FDA-მ 4. სტადიის თირკმლის კიბოსთვის ლენვატინიბის ევეროლიმუსთან ერთად გამოყენება დაამტკიცა

ამერიკის სურსათისა და წამლის ადმინისტრაციამ (FDA) კინაზის ინჰიბიტორი ლენვატინიბი 4. სტადიის (მეტასტაზური) თირკმლის კიბოს სამკურნალოდ დაამტკიცა. ახალი პრეპარატის ევეროლიმუსთან კომბინირებული გამოყენებაა გათვალისწინებული თირკმლის კიბოს პაციენტებში, რომლებსაც მანამდე ანტიანგიოგენური მკურნალობის 1 ხაზი ჰქონდათ მიღებული.

პრეპარატის გამოყენება დამტკიცდა კვლევის შედეგად, რომელიც შორსწასული თირკმლის კიბოს მქონე 153 პაციენტს მოიცავდა. ისინი 3 ჯგუფად დაყვეს;

1. ჯგუფს ლენვატინიბთან ერთად ევეროლიმუსი,
2. ჯგუფს მხოლოდ ლენვატინიბი,
3. ჯგუფს კი მხოლოდ ევეროლიმუსი მიეცა.

კვლევის დროს პაციენტთა % 95-ს სხვადასხვა მეტასტაზი ჰქონდა.

კვლევის შედეგების მიხედვით;

• ლენვატინიბისა და ევეროლიმუსის მიმღები ჯგუფის პროგრესირების გარეშე გადარჩენის ხანგრძლივობა (დაავადების გაუარესების გამოვლენამდე გასული დრო) 14,6 თვე იყო, მხოლოდ ევეროლიმუსის ჯგუფში კი 5,5 თვე.
• ლენვატინიბისა და ევეროლიმუსის ჯგუფის მედიანური საერთო გადარჩენის ხანგრძლივობა 25,5 თვე აღმოჩნდა, მხოლოდ ევეროლიმუსის მიმღებებში კი 15,4 თვე.

მკურნალობის უსაფრთხოების შეფასებისას ყველაზე ხშირი მძიმე გვერდითი მოვლენები იყო დიარეა, სისუსტე, ჰიპერტენზია და თირკმლის უკმარისობა.

ორივე პრეპარატი პერორალურად, აბის სახით მიიღება და რეკომენდებული დღიური დოზაა ლენვატინიბისთვის 18 mg, ევეროლიმუსისთვის 5 mg.

ძვირფასო მკითხველებო, ახალი პრეპარატი ამჟამად მხოლოდ ამერიკაშია დამტკიცებული. თუ ამ დადებით შედეგებს უფრო მეტი კვლევა დაადასტურებს, სავარაუდოა, რომ მომავალ პერიოდში მკურნალობა ჩვენს ქვეყანაშიც დამტკიცდება.