პირის სიმშრალე

ეს არის მდგომარეობა, როდესაც პირის ღრუ უჩვეულოდ შრება. პირის სიმშრალეს იწვევს მრავალი დაავადება, მათ შორის რევმატული დაავადებები, დიაბეტი, თირკმლის უკმარისობა და AIDS; იგი შეიძლება კიბოს მკურნალობის გვერდით მოვლენადაც გამოვლინდეს.

პირის სიმშრალე შეიძლება მრავალი ფაქტორის გამო განვითარდეს:

• თავისა და კისრის არეში ჩატარებული რადიოთერაპია
• თავისა და კისრის ყველა ქირურგიული ჩარევა, მათ შორის სანერწყვე ჯირკვლების ამოკვეთა
• ქიმიოთერაპიის ზოგიერთი პრეპარატი
• პირის ღრუს ინფექციები
• ზოგიერთი მედიკამენტური მკურნალობა და ჯანმრთელობის განსაკუთრებული მდგომარეობები, მაგალითად დიაბეტი
• რა უნდა გავაკეთოთ პირის სიმშრალის შესამცირებლად?

ყურადღება უნდა მივაქციოთ პირის ღრუს ჰიგიენას:

• კბილები გაიხეხეთ დაძინებამდე და ყოველი ჭამის შემდეგ.
• გამოიყენეთ ნეილონის მოკლე, რბილჯაგრიანი კბილის ჯაგრისი. თუ ჯაგრისის წვერი საკმარისად რბილი არ არის, უბრალოდ ცხელ წყალში ჩადეთ და ცოტა ხანს გააჩერეთ.
• კბილები კბილის ძაფით გაიწმინდეთ.
• შეგიძლიათ სოდის ხსნარით გამოივლოთ პირი.
• პირი ხშირად გამოივლეთ მარილიანი წყლით (250 ml წყალზე ნახევარი კოვზი მარილი).
• მარილიანი წყალი გამოივლეთ ყოველ ორ საათში ერთხელ ან საჭიროებისამებრ. მარილიანი წყალი პირს ტენიანობას უნარჩუნებს და სქელ ნერწყვს ათხელებს.
• მოერიდეთ გასაყიდ სავლებს, რომლებიც ალკოჰოლს, გამწმენდ ნივთიერებას ან დამატკბობელს შეიცავს. ასეთი სავლები პირის სიმშრალეს აძლიერებს და შეიძლება კბილების კარიესიც გამოიწვიოს.
• გამოიყენეთ ფტორიდის გელი: ფტორიდის შემცველი გელები მინანქარსა და კბილის კარიესს მინიმუმამდე ამცირებს და კბილებს ამაგრებს.
• თუ კბილის პროთეზი გაქვთ: ყოველთვის სუფთად შეინახეთ, დარწმუნდით, რომ იგი პირში ზუსტად ჯდება და მოერიდეთ მისი დაძინებისას ტარებას.

როგორ გავუმკლავდეთ პირის სიმშრალეს?

• გამოივლეთ პირი და ხშირად მოსვით წყალი ან ხილის წვენი.
• პირის ღრუს ჰიგიენას ყურადღება მიაქციეთ დაძინებამდე და ყოველი ჭამის შემდეგ.
• შეცვალეთ საკვების მომზადების წესი და უფრო სასიამოვნო გახადეთ.
• აირჩიეთ რბილი და წვნიანი საკვები. კერძებში გამოიყენეთ ხორცის ბულიონი და სოუსები.
• მოერიდეთ მაგარ და მშრალ საკვებს, მაგალითად პურს ან არაქისის კარაქს.
• ჭამის დროს მეტი სითხე მიიღეთ.
• მოერიდეთ ალკოჰოლსა და გაზიან სასმელებს.
• დაღეჭეთ უშაქრო საღეჭი რეზინი.
• კბილის კარიესიანი უბნები შეიზილეთ ნერწყვის შემცვლელი საშუალებით ან ერთი ჩაის კოვზი ზეითუნის ზეთით.
• ტუჩების ნახეთქებისა და სიმშრალის მოსაშორებლად გამოიყენეთ ტუჩების დამატენიანებელი.
• ჰკითხეთ ექიმს, არის თუ არა თქვენთვის შესაფერისი ნერწყვის წარმოქმნის დამაჩქარებელი ზოგიერთი წამალი, მაგალითად პილოკარპინი.

ექიმის ინფორმირების გარეშე არასოდეს გამოიყენოთ თვითნებურად ყურმოკრული რჩევები. ექიმი საჭირო გამოკვლევებს ჩაატარებს და აუცილებლობის მიხედვით საჭირო დამატებებსა და/ან ცვლილებებს შეიტანს.