ახალმა მოლეკულამ YS-ON-001 პანკრეასის კიბოს მკურნალობისთვის ყურადღება მიიპყრო

26 თებერვალს 2018 წელს აშშ-ის სურსათისა და წამლის ადმინისტრაციის (FDA) მიერ პანკრეასის კიბოს სამკურნალოდ განსხვავებული, ახალი თაობის იმუნოთერაპიული აგენტის, YS-ON-001 მოლეკულის მხარდაჭერა გამოცხადდა.
პანკრეასის კიბოყველაზე ხშირი კიბოების რიცხვში არ შედის, თუმცა სიკვდილიანობით 5. ადგილზეა. ბოლო 50 წელიწადში ჯერ მიზნობრივი ჭკვიანი წამლების , შემდეგ იმუნოთერაპიის აღმოჩენამ მრავალი კიბოს დროს სიცოცხლის ხანგრძლივობა მნიშვნელოვნად გააუმჯობესა, თუმცა პანკრეასის კიბოს მკურნალობაზე ეს ნაკლებად აისახა. მთავარი მიზეზებია ორგანოს მდებარეობა და კიბოს ძალიან რთული სიმსივნური მიკროგარემო. ამიტომ მის მკურნალობაში ნებისმიერი წინსვლა განსაკუთრებით მნიშვნელოვანია.
YS-ON-001 იმუნური სისტემის რეგულირებისთვის (იმუნომოდულაციისთვის) შექმნილი ბიოლოგიური პროდუქტია. იმუნურ სისტემაზე მოქმედების ფართო სპექტრი აქვს.
YS-ON-001 იმუნოთერაპიული პროდუქტია, რომელიც მიკროგარემოს მრავალი მოქმედებით ცვლის: ასტიმულირებს იმუნური სისტემის მიერ სიმსივნის წინააღმდეგ წარმოქმნილ სპეციალურ ნივთიერებებს (სიმსივნის საწინააღმდეგო ციტოკინებს), ააქტიურებს ბუნებრივ მკვლელ უჯრედებს, არეგულირებს მაკროფაგებს და თრგუნავს მარეგულირებელ T-უჯრედებს.
ფიქრობენ, რომ აგენტს ცალკე ან ქიმიოთერაპიასთან, მიზნობრივ მკურნალობასა და სხვა იმუნოთერაპიასთან კომბინაციის პოტენციალი აქვს.
YS-ON-001-მა ცხოველთა კვლევებში ეფექტიანობა აჩვენა ძუძუს, ფილტვის, ღვიძლის, პანკრეასისა და სხვა ორგანოების სიმსივნეებში. ცხოველებზე ტოქსიკოლოგიურმა კვლევებმაც უსაფრთხოების კარგი პროფილი აჩვენა.
სხვა თემები, რომლებიც შეიძლება დაგაინტერესოთ:
- FOLFIRINOX ქიმიოთერაპიის სქემა — პანკრეასის კიბოს მკურნალობა
- შეიძლება დიაბეტის განვითარება ან სწრაფი გაუარესება პანკრეასის კიბოს ადრეული ნიშანი იყოს?
- არამეტასტაზური, არაოპერაბელური (ადგილობრივად გავრცელებული) პანკრეასის კიბოს კომბინირებული მკურნალობა: ქიმიოთერაპია, რადიოთერაპია, ქირურგია და Nanoknife
- პირის ღრუს გარკვეული ბაქტერიები პანკრეასის კიბოს რისკს დაუკავშირეს
წყაროები
By The ASCO Post
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.