ენდოსკოპი 1954 – მოგზაურობა სხეულის სიღრმეში
ენდოსკოპი მილის მსგავსი მოწყობილობაა, რომელსაც ექიმები სხეულის შიგნით დასათვალიერებლად იყენებენ. ენდოსკოპები ოპტიკურ-ბოჭკოვანი სისტემის სინათლით შესასწავლ ქსოვილს ანათებს და გამოსახულებას დამკვირვებელს უბრუნებს. მილის სხვა არხი ექიმს სამედიცინო ინსტრუმენტების შეყვანის საშუალებას აძლევს, მაგალითად, ქსოვილის ნიმუშის ასაღებად საჭრელი ინსტრუმენტების ან სისხლდენის შესაჩერებლად მოწვის (გაცხელების) ხელსაწყოების.
დღეს მრავალი სპეციალური ენდოსკოპი არსებობს;
- კოლონოსკოპები მსხვილი ნაწლავის შესასწავლად
- ბრონქოსკოპები ქვედა სასუნთქი გზებისთვის
- ცისტოსკოპები საშარდე გზებისთვის
ზოგჯერ ენდოსკოპები ლაპაროსკოპიის ან ართროსკოპიის დროს მცირე ჭრილობებით შეჰყავთ სხეულში.
1806 წელს გერმანელმა ექიმმა Philipp Bozzini-მ სხეულის "არხებსა და ღრუებში" სინათლის მისამართად (მაგალითად, პირსა და სწორ ნაწლავში) მილის, სარკისა და სანთლის სისტემა შექმნა, რომელიც სინათლეს თვალისკენ აბრუნებდა. ვენის სამედიცინო საზოგადოებამ იგი "ზედმეტი ცნობისმოყვარეობის" გამო გაკიცხა.
1954 წელს ბრიტანელმა ფიზიკოსმა Harold Hopkins-მა ბოჭკოვან-ოპტიკური ენდოსკოპები დააპროექტა, რომლებშიც სინათლის გადასაცემად მოქნილი მინის ბოჭკოების წყება გამოიყენებოდა.
სამხრეთაფრიკელმა ექიმმა Basil Hirschowitz-მა და მისმა კოლეგამ Larry Curtiss-მა განათებისა და გამოსახულების ხარისხის გაუმჯობესებით მუშაობა განაგრძეს. Hirschowitz-მა ადგილობრივი ანესთეზიის გარეშე ჩაყლაპა “საკმაოდ სქელი, საშიში, მაგრამ მოქნილი ჯოხი”, რამდენიმე დღის შემდეგ კი თავისი მოწყობილობა თორმეტგოჯა ნაწლავის წყლულის მქონე პირველ პაციენტზე გამოიყენა.
ექიმი James Le Fanu ამბობს, "Hopkins-ის ბოჭკოვან-ოპტიკურმა დიზაინმა სამედიცინო პრაქტიკა შეცვალა. მან ექიმებს საშუალება მისცა, ადრე შეუსწავლელ ადგილებში უფრო შორს და ღრმად შეეღწიათ.”
დღეს პატარა ციფრული კამერები გამოსახულებებს უსადენოდ გადასცემს ჩაყლაპული კაფსულიდან, რასაც კაფსულური ენდოსკოპია ეწოდება (მუხტის შემგროვებელი მოწყობილობა ან CCD) ვიდეოენდოსკოპში გამოიყენება. ენდოსკოპიური ულტრასონოგრაფიის დროს ქსოვილის სტრუქტურების გამოსასახავად ულტრაბგერა გამოიყენება.
სტატიაში ნახსენები ისტორიული პირები: Philipp Bozzini (1773 –1809), Harold Horace Hopkins (1918 – 1994), Basil Isaac Hirschowitz (დაბ. 1925)
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.