FDA-ს მიერ IQOS-ის სახელწოდების ელექტრონული სიგარეტის (დაბალ ტემპერატურაზე მწველი თამბაქოს პროდუქტის) გაყიდვის ნებართვის შესახებ

07 ივლისს 2020 წელს აშშ-ის სურსათისა და წამლის ადმინისტრაციამ (FDA) IQOS-ის სახელწოდების ელექტრონული სიგარეტის ბრენდის გაყიდვაზე „ნებართვის გაცემის“ შესახებ განაცხადა (ნებართვის გაცემის გამოთქმა დამტკიცებულ პროდუქტს არ ნიშნავს).

2019 წლის ბოლოსკენ FDA-მ განაცხადა, რომ ყველა ელექტრონული სიგარეტისა და მსგავსი ნიკოტინის მიწოდების ელექტრონული სისტემის (ENDS) აკრძალვას განიხილავდნენ. 2020 წლის იანვრისთვის კი FDA-მ განსაკუთრებით ბავშვებისა და მოზარდებისკენ მიმართული არომატიზებული ელექტრონული სიგარეტის კარტრიჯების გაყიდვის შეჩერება გადაწყვიტა. აკრძალვის შემოღების ნაცვლად მხოლოდ გაფრთხილება გამოქვეყნდა. მიუხედავად ამისა, ეს საკმაოდ დადებით განვითარებად ჩანდა; იმ მომენტის ამბების მიხედვით FDA-ს მსგავსი უწყება არომატიზებული ელექტრონული სიგარეტის პროდუქტების გაყიდვას არ მოისურვებდა. მაგრამ თუ მომენტურ ვითარებას კი არა, საერთო სურათს შევხედავთ, რა მოუვიდა 4 თვით ადრე ყველა ელექტრონული სიგარეტის აკრძალვის დაპირებას? იანვარში გამოცხადებული არომატიზებული კარტრიჯების „შეჩერების გაფრთხილების“ შემდეგ გაზიარებულ ჩვენს ერთ სტატიაში ასეთი აბზაცი მოვიყვანეთ: „საბოლოოდ, ზოგადი შეფასებისას არომატიზებული ელექტრონული სიგარეტის კარტრიჯების გაყიდვის შეწყვეტა დადებით მოვლენად შეიძლება მივიჩნიოთ. თუმცა მაშინ, როცა 4 თვით ადრე ყველა ელექტრონული სიგარეტის აკრძალვა განიხილებოდა, თამბაქოსა და მენთოლის არომატის სიგარეტების გაყიდვის გაგრძელება ჩვენთვის დიდი დანაკარგი შეიძლება იყოს. ეს მოვლენა, რომელიც მონოპოლიისკენ მიმავალი მსხვილი ელექტრონული სიგარეტის მწარმოებლებისთვის გზის გახსნასაც შეიძლება ნიშნავდეს, ახალგაზრდებში შემაშფოთებელი ეპიდემიის გათვალისწინებით კვლავ მნიშვნელოვანი საფრთხეა. გარდა ამისა, FDA-მ განცხადებაში განსაკუთრებულად აღნიშნა, რომ არომატიზებულ კარტრიჯებზე „აკრძალვა“ არ შემოუღია და ეს ელექტრონული სიგარეტის მიმართ სანქციების მომლოდინე ჩვენთვის დამაფიქრებელი გამოთქმაა."

თამამად შეგვიძლია ვთქვათ, რომ; აშშ-ს აქამდე არ უნახავს ნივთიერების მოხმარების ეპიდემია, რომელიც ახალგაზრდებში ელექტრონული სიგარეტის ეპიდემიის მსგავსად სწრაფად ვითარდებოდა.

ამერიკაში უფროსი სკოლის მოსწავლეებს შორის ელექტრონულ სიგარეტს % 27.5, ხოლო საშუალო სკოლის მოსწავლეებს შორის % 10.5 იყენებს. FDA-ს მიერ IQOS პროდუქტისთვის გაყიდვის ნებართვის გაცემის განცხადებაში ყურადღება ახალგაზრდებს შორის ელექტრონული სიგარეტის პროდუქტების გამოყენების მაღალ დონეზე მახვილდება და თამბაქოს პროდუქტების არმომხმარებლებს ურჩევენ, IQOS-ის მსგავს პროდუქტებს საერთოდ არ მიმართონ.

IQOSარის Philip Morris-ის მიერ შემუშავებული ელექტრონული სიგარეტი, რომელიც „გაცხელებულ, მაგრამ დაუწველ თამბაქოს პროდუქტად“ იყიდება. კლასიკურ სიგარეტში წვერზე წვის ტემპერატურა 750 გრადუსამდე აღწევს, IQOS კი უფრო კონტროლირებადი წვის უზრუნველსაყოფად არის შექმნილი. თუმცა აქ გამოთქმა „არ იწვის“ და ამგვარი მარკეტინგი სწორად არ მიგვაჩნია; რადგან ამ პროდუქტში წვა, თუნდაც არა 750, არამედ 350 გრადუსზე, ხდება და აშკარაა, რომ ამისთვის „წვა კი არა, გათბობა“ სწორი გამოთქმა არ იქნება. როგორც მრავალი ნივთიერების შემთხვევაში, თამბაქოც რაც უფრო მაღალ ტემპერატურაზე იწვის, მით მეტ კარცინოგენს (კიბოს გამომწვევს) გამოყოფს. დაბალ ტემპერატურაზე „დაწვამ“ გამოყოფილი კარცინოგენის რაოდენობა შეიძლება შეამციროს, თუმცა ვერ გაანულებს. მეორე მხრივ, ნაკლები ზიანის გამო უფრო დიდი რაოდენობით და ფართოდ მოხმარება და გამოყენების ასაკის დაწევა შეუმჩნეველი დიდი რისკებია.

საბოლოოდ, მნიშვნელოვანია აღინიშნოს, რომ ეს პროდუქტები უსაფრთხო არ არის. ისინი მკურნალობის არჩევანად არ უნდა განიხილებოდეს. FDA-ს მიერ გაცემული ნებართვა არ ნიშნავს, რომ ეს პროდუქტები უსაფრთხოა, დამტკიცებულია ან უვნებელია. ხაზგასმით უნდა აღინიშნოს, რომ როგორც ყველა თამბაქოს პროდუქტს, ამ პროდუქტსაც უნდა მოერიდონ. პროდუქტთან დაკავშირებული ძირითადი შედეგები ახალგაზრდებზე ჩატარებული დაკვირვების კვლევებით გახდება ცნობილი.

დაკავშირებული თემა

ყველა ჩვენი სიახლე ელექტრონულ სიგარეტზე