მწვავე მიელოიდური ლეიკემიისთვის FDA-ს მიერ დამტკიცებული პირველი ჭკვიანი წამალი: მიდოსტაურინი
ამ სტატიაში
28 აპრილს 2017 წელს FDA-მ მიდოსტაურინის (სავაჭრო სახელი Rydapt) გამოყენება დაამტკიცა ახლად დიაგნოსტირებული მწვავე მიელოიდური ლეიკემიის (AML) მქონე მოზრდილებში, რომლებსაც FLT3 მუტაცია (FLT3 +) აქვთ და ეს მუტაცია FDA-ს მიერ დამტკიცებული ტესტით გამოვლინდა.
დამტკიცება ეფუძნებოდა ფართომასშტაბიან კვლევას მანამდე არანამკურნალები FLT3 + AML-ის მქონე 717 პაციენტში. პაციენტები ციტარაბინისა და დაუნორუბიცინის სტანდარტული ინდუქციისა და ციტარაბინის კონსოლიდაციური ქიმიოთერაპიის ციკლის 8-21. დღეებში, შემდეგ კი მაქსიმუმ 12 კურსის განმავლობაში ყოველდღიურად პერორალურად დღეში ორჯერ პლაცებოს ან 50 mg მიდოსტაურინის მისაღებად 2 ჯგუფად გაიყვნენ. მიდოსტაურინის ჯგუფში საერთო გადარჩენა პლაცებოსთან (აქტიური ნივთიერების არმქონე საშუალება) შედარებით უფრო ხანგრძლივი იყო (სტანდარტულ მკურნალობასთან შედარებით %23-ით ხანგრძლივი).
მიდოსტაურინის მოქმედების მექანიზმი
მიდოსტაურინი მრავალკინაზური ინჰიბიტორია და მწვავე მიელოიდური ლეიკემიისთვის დამტკიცებული პირველი მიზნობრივი თერაპიული საშუალებაა. კინაზები, უჯრედის მემბრანის ციტოპლაზმურ მხარეს არსებული ცილებია, რომლებიც უჯრედების გამრავლების ხელშემწყობ სიგნალებს გადასცემს.
შესაძლო გვერდითი მოვლენები
ხშირი გვერდითი მოვლენებია, რომლებიც პაციენტების სულ მცირე % 20-ში გვხვდება: ცხელებით მიმდინარე თეთრი უჯრედების სიმცირე (ნეიტროპენია), გულისრევა, პირის წყლულები (მუკოზიტი), ღებინება, თავის ტკივილი, კანის გამონაყარი (პეტექია), კუნთ-ძვლოვანი ტკივილი, ცხვირიდან სისხლდენა, მოწყობილობასთან დაკავშირებული ინფექცია, მაღალი შაქარი (ჰიპერგლიკემია) და ზედა სასუნთქი გზების ინფექცია. ყველაზე ხშირი მძიმე გვერდითი მოვლენა იყო ცხელებიანი თეთრი უჯრედების სიმცირე, რომელიც როგორც პლაცებოს, ისე მიდოსტაურინის პაციენტების % 16-ში აღინიშნა.
ამერიკის სურსათისა და წამლის ადმინისტრაციამ FDA-მ ასევე დაამტკიცა მიდოსტაურინი აგრესიული სისტემური მასტოციტოზის (ASM), ჰემატოლოგიურ ნეოპლაზმასთან დაკავშირებული სისტემური მასტოციტოზის (SM-AHN ) ან მასტოციტური ლეიკემიის მქონე მოზრდილთა სამკურნალოდ.
გამოყენების წესი და დოზა
AML-ში რეკომენდებულია მიდოსტაურინის 50 mg საკვებთან ერთად დღეში ორჯერ ინდუქციური და კონსოლიდაციური ქიმიოთერაპიის ციკლის 8-21. დღეებში, შემდეგ კი ყოველდღიურად ცალკე აგენტად მაქსიმუმ 12 თვემდე. აგრესიული სისტემური მასტოციტოზის, ჰემატოლოგიურ ნეოპლაზმასთან დაკავშირებული SM-ის ან მასტოციტური ლეიკემიის მქონე მოზრდილებში რეკომენდებულია საკვებთან ერთად დღეში ორჯერ 100 mg.
FDA-მ ასევე დაამტკიცა LeukoStrat CDx FLT3 მუტაციის ტესტი AML-ის მქონე პაციენტებში FLT3 მუტაციისთვის მიდოსტაურინთან ერთად გამოსაყენებლად.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.