etməyən təmizləyici gel və ya məhlulları çətin hallarda istifadə edə bilərsiniz. Unutmaq olmaz ki, su və sabunu başqa təmizləyicilər əvəz edə bilməz.

9- Tənzimlənən xəstə çarpayısı

Həm rahatdır, həm də pultla uzanma və ya oturma vəziyyətinə keçə bilərsiniz. Bir çox xəstə üçün lazım deyil, lakin uzun müddət yatmalı olan xəstələrə kömək edə bilər.

10- Kompozit qab dəsti

Bəzi kimyaterapiyalar ishal yarada bilər. Xəstələrin tualetə çata bilməyəcəyi qədər təcili hallar ola bilər. Yataqda olan bütün xəstələr üçün vacib ləvazimatdır.