camrelizumab და apatinib შორსწასული საშვილოსნოს ყელის კიბოს მკურნალობაში

შორსწასული და მანამდე მკურნალობის მრავალი ხაზის მიმღები საშვილოსნოს ყელის კიბოს მქონე ქალთა სამკურნალოდ ახალი იმუნოთერაპიისanti-PD-1 ანტისხეულის camrelizumab და ანტიანგიოგენური (VEGFR ინჰიბიტორი) apatinib კომბინაციის დადებითი შედეგები Journal of Clinical Oncology-ში გამოქვეყნებულ II ფაზის CLAP კვლევაში აღწერეს.
იმუნოთერაპია და მიზნობრივი წამალი საშვილოსნოს ყელის კიბოში
ჩინეთში ჩატარებულ მრავალცენტრიან კვლევაში მონაწილეობდა სულ მცირე 1 ხაზის სისტემური მკურნალობის შემდეგ პროგრესირებული კიბოს 45 პაციენტი. ისინი 2019 წლის იანვრიდან აგვისტომდე ჩაერთნენ და 4-კვირიან ციკლებში ყოველ 2 კვირაში 200 mg camrelizumab-სა და დღეში ერთხელ 250 mg apatinib-ს მაქსიმუმ 24 თვე იღებდნენ. ეფექტიანობის ანალიზში შეფასებადი შედეგების მქონე 41 პაციენტი შევიდა.
კვლევის პირველადი საბოლოო წერტილი ობიექტური პასუხის მაჩვენებელიიყო. პაციენტთა %57,8-ს რეციდივირებული ან მეტასტაზური დაავადებისთვის ორი ან მეტი ხაზი ქიმიოთერაპია ჰქონდა მიღებული და %67-ს PD-L1 დადებითი დაავადება ჰქონდა.
შედეგები
- დაკვირვების მედიანა 11,3 თვე იყო.
- 45 პაციენტიდან 25-ში (%55,6) ობიექტური პასუხი გამოვლინდა, მათ შორის 2-ში (%4,4) სრული პასუხი. დამატებით 12-ს (%26,7) სტაბილური დაავადება ჰქონდა და კონტროლის მაჩვენებელი %82,2 იყო.
- შეფასებად 41 პაციენტიდან 25-ში (%61) ობიექტური პასუხი გამოვლინდა.
- რადგან ნახევარზე მეტი პასუხს აგრძელებდა, პასუხის მედიანურ ხანგრძლივობას ვერ მიაღწიეს.
- ანალიზისას 25 პასუხიდან 16 გრძელდებოდა და ამ პირთა %71,5-ში პასუხი 6 თვე ან მეტი იყო; %66,8-ში კი ≥ 12 თვე გაგრძელდა.
- მედიანური პროგრესირების გარეშე გადარჩენა 8,8 თვე იყო, ხოლო 6-თვიანი მაჩვენებელი %57.
- გადარჩენის საერთო მედიანას ვერ მიაღწიეს, თუმცა 9-თვიანი საერთო გადარჩენა %69,2 იყო.
- PD-L1 დადებით და PD-L1 უარყოფით სიმსივნეებში ობიექტური პასუხი %69 და %50 იყო, სტატისტიკური განსხვავების გარეშე.
- ბრტყელუჯრედოვანი კარცინომის 30 პაციენტში პასუხი %77,8 იყო, ადენოკარცინომის 15 პაციენტში კი %28,6.
გვერდითი ეფექტები
- პაციენტთა %71,1-ში მკურნალობასთან დაკავშირებული მე-3 ან მე-4 ხარისხის მძიმე ეფექტები გამოვლინდა.
- ყველაზე ხშირი იყო ჰიპერტენზია (%24,4), ანემია (%20) და დაღლილობა (%15,6).
- მკურნალობასთან დაკავშირებული სერიოზული მოვლენები 4 პაციენტში (%8,9) იყო; 2-ში გამონაყარი, ერთში პნევმონია და ერთში ნეიტროპენია, ანემია და თრომბოციტოპენია. გვერდითმა ეფექტებმა სამ პაციენტში (% 6.7) შეწყვეტა გამოიწვია. მკურნალობით გამოწვეული სიკვდილი არ დაფიქსირებულა.
- სავარაუდო იმუნოთერაპიასთან დაკავშირებული ყველაზე ხშირი ეფექტები იყო 1-ლი ან მე-2 ხარისხის ჰიპოთირეოზი (%22,2) და რეაქტიული კანის კაპილარული ენდოთელური პროლიფერაცია (%8,9).
დასკვნის სახით camrelizumab-სა და apatinib-ს შორსწასული საშვილოსნოს ყელის კიბოში იმედისმომცემი სიმსივნის საწინააღმდეგო აქტივობა და მართვადი გვერდითი ეფექტები ჰქონდა. დასადასტურებლად უფრო დიდი რანდომიზებული კონტროლირებული კვლევები აუცილებლად მოჰყვება.
*
დაკავშირებული თემა
გაირკვა, რამდენად ამცირებს HPV ვაქცინა საშვილოსნოს ყელის კიბოს რისკს
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.