ჩასახვის საწინააღმდეგო აბები — პერორალური კონტრაცეპტივები და კიბოს რისკი

ჩასახვის საწინააღმდეგო აბები, სამედიცინო ენაზე პერორალური კონტრაცეპტივები, მნიშვნელოვანი წამლებია, რომლებსაც ბოლო 50 წელია მილიონობით ქალი იყენებს. ორსულობის პრევენციის გარდა, გამოიყენება ციკლის დარღვევის, ჭარბი სისხლდენის თავიდან ასაცილებლად, წინამენსტრუალური ჩივილების შესამცირებლად და საკვერცხის კისტების სამკურნალოდ. თუმცა ესტროგენისა და პროგესტერონის ჰორმონების შემცველობის გამო ხანგრძლივი მიღების სარგებელთან ერთად კიბოსთან კავშირი მუდმივად განიხილება.

მომხმარებელ ქალებს აწუხებთ კითხვები: პერორალური კონტრაცეპტივები კიბოს იწვევს? წარსულში დიდხანს ვიყენებდი, რისკი მომემატა? ამ კითხვებს პასუხობს ახლახან გამოცხადებული მეტად მნიშვნელოვანი კვლევა. დიდ ბრიტანეთში 1968-69 წლებში დაწყებული, 44 წლის განმავლობაში დაახლოებით 46 ათას ქალზე ჩატარებული კვლევა აბების ხანგრძლივი მიღების სარგებელს, კიბოს რისკსა და საერთო სიცოცხლეზე გავლენას სწავლობდა.

შესაბამისად, აბების მომხმარებელ ქალებში;

• კიბოს საერთო რისკი არამომხმარებლების ტოლი (ან ოდნავ ნაკლები) იყო,
• საკვერცხის კიბოს რისკი % 33-ით ნაკლები,
• საშვილოსნოს კიბოს რისკი % 34-ით ნაკლები,
• მსხვილი ნაწლავის კიბოს რისკი % 19-ით ნაკლები,
• სისხლიდან და ძვლის ტვინიდან წარმოშობილი ჰემატოლოგიური კიბოების რისკი % 26-ით ნაკლები აღმოჩნდა.
• ძუძუს კიბოსა და საშვილოსნოს ყელისკიბოს (ცერვიქსის) რისკი გამოყენებისას მატულობდა და შეწყვეტიდან კიდევ 5 წელი გრძელდებოდა, ხოლო 5 წლის შემდეგ არამომხმარებლებს უტოლდებოდა და
• ფილტვის კიბოს რისკი არამომხმარებლების მსგავსი იყო (სავარაუდოდ, ორივე ჯგუფში ასაკისა და მოწევის გამო მატულობდა).

აბების მომხმარებლებში მოგვიანებით ახალი კიბოს რისკების წარმოქმნის მტკიცებულება არ გამოვლინდა. შეწყვეტის შემდეგაც შეიძლება წლების განმავლობაში დაიცვას მსხვილი ნაწლავის, საშვილოსნოსა და საკვერცხის კიბოსგან; ნაწლავისა და საკვერცხისთვის შესაძლოა 35 წელზე მეტხანსაც.

დაახლოებით 1.3 მილიონი ქალის მონაცემების აღმრიცხველ ამ დიდ და ხანგრძლივ კვლევას მოწევაზე დაკვირვების გარდა გარკვეული ნაკლიც ჰქონდა. მაგალითად, 50 წლის წინანდელი კონტრაცეპტივების შემადგენლობა დღემდე იცვლებოდა, ხოლო კვება, ფიზიკური ვარჯიში, წონა და ალკოჰოლი გათვალისწინებული არ იყო. მიუხედავად ამისა, იმედისმომცემია მონაცემები, რომ შემადგენლობის ცვლილების პირობებშიც ხანგრძლივი მიღება საერთო კიბოს რისკს არ ზრდის და გრძელვადიანად, ხანდაზმულობაში ზოგი კიბოსგან შეიძლება დაიცვას.