4. სტადიის ან განმეორებული თავისა და კისრის კიბოში იმუნოთერაპიულმა პემბროლიზუმაბმა FDA-ს დამტკიცება მიიღო

ამერიკის სურსათისა და წამლის ადმინისტრაციამ (FDA) 5 აგვისტოს თავისა და კისრის კიბოს სამკურნალოდ იმუნოთერაპიული პემბროლიზუმაბის (Keytruda) გამოყენება დაამტკიცა. თავისა და კისრის კიბოს (BBK) ყველაზე ხშირი უჯრედული ტიპი ბრტყელუჯრედოვანი კარცინომაა და ყველაზე ხშირად ჰაერთან შეხებაში მყოფ უბნებში მდებარეობს, მაგალითად პირში, ხახასა და ხორხში. პემბროლიზუმაბი დამტკიცდა განმეორებული ან გავრცელებული (მეტასტაზური = 4. სტადია) ბრტყელუჯრედოვანი BBK-სთვის, რომელიც პლატინაზე დაფუძნებული ქიმიოთერაპიის დროს ან მის შემდეგ გაუარესდა.

კიბოში იმუნოთერაპიული წამლების გამოყენება ყოველდღიურად ფართოვდება. პირველად 2014 წელს კანის კიბოს ერთ-ერთ ტიპში, მელანომაშიდამტკიცებული წამლები შემდეგ, თანმიმდევრულად, ფილტვის კიბოში, თირკმლის კიბოში, ჰოჯკინის ლიმფომაში, შარდის ბუშტის კიბოში და ბოლოს თავისა და კისრის კიბოებშიდამტკიცდა. ამჟამად სოლიდური ორგანოების კიბოსთვის გამოყენების ნებართვა 4 იმუნოთერაპიულ წამალს აქვს: იპილიმუმაბს (Yervoy), ნივოლუმაბს (Opdivo), პემბროლიზუმაბს (Keytruda) და ატეზოლიზუმაბს (Tecentriq).

პემბროლიზუმაბის თავისა და კისრის კიბოსთვის დამტკიცების საფუძველ კვლევაში BBK-ის მქონე 174 პაციენტი ჩაერთო. დოზა განისაზღვრა ყოველ 2 კვირაში 10 mg/kg-ით ან ყოველ 3 კვირაში 200 mg-ით. პაციენტების %16-ში მნიშვნელოვანი პასუხი მიიღეს (ობიექტური პასუხის მაჩვენებელი = objective response rate). კარგი პასუხის მქონე 28 პაციენტიდან 23-ში იგი 6 თვე ან მეტხანს გაგრძელდა, 27.7 თვემდე.

მკურნალობასთან დაკავშირებული ყველაზე ხშირი გვერდითი მოვლენები იყო სისუსტე, უმადობა, სუნთქვის გაძნელება (დისპნოე) და ჰიპოთირეოზი.

თუმცა თავისა და კისრის კიბოში ახალი წამლების არანაკლებ მნიშვნელოვანი ფაქტორი გამოცდილი მულტიდისციპლინური გუნდის მიდგომაა! მისი უპირატესობა დამტკიცებულია ფართო RTOG 0129 (რადიაციული თერაპიის ონკოლოგიური ჯგუფის) კვლევით. კვლევის მიხედვით, ცენტრებში, რომლებიც თავისა და კისრის კიბოს კლინიკურ კვლევებში ხშირად მონაწილეობდა, 5-წლიანი საერთო გადარჩენა %69 იყო, ნაკლებად გამოცდილ ცენტრებში კი — %51.